არასამთავრობო ორგანიზაცია,,ევროპა ჩვენი სახლიას,, დამფუძნებელი გელათის რეაბილიტაციის დროებითი კომიტეტის მიერ გავრცელებულ ინფორმაციას ეხმაურება.თორნიკე ბარათაშვილი გელათში არსებული ვითარების შესახებ დიდი ხანია საუბრობს და სამუშაოების გაჭიანურებასა და არასწორად წარმართვაზე აკეთებს აქცენტს.

,,5 წელი დასჭირდა ამას.სავსეა გელათი პროპაგამდისტული ტელევიზიებით, ვინც ამ ხნის მანძილზე ხელისუფლებას პრობლემების მიჩქმავლის უხეირო მცდელობაში ეხმარებოდა.

სარეაბილიტაციო ხარვეზია, რამდენიმე კრამიტს გამოვცვლით და ეშველებაო- 2020 ში ამბობდნენ.

დღეს იტყვიან გადავრჩითო.

ეს თუ შველაა..დააზიანეს, წლები ცდილობდნენ დაემალათ და ბოლოს აქამდე მივედით.

წინ კრამიტის მოხსნის უმძიმესი პროცესია.

2018 დან შეტანილი შემავსებელია გასატანი.

გასაწმენდია სახურავის სივრცე სრულად.

მერე გამოშრობამ უნდა დაგვანახოს რა დაგვრჩა და რა წაიღო ველურმა რეჟიმმა.

პარალელურად, მუდმივი ჩარევებია საჭირო ფერწერასა და მოზაიკაზე.

უდიდესი სამუშაო, რაც აქამდე ვერ ნანახ პროფესიონალიზმს ითხოვს! 

მთავარია, 9 საუკუნის კედლებზე მიყრდნობილმა ხარაჩომ უნდა გაუძლოს წვიმებს და ქარებს წლების მანძილზე.

2020 ში რომ ეღიარებინათ დანაშაული, ახლა ეს მოხსნილი უნდა იყოს!,,-თორნიკე ბარათაშვილი. 

ამა ჭიათურაში უწყვეტი საპროტესტო აქციის 118-ე, ხოლო შიმშილობის მეშვიდე დღეა. მოში.შილეთაგან ერთმა პირი ამოიკერა. 

მთავარი მოთხოვნა უცვლელია- ოთხი მაღაროელის გათავისუფლება,რომელთაგანაც ერთი-მერაბ სარალიძე პროტესტის ნიშნად ციხეში შიმშილობს. 

,,რაც შეეხება საწარმოო პროცესს — პროფკავშირებსა და კომპანიას შორის კოლაბორაციით დაწყებული რეორგანიზაციის პროცესი გადამწყვეტ ფაზაშია შესული.

ის მიმდინარეობს დანიშნულებისამებრ, თუმცა ამ დროისთვის უკვე 1 600-მდე დასაქმებული დარჩა შემოსავლისა და სამსახურის გარეშე.

ეს სტატუსი არაოფიციალურია, რადგან მათი განთავისუფლების შესახებ ბრძანება ჯერ არ გამოცემულა. მაგრამ არც სამუშაოზე დაუბრუნებიათ, და არც კუთვნილი 60%-იანი ანაზღაურება აუნაზღაურებიათ .არც ჩვენთვის, ვინც პროტესტის წინა ხაზზე ვდგავართ, და არც იმ თანამშრომლებისთვის, ვინც ბოლოს რეორგანიზაციას ხელი მოაწერა.

დისკრიმინაციული ნიშნით დევნა გრძელდება.

მაღაროს ხელმძღვანელებს არ აინტერესებთ არც კადრის კვალიფიკაცია, არც შრომისმოყვარეობა.ერთ-ერთი ძირითადი კრიტერიუმი გახდა: “კარვის სიახლოვეს ხომ არ ყოფილა?” და “პროტესტში ხომ არ მონაწილეობდა?”ეს არის შერჩევითი “სამართალი”, დისკრიმინაცია და სრული ადმინისტრაციული ქაოსი,რომელმაც ჭიათურის ეკონომიკური და სოციალური განადგურების საწყისი ეტაპები უკვე წარმატებით გაიარა.ამ ფონზე, კოლოსალური რაოდენობის მადანი დაუბრკოლებლად ტოვებს ქალაქს.

სწორედ ამ ყველაფრის ფონზე , ჩვენ შევქმენით დამოუკიდებელი ,მშრომელის ინტერესებზე ორიენტირებული პროფკავშირი .,,- მაღაროელთა საინიციატივო ჯგუფი. 

 ჭიათურაში უწყვეტი საპროტესტო აქციის 117 დღეა, შიმშილობის კი — მე-6.  მაღაროელები ოთხი თანამებრძოლის გათავისუფლებას ითხოვენ. დღეს მოშიმშილეების ჯანმრთელობის მდგომარეობა გაუარესდა და მათ ექიმების დახმარება დაჭირდათ.

ციხეში შიმშილობს მერაბ სარალიძე, ხოლო მირზა ლოლაძემ უკიდურეს პროტესტს მიმართა და პირი ამოიკერა.

,,შიმშილობა და პროტესტი არ შეწყდება, სანამ ჩვენს მეგობრებსა და თანამებრძოლებს არ გაათავისუფლებენ უკანონო პატიმრობიდან.

საჭირო გახდა სასწრაფო დახმარების გამოძახება — მოშიმშილეების ჯანმრთელობის მდგომარეობა გაუარესდა. თითოეულ მათგანს შაქრის დაბალი დონე აქვს, განსაკუთრებით კი — პირამოკერილ მირზა ლოლაძეს.

ამ ყველაფრის მიუხედავად, ბიჭები მედგრად დგანან და განაგრძობენ პროტესტსა და შიმშილობას. 

