პოლიტიკა

: პოლიტიკა; 30 სექტემბერი 2021; გადასვლები: 1174

6-ის მაგივრად 27 ავტომობილი -ვანის მერიის ჩინოვნიკების ბენზინის ხარჯი ბიუჯეტს 270 ათასი ლარი დაუჯდა

27 ავტომობილისთვის 270 ათასი ლარის ღირებულების 125 ტონა საწვავი ყოველგვარი კონტროლის გარეშე მოიხმარეს.

საქართველოს მთავრობის 2014 წლის დადგენილების თანახმად ვანის მუნიციპალიტეტისთვის სამსახურეობრივი უფლებამოსილების განსახორციელებლად რეკომენდირებული იყო 6 სამორიგეო ავტომობილის ქონა. მუნიციპალიტეტს ამ დადგენილების თანახმად ევალებოდა მაქსიმუმ ამ რაოდენობის ავტოპარკის ქონა, რომელთა საწვავით მომარაგებისთვისაც ცალკე იყო გამოყოფილი თანხები მუნიციპალიტეტის ბიუჯეტიდან.

მიუხედავად ამგვარი დადგენილებისა 2018-2019 წლებში ვანის მუნიციპალიტეტს ემსახურებოდა 27 ავტომობილი, საიდანაც მხოლოდ 3 იყო სამორიგეო, ე.ი მუნიციპალიტეტის ბალანსზე არსებული, ხოლო 24 იყო კერძო პირების ავტომობილები, რომლებიც მუნიციპალიტეტის სახსრებით შეძენილ საწვავს მოიხმარდნენ სხვადასხვა სამსახურეობრივი უფლებამოსილების შესასრულებლად.

მუნიციპალიტეტი არ სარგებლობდა ე.წ „აგაი“ სისტემით, რომელიც უზრუნველყოფს კონტროლს იმისა თუ რომელ ავტომობილზე რა რაოდენობის საწვავი ისხმება ავზში და არის თუ არა ეს რაოდენობა დაკისრებული მოვალეობის შესასრულებლად საკმარისი. შესაბამისად, ამ კონტროლის არსებობის გარეშე ადგილობრივ ჩინოვნიკებს შეეძლოთ აღნიშნული 27 მანქანა გამოეყენებინათ როგორც საჯარო უფლებამოსლების განსახორციელებლად, აგრეთვე კერძო მიზნებისთვისაც.

საბოლოოდ, “აგაი სისტემის” არ არსებობის გამო 2018-19 წლებში ვანის მუნიციპალიტეტის ჩინოვნიკებმა გახარჯეს 125 ტონა საწვავი, რაშიც ადგილობრივი ბიუჯეტიდან 269,100 ლარი დაიხარჯა.

აღსანიშნავია, რომ 2019-21 წლებში ვანის მერიისს ბალანსზე არსებული ავტომობილების რაოდენობა 5-მდე, 2020 წელს 6-მდე, ხოლო 2021 წელს 8-მდე გაიზარდა.ინფორმაციას "ფლანგვის დეტექტორი"აქვეყნებს.

2019-21 წლებში ვანის მერიას მის ბალანსზე არსებული ავტომობილების მოვლა შენახვა 122,540 ლარი დაუჯდა, ხოლო მიმდინარე წლის 17 სექტემბერს მერიამ გამოაცხადა 304,000 ლარიანი ტენდერი, რომელიც მერიის ბალანსზე რიცხული 8 ავტომობილის მოვლა-შენახვას უნდა მოხმარდეს.

მათი მოვლა-შენახვა 2019-21 წლებში ბიუჯეტს 122,540 ლარი დაუჯდა.

2021 წელს ვანის მერია ბალანსზე მყოფი 8 მანქანის მოვლა-შენახვისთვის 304,000 ლარის დახარჯვას გეგმავს.

ცნობისთვის, ლონდონისა და ვილნიუსის მერიებს არცერთი მანქანა არ ემსახურება.

ვანში 24,500 მოსახლეა, საიდანაც ყოველი მე-5 უკიდურეს სიღარიბეში ცხოვრობს.

