ქუთაისის საკრებულოს თავჯდომარედ ირაკლი შენგელია აირჩიეს.საკრებულოს დღევანდელ სხდომაზე მას მხარი უმრავლესობის წევრებმა დაუჭირეს.სხდომას ოპოზიცია არ ესწრებოდა.არჩევის შემდეგ ირაკლი შენგელიამ განცხადება გაავრცელა.

ირაკლი შენგელია 2019 წლის დეკემბრიდან საკრებულოს თავმჯდომარეობის მოვალეობას ასრულებდა.

,,მინდა მადლობა გადავუხადო მმართველ გუნდს, პარტია ქართულ ოცნებას, ჩემს კოლეგებს გამოცხადებული ნდობისთვის. ქალაქის წარმომადგენლობითი ორგანოს ხელმძღვანელობა არის უდიდესი პასუხისმგებლობა. ჩემთვის დიდი პატივია, წარმოვადგენდე ჩემი ქალაქის მოსახლეობის ინტერესებს ქუთაისის საკრებულოს თავმჯდომარის პოზიციაზე და მათ მიერ თვითმმართელობის არჩევნებზე გამოხატული მხარდაჭერა არის ამის საფუძველი. ამ პერიოდის განმავლობაში ჩემი მთავარი ამოცანაა ამ ნდობის გამართლება. 

დღეს ქუთაისის საკრებულოს 2020 წლის ბოლო, რიგით 37-ე  სხდომა გაიმართება, სადაც 2021 წლის ბიუჯეტი უნდა დამკიცდეს. ასევე დღესვე დეპუტატები განიხილავენ  რიონჰესის მიმდებარედ, საუნივერსიტეტო ქალაქის მშენებლობისათვის განაშენიანების რეგულირების გეგმის ცვლილებებს  და ახალ თავმჯდომარეს აირჩევენ.

შეგახსენებთ, რომ ნიკა ლატარიას მიერ თანამდებობის დატოვების შემდეგ, 2019 წლის დეკებრიდან, თავმჯდომარის მოვალეობას საკრებულოს თავმჯდომარის მოადგილე, გამარჯვების ოლქის მაჟორიტარი დეპუტატი ირაკლი შენგელია ასრულებს. 

,  პრემიერ-მინისტრის თქმით ,აქვთ მოლოდინი, რომ ელექტროენერგიის ტარიფი გაიზრდება

მისივე თქმით, მოსალოდნელია ასევე წყლის გადასახადის მატებაც თბილისში, რუსთავსა და მცხეთაში.

„ამ დროისთვის ჩვენს პარალელურად მიმდინარეობს საქართველოს ელქტროენერგიის და წყალმომარაგების მარეგულირებელი კომისიის სხდომა, რომლის შედეგადაც როგორ საქართველოს მთავრობა, ასევე საექსპერტო საზოაგდოება ყველანი ველით, რომ ტარიფი იქნება გაზრდილი. ამას თავის ობიექტური დასაბუთება და ახსნა აქვს. მოგეხსნებათ, 2017 წელს მოხდა მეთოდოლოგიის ცვლილება, რის შედეგადაც 3 წლის განმავლობაში ტარიფი არ გადახედილა. რა თქმა უნდა, ეს მეთოდოლოგიის ცვლილება სხვადასხვაგვარად იქნა შეფასებული, თუმცა, ეს დღეის მდგომარეობით არის ფაქტი. ამიტომ ჩვენ ყველას კარგად გვესმის, რომ მოსალოდენელია ტარიფის ზრდა ელექტროენერგიაზე, ისევე როგორც წყალზე. ოღონდ წყლის შემთხვევაში საუბარია თბილისზე ,რუსთავსა და მცხეთაზე,“ - განაცხადა გახარიამ.

თუმცა, მისივე თქმით, 2021 წლის განმავლობაში საქართველოს მოქალაქეები ელექტროენერგიაზე ტარიფის გაძვირებას არ იგრძნობენ, რადგან გაზრდილ საფასურს სახელმწიფო დაასუბსიდირებს.

"საქართველოს მთავრობა სხვაობას დღევანდელ ტარიფსა და გაზრდილ ტარიფს შორის, რომელსაც დღეს დაადგენს კომისია, სრულად დაასუბსიდირებს 300 კილოვატამდე მოხმარების მქონე აბონენტებისთვის“,- განაცხადა გახარიამ.

პარტია ,,ერთიანი ნაციონალური მოძრაობის,, ქუთაისის საკრებულოს წევრმა დღეს ბრიფინგი გამართა.გიგა შეშანიამ მედიას ის თანხა გააცნო,რაც იმერეთის ტურიზმის ცენტრმა დახარჯა.ოპოზიციონერი პოლიტიკოსის თქმით,  ჯამში, მარტო დეკემბერში  ტურიზმის ცენტრმა 100000 ლარამდე დახარჯა, 2020 წელს კი - 760 000 ლარი.

