პარტია "საქართველოსთვის"ქუთაისის მერობის კანდიდატი არჩევნების წინასწარ შედეგებს ეხმაურება.გიორგი გოგუაძე განცხადებას სოციალურ ქსელში ავრცელებს.

რეჟიმის დამარცხება არის შესაძლებელი-ასე გამოეხმაურა "ერთიანი ნაციონალური მოძრაობის" ქუთაისის მერობის კანდიდატი არჩევნებში მიღწეულ შედეგს.ხატია დეკანოიძემ ამ დროისთვის არსებული ინფორმაცია მედიასთან შეაჯმა.

"მე ამაყი ვარ , რომ ჩემს მეგობრებთან ერთად მივიღე ამ ისტორიულ პროცესში მონაწილეობა.გუშინ " ქართულ ოცნებას" ჩაეშალა დაწყებული ზეიმი, განსაკუთრებით დიდ ქალაქებში.საქართველოს დიდმა ქალაქებმა რეჟიმს ბრძოლა გამოუცხადეს. "-განაცხადა ხატია დეკანოიძემ.

შეგახსენებთ, რომ ამ დროისთვის არსებული  წინასწარი ინფორმაციით, ხატია დეკანოიძემ ხმების 43,20% მიიღო, ხოლო მმართველი გუნდის კანდიდატმა 41,56%  ქუთაისში მეორე ტური დაინიშნება.

ამ დროის მონაცემებით ქუთაისის 124 უბნიდან 111 უკვე  დათვლილია.არჩევნებზე 68 509 ამომრჩეველი მივიდა ,რაც 44 53%-ია.2017 წელს ეს მაჩვენებელი 35.36 % იყო. წინასწარი მონაცემები მედიას ქუთაისის 59-ე საოლქო საარჩევნო კომისიის თავმჯდომარემ გააცნო.

ცენტრალური საარჩევნო კომისიის წინასწარი მონაცემებით, ქუთაისში, სავარაუდოდ, მერის არჩევნების მეორე ტური გაიმართება.

07:00 საათისთვის დათვლილი ხმების რაოდენობით, ქუთაისში ოპოზიციის - ნაციონალური მოძრაობის კანდიდატი ხატია დეკანოიძე ლიდერობს. მან წინასწარი მონაცემებით, ხმების 43,75% (10 798) მოაგროვა.

ამავე მონაცემებით, მეორე ადგილზე ქართული ოცნების მერობის კანდიდატი იოსებ ხახალეიშვილია, რომელსაც ამ დროისთვის, ამომრჩევლების 41,86% (10 330) უჭერს მხარს.

ქუთაისში სულ 124 უბანი იყო გახსნილი, საიდანაც ამ ეტაპისთვის 51 უბანია დათვლილი. 

პარტია "ქართული ოცნება - დემოკრატიული საქართველოს“ ქუთაისის მერობის კანდიდატმა იოსებ ხახალეიშვილმა  შვილთან ერთად საკუთარი არჩევანი მე-40 საარჩვენო უბანზე გააკეთა.

12 საათის მონაცემებით ქუთაისში ხმა ამომრჩეველთა 16,5% მისცა,რაც 25 380 ამომრჩეველია.2017 წლის არჩევნებში ეს მაჩვენებელი 13,6% იყო.