გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა იმერეთში არარეგისტრირებული სახერხი საამქრო გამოავლინეს.

ქალაქ ზესტაფონში მოქალაქეს ლენტური ტიპის სახერხი საამქრო უკანონოდ საკარმიდამო ეზოში ჰქონდა მოწყობილი. ტერიტორიაზე განთავსებული იყო „წითელი ნუსხით“ დაცული წაბლის სახეობის 0,5 კუბური მეტრი მოცულობის პირველადი გადამუშავების პროდუქტი (ფიცარი). 

ვინაიდან ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნა. 

მიმდინარე წელს დეპარტამენტის თანამშრომლებმა ქვეყნის მასშტაბით 56 უკანონო სახერხი საამქრო გამოავლინეს. 

უახლოეს დღეებში საქართველოში შენარჩუნებული იქნება თბილი და უნალექო ამინდი.

ქ. თბილისში უნალექოდ. ჰაერის ტემპერატურა დღისით +19, +21 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) თბილი და უნალექო ამინდია მოსალოდნელი. ჰაერის ტემპერატურა დღისით +24, +26 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): თბილი და უნალექო ამინდია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უნალექო ამინდია მოსალოდნელი. ჰაერის ტემპერატურა დღისით +16, +18 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): უნალექო ამინდია მოსალოდნელი. ჰაერის ტემპერატურა დღისით +20, +22 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უნალექო ამინდია მოსალოდნელი. ჰაერის ტემპერატურა დღისით +19, +21 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უნალექო ამინდია მოსალოდნელი. ჰაერის ტემპერატურა დღისით +18, +20 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უნალექო ამინდია მოსალოდნელი. ჰაერის ტემპერატურა დღისით +15, +17 გრადუსი დაფიქსირდება.

ქუთაისის საერთაშორისო აეროპორტიდან  Wizz Air ახალ რეისებს იწყებს.

12 იანვრიდან, კვირაში 4 ჯერ ქუთაისიდან ფრენები კიდევ ერთ ევროპულ ქალაქში შესრულდება.სლოვაკეთის დედაქალაქის, ბრატისლავას, მიმართულებით ფრენის დღეები იქნება ორშაბათი, ოთხშაბათი, პარასკევი და კვირა.

ქუთაისში, რუას ქუჩის I ჩიხში საყრდენი კედლის მოწყობის სამუშაოები მიმდინარეობს. სამუშაო პროცესს ქუთაისის მერი დავით ერემეიშვილი, სახელმწიფო რწმუნებული იმერეთში ლევან ზალკალიანი და ქუთაისის საკრებულოს თავმჯდომარე გიორგი ჭიღვარია გაეცნენ.

რუას ქუჩის აღნიშნულ მონაკვეთზე გასწორდა რელიეფი, ჩატარდა ბურღვითი სამუშაოები, განთავსდა ხიმინჯების ნაწილი, რომლებზეც მოეწყო ბეტონის დამცავი კედელი.   

პროექტის განსახორციელებლად სტიქიის ფონდიდან 1 365 211 ლარი გამოიყო.

სამშაბათს, 25 ნოემბერს, ჭიათურელი მაღაროელების 270-დღიანი უწყვეტი საპროტესტო აქციის მონაწილეები თბილისში, ჯანდაცვის სამინისტროსთან შეიკრიბებიან. აქცია 14:00 საათზე. 

,,ვმართავთ აქციას სწორედ იმ შენობის წინ, სადაც მიმდინარეობდა სამხრივი კომისიის შეხვედრები.

დღემდე არ გვაქვს პასუხი უმთავრეს კითხვაზე: რაზე შეთანხმდნენ და რას მოაწერეს ხელი, რის შედეგადაც ჭიათურის საწარმოებში დასაქმებული 3620 თანამშრომლიდან 2000 ადამიანი უმუშევარი დარჩა, ხოლო ამ 2000-დან 1050 დღესაც სამსახურში აღდგენის მოლოდინშია.

გვაინტერესებს: რას ითვალისწინებდა ის უკანონო რეორგანიზაცია, რომელიც „ჯორჯიან მანგანეზთან“ შეთანხმებით განხორციელა ჭიათურა მებწჯმენტ კომპანიმ?

რის ფასად უნდა აღმდგარიყო საწარმოო პროცესი — 2000 თანამშრომლის განთავისუფლების, რეპრესიების და მუშების დაკავებების ხარჯზე , რომელიც უკვე 7 თვეზე მეტია უსამართლო პატიმრობაში იმყოფებიან? 

როგორც მოქალაქეებსა და მუშებს, გვაინტერესებს ვიცოდეთ სიმართლე.

მოვითხოვთ პასუხს ყველა იმ კომპეტენტური პირისგან, ვინც ამ პროცესში მონაწილეობდა.,,-აღნიშნულ ინფორმაციას მაღაროელთა საინიციატივო ჯგუფი სოციალურ ქსელში ავრცელებს.