სახალხო დამცველი თერჯოლაში არსებულ ფსიქიკური ჯანმრთელობის ცენტრში  არსებულ მთელ რიგ პრობლემებზე საუბრობს.  ლევან იოსელიანმა იმერმედი – იმერეთის სამხარეო სამედიცინო ცენტრში (თერჯოლამედი)“ არსებული ფსიქიკური ჯანმრთელობის ცენტრი დაათვალიერა. 

ცენტრი გათვლილია 18 საწოლზე და სრულად დატვირთულია.სახალხო დამცველის აპარატის ინფორმაციით, იქ მყოფ პაციენტებს არ აქვთ სუფთა ჰაერზე გასვლის შესაძლებლობა; შენობაში  პრობლემას წარმოადგენს სანიტარულ-ჰიგიენური პირობების დაცვა.ამასთან ხშირია ერთი და იგივე პირების სტაციონირების შემთხვევები, რაც გამოწვეულია რეგიონში სათემო სერვისების ნაკლებობით.

მკურნალობის პროცესში პაციენტები არ არიან უზრუნველყოფილნი ფსიქოსოციალური რეაბილიტაციური ინტერვენციებით და ნაკლებადაა გათვალისწინებული მათი ინდივიდუალური საჭიროებები. ცენტრი განიცდის საჭირო პერსონალის/სპეციალისტების სიმცირეს.

ტყიბულელი გიორგი აბულაძე აცხადებს,რომ განსაკუთრებული აზრის გამო ის სამსახურიდან გამოუშვეს.მისი თქმით, შახტიდან გაათავისუფლეს მისი ოჯახის წევრებიც.

,,დღეს მოხდა ჩემი და ჩემი ოჯახის წევრების განთავისუფლება შახტიდან, იმის გამო რომ მქონდა განსხვავებული აზრი, არ გავხდი რუსების მონა, ვერ მოახერხეს ჩემი შეშინება და იყო დამუქრებაც, ამის ნიადაგზე მოხდა ჩემზე შურისძიება. გამანთავისუფლეს იმ კომპანიიდან სადაც 18 წელი ვმსახურობდი, სადაც ექვსი წლის წინ სიკვდილს ჩავხედე თვალებში.,,-წერს სოციალურ ქსელში გიორგი აბულაძე.

ფოტო პირობითია

მიმდინარე მშვიდობიან დემონსტრაციებზე 28 ნოემბრიდან დღემდე დაკავებულ პირებთან მიმართებით მთელ რიგ დარღვევებთან ერთად გამოიკვეთა მათ მფლობელობაში/საკუთრებაში არსებული ნივთების ჩამორთმევის/მისაკუთრების უკანონო პრაქტიკა, - ამის შესახებ ახალგაზრდა იურისტთა ასოციაციის თავმჯდომარე, ნონა ქურდოვანიძემ ბრიფინგზე განაცხადა.

მისი თქმით, არაერთი დაკავებულის ინფორმაციით, დაკავების შემდგომ მათ ჩამოართვეს პირადი ნივთები, მათ შორის, ტელეფონები, ყურსასმენები, ლეპტოპი, ჩანთა, სახლის და მანქანის გასაღებები, პირადობის მოწმობები, საფულე და სხვა.

ქურდოვანიძის ინფორმაციით, ზოგიერთი დაკავებულის განმარტებით, სამართალდამცველები მათ სთხოვდნენ ტელეფონის პაროლს, უარის შემთხვევაში კი, ძალადობდნენ მათზე.

„იყო შემთხვევები, როდესაც მობილური ტელეფონი დაკავებულებს ჩამოართვეს განყოფილებაში, თუმცა, გათავისუფლებისას ამ პირებს არ დაუბრუნდათ ნივთები. ნივთების ჩამორთმევაში გარკვეულ შემთხვევებში მონაწილეობდნენ სპეცრაზმის თანამშრომლები და განყოფილებებსა თუ დროებითი მოთავსების იზოლატორებში დაკავებულების გადაყვანისას შესაბამის დოკუმენტებში აღინიშნებოდა, რომ მათ რაიმე ტიპის ნივთები არ ჰქონდათ დაწესებულებაში მიყვანის დროისთვის.