კარგი ამბავიც გვაქვს , ჩვენ უკვე შევქმენით მშრომელის ინტერესზე ორიენყირებული დამოუკიდებელი პროფკავშირი,,-მაღაროელთა საინიციატივო ჯგუფი. 

თბილისსა და რეგიონებში ჩატარებული საპოლიციო ღონისძიებების შედეგად, დაკავებულია ნარკოტიკულ დანაშაულში მხილებული 18 პირი, რომელთაგან ნაწილს ნარკოტიკული საშუალებების რეალიზაცია, ხოლო ნაწილს კი უკანონო შეძენა-შენახვა ედებათ ბრალად.

მოპოვებული მტკიცებულებებით დგინდება, რომ ნარკოტიკული საშუალების რეალიზაციისათვის დაკავებული პირები, სისტემატურად აორგანიზებდნენ ნარკოტიკული საშუალებების უკანონო რეალიზაციას - მათ შორის, სხვადასხვა ლოკაციაზე ნარკოტიკული საშუალებების განთავსებას და შესაბამისი შეტყობინებების გადაცემას, ნარკოტიკული საშუალების შეძენით დაინტერესებულ პირებზე; ასევე, ხორციელდებოდა ნარკოტიკების რეალიზაცია ე.წ. ხელიდან ხელში გადაცემისა, თუ სხვა მეთოდებით.

პოლიციამ ნარკოტიკების უკანონო რეალიზაციის ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

დანაშაული 20 წლამდე ან უვადო თავისუფლების აღკვეთას ითვალისწინებს.

სოციალური სამართლიანობის ცენტრი ეხმაურება ჭიათურელი მაღაროელების პროტესტს, რომლებმაც დაკავებული თანამებრძოლების გათავისუფლების მოთხოვნით შიმშილობა გამოაცხადეს, ხოლო გუშინ ერთ-ერთმა მაღაროელმა, მირზა ლოლაძემ პირი ამოიკერა .

,, პროტესტის ამგვარი უკიდურესი ფორმების გამოყენება კიდევ ერთი დასტურია, რომ უკიდურესი უსამართლობის და ჩაგვრასთან წინააღმდეგობის სხვა გზას მშრომელები ვეღარ ხედავენ და იძულებული არიან, თვითდაზიანების უმძიმესი აქტს მიმართონ.

 მაღაროელები 2025 წლის თებერვლის თვიდან საპროტესტო აქციებს მართავენ კომპანიების, "ჯორჯიან მანგანეზისა" და Chiatura Management Company-ის მიერ მათი შრომითი უფლებების მძიმე დარღვევების გამო. „ჯორჯიან მანგანეზმა’’ თებერვლიდან შეწყვიტა მათთვის კუთვნილი ხელფასების გადახდა და მიწისქვეშა სამუშაოების შეწყვეტა გამოაცხადა. ამ მდგომარეობამ ჭიათურაში მწვავე სოციალურ-ეკონომიკური კრიზისი გამოიწვია, რადგან კომპანიაში დასაქმებული ასეულობით მაღაროელი საბაზისო შემოსავლის გარეშე დარჩა.

სახელმწიფოს მხრიდან სრული უგულებელყოფის, მიტოვების და უმძიმესი უსამართლობის განცდის ფონზე, 28 აპრილს პროტესტის მონაწილეებსა და შუქრუთის მაღაროს დირექტორს შორის მოხდა ინციდენტი, რასთან დაკავშირებითაც 4 ჭიათურელი სისხლის სამართლის წესით დააკავეს და აღკვეთის ღონისძიების სახით პატიმრობა შეუფარდეს. სასამართლომ არ გაიზიარა დაცვის მხარის შუამდგომლობა ბრალდებულებისთვის 5000-ლარიანი გირაოს შეფარდების შესახებ, რაც სრულად უზრუნველყოფდა ბრალდებულთა პროცესში შემდგომ მონაწილეობას და ამასთან ერთად, მათ მიერ სხვა კანონსაწინააღმდეგო ქმედების ჩადენის პრევენციას. 12 ივნისს ქუთაისის საქალაქო სასამართლომ ძალაში დატოვა აღკვეთი ღონისძიების სახით ბრალდებულების წინასწარი პატიმრობა.

ჩვენ ვაგრძელებთ სამართლებრივ ბრძოლას მაღაროელების უფლებების დასაცავად და თანადგომას ვუცხადებთ ჭიათურელებს, რომლებიც წლების განმავლობაში განგრძობითად განიცდიან მჩაგვრელობით და უსამართლო მოპყრობას "ჯორჯიან მანგანეზის" და სახელმწიფოს მხრიდან.,,-,,სოციალური სამართლიანობის ცენტრი. 

შინაგან საქმეთა სამინისტროს თბილისის, შიდა ქართლის, სამეგრელო-ზემო სვანეთისა და იმერეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად უკანონო ცეცხლსასროლი იარაღები და საბრძოლო მასალა ამოიღეს - დაკავებულია 7 პირი. 

 სამართალდამცველებმა დაკავებულების პირადი, ავტომობილებისა და საცხოვრებელი სახლების ჩხრეკის შედეგად, ნივთმტკიცებად სხვადასხვა ტიპის ცეცხლსასროლი იარაღი, საბრძოლო მასალა - პისტოლეტები, რევოლვერები, სანადირო თოფი, მჭიდები, ვაზნები და ასევე ნარკოტიკული საშუალებები ამოიღეს.

გამოძიება სისხლის სამართლის კოდექსის 236-ე მუხლის მე-2, მე-3 და მე-4, 260-ე მუხლის მე-3 და 265-ე მუხლის მე-2 ნაწილებით მიმდინარეობს.