: პოლიტიკა; 26 სექტემბერი 2021; გადასვლები: 1140

მესამე ძალა-სტრატეგია აღმაშენებლის ქუთაისის მერობის კანდიდატმა "ქუთაისის აღმშენებლობის გეგმა"წარადგინა

"მესამე ძალა-სტრატეგია აღმაშენებლის" ქუთაისის მერობის კანდიდატმა ანდრო ლოსაბერიძემ საარჩევნო პროგრამა და "ქუთაისის აღმშენებლობის გეგმა" წარადგინა.როგორც პოლიტიკურ პარტიაში ამბობენ,გუნდს აქვს თანმიმდევრული ხედვა,როგორი უნდა იყოს განვითარებული,ევროპული ქუთაისი.

"დღეს ქუთაისში, ისევე როგორც მთელ საქართველოში, ძირითადი პრობლემა არის უმუშევრობა, სოციალური პრობლემები და იმის განცდა, რომ ქუთაისელი ადამიანი ვერ პოულობს საკუთარ ქალაქში რეალიზების საშუალებას. მათ შორის, არის უზარმაზარი რიგები ავიასალაროების წინ . ჩვენი მისია არის გადავაქციოთ ქუთაისი დასავლეთ საქართველოს მიზიდულობის ცენტრად, რომ აქ ჩამოსული ადამიანები აღფრთოვანებული იყვნენ არამარტო წარსულის დიადი ძეგლებით, არამედ წარმატებული აწმყოს მოცემულობით, იხილონ ადამიანები ბედნიერი სახეებით. ეს კი შესაძლებელია იმ პროგრამის განხორციელებით, რომელსაც ჩვენ ვთავაზობთ ამომრჩევლებს.

არჩევნებამდე ერთი კვირით ადრე კიდევ ერთხელ მოვუწოდებ ამომრჩევლებს, რომ 2 ოქტომბრის რეფერენდუმში აუცილებლად მიიღონ მონაწილეობა და გააკეთონ სწორი არჩევანი"-განაცხადა ანდრო ლოსაბერიძემ.

: პოლიტიკა; 25 სექტემბერი 2021; გადასვლები: 1152

ქართული ოცნების მონუმენტი-სტრატეგია აღმაშენებლის ქუთაისის მერობის კანდიდატი ფოტოს ავრცელებს

"ქართული ოცნების" მონუმენტთან ანჯაფარიძის ქუჩაზე"-ამ სათაურით გაავრცელა ფოტო "მესამე ძალა სტრატეგია აღმაშენებლის " ქუთაისის მერობის კანდიდატმა ანდრო ლოსაბერიძემ.

აქცია-პერფორმანსი სიმბოლურად მმართველ გუნდს და მერობის კანდიდატს იოსებ ხახალეიშვილს ეძღვნება.

"ეს მონუმენტი არის სახე თუ როგორ უნიათოდ მუშაობდა ქართული ოცნება და ქალაქის მერი. გარდა იმისა, რომ ორი წელია ვერ დაასრულეს ცრნტრალური ქუჩების რებილიტაციის პროექტები, ვერ ახერხებენ ისეთი მარტივი საქმის გაკეთებას, რასაც დაზიანებული ორმოს ამოვსება ქვია. ანჯაფარიძის ქუჩაზე 2 თვეა არის ორმო. იმისთვის რომ არსებულ ორმოს ავტომობილები და ქვეითად მოსიარულეები არ დაზიანებულიყვნენ მოსახლეობამ თვითომ დადგა ჯებირი. ვინაიდან ცენტრალური ქუჩების მსგავსად დიდი ბანერებით თავს ამ ქუჩაზე არ იწონებენ, ჩვენ გავაფორმეთ მათი მონუმენტი. მოვუწოდებ მოსახლეობას, 2 ოქტომბერს გააკეთონ სწორი არჩევანი, რათა ქალაქი ისევ ორმოში არ აღმოჩნდეს."აღნიშნა ანდრო ლოსაბერიძემ.