აღსანიშნავია, რომ უმეტესად დაკავებულებს ნივთები არ ჩამორთმევიათ კანონმდებლობით დადგენილი წესით და იგი ცალკეულმა სამართალდამცავებმა კანონსაწინააღმდეგო გზით მიისაკუთრეს ან დაკავებულთა დასჯის მიზნით გადაუყარეს ისინი, რათა მათ აღარ ჰქონოდათ ნივთების დაბრუნების შესაძლებლობა”, - განაცხადა ქურდოვანიძემ.

საიას თავმჯდომარის ინფორმაციით, ზოგიერთი დაზარალებული აცხადებს, რომ მათ პირადი ნივთები და ტელეფონები ჩამოართვეს სიცოცხლის და ჯანმრთელობისთვის საშიში მუქარით.

„ზოგ შემთხვევაში დაზარალებულებმა შეძლეს მათი ტელეფონის ლოკაციის დადგენა, რაზეც სპეციალური საგამოძიებო სამსახურიც ინფორმირებულია, თუმცა, უწყების მხრიდან რაიმე სახის რეაგირებას დღემდე არ ჰქონია ადგილი. მაგალითისთვის, ერთ-ერთი დაზარალებულის ტელეფონი ჩაირთო ქალაქ გორში. რამდენიმე შემთხვევაში კი, მობილური ტელეფონები დაფიქსირდა შინაგან საქმეთა სამინისტროს, პარლამენტის და სხვა სახელმწიფო უწყებების ადმინისტრაციული შენობების ტერიტორიაზე. აღნიშნული ფაქტების ანალიზით დგინდება, რომ რიგ შემთხვევაში ნივთების ჩამორთმევა ხდებოდა მართლსაწინააღმდეგო მისაკუთრების მიზნით და ამ მოქმედებას არავითარი საერთო აქვს სამართლებრივ პროცედურასთან.

ამდენად, ამ დრომდე დაკავებულებს არ აქვთ ინფორმაცია, როდის დაუბრუნდებათ ჩამორთმეული/წართმეული ნივთები, ასევე, უცნობია გარკვეული ნივთების ადგილსამყოფელი. მნიშვნელოვანია, ცალკეული საქმეების შესაბამისი კვალიფიკაციით ობიექტური გამოძიება და იმ პირების დასჯა, რომლებიც მონაწილეობდნენ ნივთების თვითნებურ და უკანონო ჩამორთმევასა და მისაკუთრებაში”, - განაცხადა ქურდოვანიძემ.

ერთობის ჯაჭვი საქართველოსთვის,, ქუთაისში 28 დეკემბერს,15 :00 საათზე გაიმართება. 

ჯაჭვის მარშუტი შემდეგია-შოთა რუსთაველის ხიდის დასაწყისი,შოთა რუსთაველის ხიდი,გალაკტიონის მუზა,წითელი ხიდი.

ქუთაისში ნაძვის ხე პროტესტის ფონზე აინთო.

მთელი დღის განმავლობაში, ნაძვის ხის ირგვლივ,საპროტესტო აქციის მონაწილეები იყვნენ შეკრებილი.ისინი ამ წუთებშიც, ადგილზე არიან .

პარალელურად, კი ქალაქის ცენტრალურ მოედანზე საახალწლო ღონისძიებები იმართებოდა.

ნაძვის ხის საზეიმოდ ანთებამდე შეკრებილებს ქუთაისის მერის მოვალეობის შემსრულებელმა დავით ერემეიშვილმა  და ქუთაისის დელეგატმა პარლამენტში,ზაზა ლომინაძემ მიმართეს. 

მათი სიტყვით გამოსვლის პარალელურად, აქციის მონაწილეები საყვირებით გამოხატავდნენ პროტესტს.

მერიის მიერ ორგანიზებული საღამო მსახიობი მაკა შალიკაშვილს მიჰყავს.

ცენტრალურ მოედანზე მობილიზებულია პოლიცია.

ცენტრალურ მოედანზე ახლა საზეიმო კონცერტი მიმდინარეობს. 

გუშინ აქციის მონაწილეებმა ქუთაისის მერიას მიმართეს განაცხადებით,ნაძვის ხე საზეიმო ღონისძიების გარეშე აენთოთ,თუმცა ადგილობრივმა ხელისუფლებამ მათი პოზიცია არ გაითვალისწინა. 

ფოტო (სქრინი)-ტელეკომპანია ,,მეგატვ-ის,, ფეისბუქ-ლაივიდან