ბაღდათის მუნიციპალიტეტის მერმა ნოდარ გიორგიძემ, საკრებულოს თავმჯდომარე გურამ კიკნაველიძესთან, იმერეთში სახელმწიფო რწმუნებულ ლევან ზალკალიანთან და საქართველოს რეგიონული განვითარების მინისტრის პირველ მოადგილე ლევან ზაუტაშვილთან ერთად, ბაღდათის მუნიციპალიტეტის სოფელ ხანში, მიმდინარე ინფრასტრუქტურული პროექტი დაათვალიერა.

 სოფელ ხანში მიმდინარეობს ქ.ბაღდათი-კაკასხიდი-სოფელ ხანის დამაკავშირებელი გზის დაზიანებული მონაკვეთის სრულმასშტაბიანი აღდგენა. სამუშაოების ღირებულება 4 779 779 ლარს შეადგენს და პროექტი სტიქიის შედეგების სალიკვიდაციო ღონისძიებების ფონდის ბიუჯეტიდან ფინანსდება.

იმერეთში სახელმწიფო რწმუნებულმა ლევან ზალკალიანმა და საქართველოს რეგიონული განვითარების მინისტრის პირველმა მოადგილემ ლევან ზაუტაშვილმა მუნიციპალიტეტების ხელმძღვანელებთან ერთად, ქუთაისში, ზესტაფონსა და ბაღდათში მიმდინარე ინფრასტრუქტურული პროექტები დაათვალიერეს.

ქუთაისში ოღასკურას კალაპოტის 1.2-კილომეტრიანი მონაკვეთის სარეაბილიტაციო სამუშაოები მიმდინარეობს, რომელიც ითვალისწინებს კალაპოტის რეკონსტრუქცია-რეაბილიტაციასა და ნაპირსამაგრი ინფრასტრუქტურის მოწყობას. პროექტის ღირებულება 4 893 422 ლარს შეადგენს და ის რეგიონული განვითარების ფონდიდან ფინანსდება.

ზესტაფონში ხორციელდება მდინარე აჯამურაზე არსებული ხიდის რეაბილიტაცია, რომლის ფარგლებში სრულად განახლდება ხიდის ინფრასტრუქტურა, საყრდენი კონსტრუქციები და სავალი ნაწილი, ასევე მოეწყობა თანამედროვე გარე განათების სისტემა. პროექტის ღირებულება 864 000 ლარს შეადგენს და სახელმწიფო ბიუჯეტიდან ფინანსდება.

ბაღდათის მუნიციპალიტეტის სოფელ ხანში მიმდინარეობს ქ.ბაღდათი-კაკასხიდი-სოფელ ხანის დამაკავშირებელი გზის დაზიანებული მონაკვეთის სრულმასშტაბიანი აღდგენა. სამუშაოების ღირებულება 4 779 779 ლარს შეადგენს და პროექტი სტიქიის შედეგების სალიკვიდაციო ღონისძიებების ფონდის ბიუჯეტიდან ფინანსდება.

პროექტების დასრულების შემდეგ იმერეთის რეგიონში მნიშვნელოვნად გაუმჯობესდება როგორც სატრანსპორტო ინფრასტრუქტურა, ისე მოსახლეობის უსაფრთხო გადაადგილების პირობები.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 მაისიდან 31 მაისის ჩათვლით პერიოდში, ნარჩენების მართვის კოდექსის დარღვევის 642 ფაქტი გამოავლინეს. 

სამართალდარღვევებიდან 123 მუნიციპალური ნარჩენებით გარემოს დანაგვიანების ფაქტია: 42 - სამშენებლო ან სხვა ინერტული მასალით გარემოს დანაგვიანება, 41 - მუნიციპალური არასახიფათო ნარჩენების ღია წესით ან არადანიშნულების საწვავ დანადგარში წვა, 21 - კანალიზაციის ან/და შლამისებრი ნარჩენით ტერიტორიის დაბინძურება, 9 - ცხოველის სხეულის ნარჩენებით გარემოს დანაგვიანება/დაბინძურება, 70 - კომპანიის ნარჩენების მართვასთან დაკავშირებული სპეციალური ვალდებულებების შეუსრულებლობა, 15 - სახიფათო ნარჩენების მართვასთან დაკავშირებული მოთხოვნებისა და ვალდებულებების შეუსრულებლობა, 321 კი - სხვა დარღვევა. 

ყველაზე მეტი - 167 დარღვევა დაფიქსირდა კახეთში, 136 - ქვემო ქართლში, 67 - შიდა ქართლში, 53 - სამეგრელო-ზემო სვანეთში, 45 - იმერეთში, 45 - მცხეთა-მთიანეთში, 41 - აჭარაში, 18 - სამცხე-ჯავახეთში, 2 კი - გურიაში.  

დარღვევები დაფიქსირდა დედაქალაქშიც. მიმდინარე წლის მაისის თვეში თბილისში ნარჩენების მართვის კოდექსის დარღვევის 68 ფაქტი გამოავლინეს. 

2026 წლის ერთიანი ეროვნული გამოცდების გამოცდების განრიგი ცნობილია.

 ერთიანი ეროვნული გამოცდები 2 ივლისს ქართული ენისა და ლიტერატურის გამოცდით დაიწყება და 22 ივლისს ფიზიკის გამოცდით დასრულდება.