ადგილზე ასევე "მესამე ძალა-სტრატეგია აღმაშენებლის" ქუთაისის საკრებულოს მაჟორიტარობის კანდიდატებიც იმყოფებოდნენ.

: პოლიტიკა; 25 სექტემბერი 2021; გადასვლები: 1223

გაცდენები ზესტაფონის საკრებულოს სხდომებზე, დახარჯული საწვავი და გაცემული ხელფასები-ფლანგვის დეტექტორი ინფორმაციას აქვეყნებს

ფლანგვის დეტექტორის მიერ გავრცელებული ინფორმაციით, 2020 წლის განმავლობაში ზესტაფონის საკრებულოში 23 სხდომა გაიმართა, რომელიც საკრებულოს წევრებმა 322-ჯერ გააცდინეს, საიდანაც 209 გაცდენა “ქართული ოცნების” წევრებზე მოდიოდა.

საკრებულო თავმჯდომარემ და მოადგილემ წლის განმავლობაში 15,868 ლარის საწვავი მოიხმარეს

2018-2019 წლებში საკრებულოს წევრებზე 190,700 ლარი ხარჯების დადასტურების გარეშე გაიცა.

ზესტაფონის საკრებულოს დასაფინანსებლად 2020 წლელს ბიუჯეტიდან 681,500 ლარი გამოიყო. დაფინანსების 67%, 459,700 ლარი საკრებულოში დასაქმებული 27 ადამიანის შრომის ანაზღაურებაზე დაიხარჯა.

აუდიტის დასკვნაში აღნიშნულია, რომ ზესტაფონის მუნიციპალიტეტმა 2018-2019 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 190,700 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

რაც შეეხება 2020 წელს ზესტაფონის საკრებულო 36 წევრისაგან შედგებოდა. მათგან 30 ქართული ოცნების წარმომადგენელია, 3 - ერთიანი ნაციონალური მოძრაობის, 2 - ევროპული საქართველოს, ხოლო საკრებულოს 2 წევრი საქართველოს პატრიოტთა ალიანსის წარმომადგენელია. საკრებულოს წევრთა შრომის ანაზღაურებაში საერთო ჯამში 364,400 ლარი დაიხარჯა.

წლის განმავლობაში საკრებულოში 23 სხდომა გაიმართა და საკრებულოს წევრების მიერ სხდომის გაცდენის 322 შემთხვევა დაფიქსირდა.

გაცდენების ყველაზე დიდი რაოდენობა 3 პირს უფიქსირდება, ისინი 23 სხდომიდან 20 სხდომას არ ესწრებოდნენ. 1) ბუბა ნასრაძე, ქართული ოცნება დემოკრატიული საქართველოს წევრი 2) მამუკა ჭიჭინაძე, ერთიანი ნაციონალური მოძრაობის წევრი 3) გელა კობახიძე, საქართველოს პატრიოტთა ალიანსის წევრი.

პარტიების მიხედვით გაცდენების საერთო მაჩვენებელი შემდეგნაირად გადანაწილდა. ყველაზე დიდი რადენობით გაცდენები უფიქსირდებათ ქართული ოცნების წევრებს, ჯამში 209 გაცდენა. შემდეგ ადგილს იკავებს ერთიანი ნაციონალური მოძრაობა 50 გაცდენით, 33 გაცდენის შემთხვევა უფიქსირდება ევროპული საქართველოს წევრებს, ხოლო პარტიოტთა ალიანსის წარმომადგენლებს 30 გაცდენის შემთხვევა.

: პოლიტიკა; 23 სექტემბერი 2021; გადასვლები: 1175

როგორ შეძლებენ არჩევნებში მონაწილეობას კოვიდინფიცირებული პირები?

ცენტრალური საარჩევნო კომისიის გადაწყვეტილებით, ქვეყნის მასშტაბით სამოცდაცამეტივე საარჩევნო ოლქში ე.წ კოვიდ უბნები გაიხსნება, სადაც კოვიდ ინფიცირებული პირები საკუთარ არჩევანს გააკეთებენ.