გიგა შუშანიამ მედიას კონკრეტული ციფრები წარუდგინა.მისი თქმით ლეპტოპისთვის  - 4250 ლარი ,ხილის ჩირისთვის- 1380 ლარი, სასაჩუქრე პაკეტები - 15 150 ლარი, საახალწლო ნაძვის ხის ანთების ვიდეოგადაღებისთვის  -2300ლარი და ა.შ. დაიხარჯა.

მეათე მოწვევის პარლამენტი ხვალ ახალ მთავრობას დაამტკიცებს. დღეს საკანონმდებლო ორგანოში ფრაქცია „ქართული ოცნება" პრემიერ-მინისტრობის კანდიდატს და მინისტრობის კანდიდატებს მოუსმინსს.

ხვალ პლენარული სხდომა გაიმართება, სადაც დეპუტატები მთავრობის ახალ შემადგენლობას ნდობას გამოუცხადებენ. მინისტრთა კაბინეტს 76 დეპუტატის მხარდაჭერა სჭირდება.

პარლამენტს მთავრობის ახალი შემადგენლობა და სამთავრობო პროგრამა - „ევროპული სახელმწიფოს მშენებლობისთვის“ 18 დეკემბერს წარედგინა.

მინისტრთა კაბინეტი ნდობის მისაღებად პარლამენტში შემდეგი შემადგენლობით შევიდა:

პრემიერ-მინისტრი - გიორგი გახარია.

რეგიონული განვითარებისა და ინფრასტრუქტურის მინისტრი - მაია ცქიტიშვილი.

იუსტიციის მინისტრი - გოჩა ლორთქიფანიძე.

შინაგან საქმეთა მინისტრი - ვახტანგ გომელაური.

ეკონომიკისა და მდგრადი განვითარების მინისტრი - ნათია თურნავა.

საგარეო საქმეთა მინისტრი - დავით ზალკალიანი.

ფინანსთა მინისტრი - ივანე მაჭავარიანი.

განათლების, მეცნიერების, კულტურისა და სპორტის მინისტრი - მიხეილ ჩხენკელი.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი - ეკატერინე ტიკარაძე.

გარემოს დაცვისა და სოფლის მეურნეობის მინისტრი - ლევან დავითაშვილი.

თავდაცვის მინისტრი - ირაკლი ღარიბაშვილი.

შერიგებისა და სამოქალაქო თანასწორობის საკითხებში სახელმწიფო მინისტრი - თეა ახვლედიანი.

2021 წლის ბიუჯეტის პროექტს ქუთაისის საკრებულოს ოპოზიციური პარტიების წარმომადგენლები აფსებენ.

,,ეს ბიუჯეტი ვერანაირად ვერ ასახავს ქალაქის რეალობას, უფრო მეტიც, დეგრადირებისკენ არის მიმართული.ამ ბიუჯეტში ზრდა აქვს მხოლოდ სახელფასო ფონს, 2 მილიონი ლარით გაიზარდა, ასევე სარეზერვო ფონდს 700 ათასამდე გაიზარდა, ისეთ ხარჯებს, რომელსაც ვერ აკონტროლებს ვერავინ, არ ჭირდება დაგეგმვა და თავის ნებაზე ჭრიან და კერავენ , როგორც უნდა ისე იღებენ გადაწყვეტილებას. განხილვაც არ ყოფილა რეალურად, ბიუჯეტი შემოვიდა, შენიშვნების გარეშე გრძელდება პროცესი და უკანაც არ დაბრუნებულა. ეს ბიუჯეტი არის ფულის საჭრელ მანქანად ქცეული, წარმოუდგენელია რაიმე განვითარებაზე საუბარი.,,-აცხადებს ბესო ბრეგაძე, საკრებულოს წევრი პარტია ,,ერთიანი ნაციონალური მოძრაობიდან,,

,,2021 წელს არის ადგილობრივი თვითმმართველობის არჩევნები, ამიტომ ეს ბიუჯეტი არის ,,ქართული ოცნების,, მიერ საარჩევნო თარგზე მორგებული. უფრო მეტ დახმარებას მიიღებენ ,,ქართული  ოცნების,, მხარდამჭერები, უფრო მეტ ტენდერებს მოიგებენ და ბოლოს ე.წ.  ,,ატკატის,, სახით ეს ყველაფერი დაბრუნდება ,,ქართული  ოცნების,, ყულაბაში,,- აცხადებს კოტე რატიანი, საკრებულოს წევრი პარტია ,,ევროპული საქართველოდან,,

რაც შეეხება ქუთაისის საკრებულოს უმრავლესობის პოზიციას, განმარტავენ,  რომ ამ დროისთვის ბიუჯეტის პროექტზე მუშაობა მიმდინარეობს  და კომენტარი მოგვიანებით გაკეთდება.