2026 წლის გამოცდების დეტალური განრიგი:  

ქართული ენა და ლიტერატურა

2 ივლისი (პირველი და მეორე სესია);

3 ივლისი (პირველი და მეორე სესია);

ოსური ენა

2 ივლისი (პირველი სესია); 

უცხოური ენა

6 ივლისი (პირველი და მეორე სესია) - ინგლისური ენა;

7 ივლისი (პირველი და მეორე სესია) - ინგლისური ენა;

8 ივლისი (პირველი სესია) - რუსული ენა; 

8 ივლისი (პირველი სესია) - გერმანული ენა;

8 ივლისი (პირველი სესია) - ფრანგული ენა;

მათემატიკა

10 ივლისი (პირველი და მეორე სესია);

ისტორია

13 ივლისი (პირველი და მეორე სესია);

14 ივლისი (პირველი სესია);

ქიმია

14 ივლისი (მეორე სესია);

სამოქალაქო განათლება

15 ივლისი (პირველი სესია); 

ბიოლოგია

16 ივლისი (პირველი სესია);

ზოგადი უნარები (სომხურ ენაზე)

17 ივლისი (პირველი სესია);

ზოგადი უნარები (აზერბაიჯანულ ენაზე)

17 ივლისი (პირველი სესია);

სახვითი და გამოყენებითი ხელოვნება

17 ივლისი (პირველი სესია);

გეოგრაფია

20 ივლისი (მეორე

სესია);

ლიტერატურა

21 ივლისი (პირველი სესია);

ფიზიკა

22 ივლისი (პირველი სესია).

მასწავლებლის გამოცდებზე დარეგისტრირებულები საგამოცდო პროცესში 5 ივლისიდან ჩაერთვებიან. 

17 ივლისს ჩატარდება სტუდენტთა საგრანტო კონკურსი, ხოლო მაგისტრანტობის კანდიდატები საერთო სამაგისტრო გამოცდას 23 და 24 ივლისს ჩააბარებენ.

გამოცდის თარიღი, გამოცდაზე გამოცხადების დრო და საგამოცდო ცენტრის მისამართი მითითებული იქნება საგამოცდო ბარათზე. ინფორმაცია იმის შესახებ, თუ როდიდან შეძლებენ გამოსაცდელები საკუთარი სარეგისტრაციო გვერდიდან ბარათების ამობეჭდვას, შეფასებისა და გამოცდების ეროვნული ცენტრის ოფიციალურ ვებგვერდზე გამოქვეყნდება.

 2026 წელს საგამოცდო ცენტრები გაიხსნება თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში.

13 ივნისის ტრაგედიიდან 9 წელი გავიდა. მდინარე ვერეს ხეობაში მომხდარმა სტიქიამ 21 ადამიანის სიცოცხლე შეიწირა, ორი ამ დრომდე დაკარგულია.

სტიქიური უბედურება 2015 წლის 13 ივნისს, გვიან ღამით დაიწყო . მთლიანად დაიტბორა სვანიძის ქუჩა, სანახევროდ დაინგრა ვაკე-საბურთალოს დამაკავშირებელი ესტაკადა, წყალმა დაფარა გმირთა მოედანი და ”მზიურის“ პარკი. წყალდიდობის შედეგად თითქმის მთლიანად განადგურდა თბილისის ზოოპარკი.

უსახლკაროდ რამდენიმე ათეული ოჯახი დარჩა.

მდინარე ვერეს ადიდება ბეთანიის გზაზე წარმოქმნილმა მძლავრმა მეწყერმა გამოიწვია .

უახლოეს დღეებში სითბოს ფონზე საქართველოს ზოგიერთ რაიონში მოსალოდნელია ხალმოკლე წვიმა და ელჭექი, ზოგან შესაძლებელია სეტყვა.

ქ. თბილისში ღამის საათებში მოსალოდნელია ხანმოკლე წვიმა ელჭექით. ჰაერის ტემპერატურა დღისით +26, +28 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 13 ივნისს თბილი და უნალექო ამინდია მოსალიდნელი, ხოლო 14-15 ივნისს გაწვიმდება. ჰაერის ტემპერატურა დღისით +23, +25 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 13 ივნისს თბილი და უნალექო ამინდია მოსალიდნელი, ხოლო 14-15 ივნისს გაწვიმდება. ჰაერის ტემპერატურა დღისით +26, +28 გრადუსი დაფიქსირდება. 

 დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 13 ივნისს თბილი და უნალექო ამინდია მოსალიდნელი, ხოლო 14-15 ივნისს გაწვიმდება. ჰაერის ტემპერატურა დღისით +25, +27 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +20, +22 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): დროგამოშვებით ხანმოკლე წვიმა და ელჭექია მოსალოდნელი, შესაძლებელია სეტყვა. ჰაერის ტემპერატურა დღისით +27, +29 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): დროგამოშვებით ხანმოკლე წვიმა და ელჭექია მოსალოდნელი, შესაძლებელია სეტყვა. ჰაერის ტემპერატურა დღისით +27, +29 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): დროგამოშვებით ხანმოკლე წვიმა და ელჭექია მოსალოდნელი, შესაძლებელია სეტყვა. ჰაერის ტემპერატურა დღისით +25, +27 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): დროგამოშვებით ხანმოკლე წვიმა და ელჭექია მოსალოდნელი, შესაძლებელია სეტყვა. ჰაერის ტემპერატურა დღისით +17, +19 გრადუსი დაფიქსირდება.