როგორც 59-ე ქუთაისის საოლქო საარჩევნო კომისიის თავმჯდომარე ლარინა ლალიაშვილმა აღნიშნა, სპეც უბანი ქუთაისის 31-ე საჯარო სკოლაში გაიხსნება , სადაც გადასატანი ყუთის მეშვეობით კოვიდინფიცირებული ან საკარანტინე სივრცეში მყოფი პირები არჩევნებში მონაწილეობას შეძლებენ.

: პოლიტიკა; 23 სექტემბერი 2021; გადასვლები: 1312

ხონის სასაფლაო მეურნეობის მართვის სამსახურის 25 თანამშრომლიდან სასაფლაოებს მხოლოდ 9 უვლის-რამდენი იხარჯება ხელფასებში?

ხონში სასაფლაოების მართვა და მოვლა-პანტრონობის უზრუნველსაყოფად ა(ა)იპ სასაფლაო მეურნეობის მართვის სამსახური არსებობს.

2017-2021 წლებში სამსახურს 687,600 ლარით დაფინანსდა ბიუჯეტიდან, საიდანაც 554,040 მხოლოდ ხელფასებში დაიხარჯა. ინფორმაციას ფლანგვის დეტექტორი ავრცელებს.

ყოველთვიურად თანამშრომელთა ანაზღაურებაზე 9,620 ლარი იხარჯება, მათგან საფლავების მომვლელებზე მხოლოდ 1,350 ლარი.

სამსახურს ჰყავს 2 მთავარი სპეციალისტი, 5 უფროსი სპეციალისტი, 2 წამყვანი სპეციალისტი, ორიც უბრალოდ – სპეციალისტი.

2017-2019 წლებში სამსახურში 24 პირი იყო დასაქმებული, მიმდინარე მონაცემებით კი 25 პირი მუშაობს.

2017-2021 წლების განმავლობაში სასაფლაოების მეურნეობის მართვის სამსახურში საშტატო ნუსხა არ შეცვლილა. სამსახურში დასაქმებულია დირექტორი, დირექტორის მოადგილე, მთავარი და წამყვანი სპეციალისტები და მომვლელები.

თუმცა ძირითად მოვალეობას, სასაფლაოების მოვლა-პატრონობას ახორციელებს 9 მომვლელი, ხოლო დანარჩენი თანამშრომლები საზედამხედველო და სხვა ორგანიზაციული საქმიანობის განმახორციელებელი პირები არიან. მაგალითად სამსახურში 9 მომვლელის გარდა დასაქმებულია ჯამში 10 სპეციალისტი. ასევე დირექტორი, დირექტორის მოადგილე და სასაფლაოს მომვლელთა ჯგუფის ხელმძღვანელი.

სამსახურის თანამშრომელთა ყოველთვიურ ანაზღაურებაში 2021 წლის მონაცემებით 9,620 ლარი იხარჯება. 1,350 ლარი 9 მომვლელის ანაზღაურებაა, 5,480 ლარი კი – სპეციალისტების.

კანონმდებლობის მიხედვით მუნიციპალიტეტს თავისი საქმიანობის კოორდინაციის მიზნით, უფლება აქვს, დააფუძნოს იურიდიული პირი, თუმცა იურიდიული პირების დაფუძნება სათანადოდ დასაბუთებული და არგუმენტირებული უნდა იყოს. ამასთანავე მოქმედი კანონმდებლობის მიხედვით, დაწესებულების ხელმძღვანელმა ორგანიზაციაში და მის დაქვემდებარებულ ყველა ერთეულში უნდა დანერგოს ფინანსური მართვისა და კონტროლის სისტემა, რომელიც უზრუნველყოფს ფულადი სახსრებისა და რესურსების ეკონომიურად, ეფექტიანად და პროდუქტიულად გამოყენებას. ორგანიზაციაში დასაქმებულთა რიცხოვნობა და მათზე დაკისრებული ფუნქცია-მოვალეობები განსაზღვრული უნდა იყოს რეალურ საჭიროებებზე დაყრდნობით.

ფოტო აღებულია ფლანგვის დეტექტორის გვერდიდან.

დღის სიახლეები

პოლიტიკის სიახლეები

Search