პოლიტიკა

: პოლიტიკა; 02 ოქტომბერი 2021; გადასვლები: 897

12 საათის მონაცემებით ქუთაისში ხმა 25 380 ადამიანმა მისცა

12 საათის მონაცემებით ქუთაისში ხმა ამომრჩეველთა 16,5% მისცა,რაც 25 380 ამომრჩეველია.2017 წლის არჩევნებში ეს მაჩვენებელი 13,6% იყო.

ქუთაისის 59-ე საოლქო საარჩევნო კომისიაში ამ დროიათვის 11 საჩივარი შევიდა,ყველა პროცედურული ხასიათისაა.

: პოლიტიკა; 02 ოქტომბერი 2021; გადასვლები: 906

სტრატეგია აღმაშენებლის მერობის კანდიდატმა დარღვევებზე ისაუბრა

მესამე ძალა-სტრატეგია აღმაშენებლის მერობის კანდიდატმა ქუთაისის 96 და 53 უბნებზე დარღვევის შესახებ ისაუბრა. მისი თქმით, უბნებზე ბიულეტინს ისე აცალკავებენ, რომ პირველი ნომერი ყდაზე რჩება.

"ჩვენმა წარმომადგენლებმა ორი უბნიდან ერთი და იმავე დარღვევა მოგვაწოდეს. ბიულეტინის ყუას ისე ხევენ, რომ ნომერი ყუაზე რჩება. ეს არის მიზანმიმართული ქმედება, რომლითაც ყალბდება არჩევნები. მოვუწოდებ ამომრჩევლებს, ხმის მიცემის პროცედურამდე ბოლომდე დარწმუნდნენ, რომ მათი ბიულეტენი დაუზიანებელია." განაცხადა ლოსაბერიძემ.

: პოლიტიკა; 02 ოქტომბერი 2021; გადასვლები: 991

ქუთაისის 59-ე საოლქო საარჩევნო კომისიაში 3 საჩივარი შევიდა

ქუთაისის 59-ე საოლქო საარჩევნო კომისიაში 3 საჩივარი შევიდა როგორც კომისიის თავმჯდომარე ლარინა ლალიაშვილი აცხადებს სამივე საჩივარი პროცედურული ხასიათისაა. ქუთაისში არჩევნები ამ დროისთვის მშვიდ ვითარებაში მიმდინარეობს. ქალაქში სულ 153 861 ამომჩეველია რეგისტრირებული. მათგან 7.4% საარჩევნო უბნებზე უკვე გამოცხადდა.

: პოლიტიკა; 02 ოქტომბერი 2021; გადასვლები: 855

ხმა საქართველო აღმშენებლობის იდეას მივეცი-ანდრო ლოსაბერიძე

"მესამე ძალა-სტრატეგია აღმაშენებლის ქუთაისის მერობის კანდიდატმა ანდრო ლოსაბერიძემ საკუთარი არჩევანი დააფიქსირა.

"დღეს საერთო სახალხო რეფერენდუმზე ხმა საქართველოს ევროპული განვითარების,ქვეყნის აღმშენებლობასა და ბედნიერი მომავლის იდეას მივეცი.

დადგა ცვლილებების დრო და დარწმუნებული ვარ ქართველი ხალხი მიიღებს სწორ გადაწყვეტილებას, ჩაერთოს აღმშენებლობის იდეის განხორციელებაში.

ჩვენ შევცვლით, ჩვენ შეგვიძლია მეტი"-განაცხადა ლოსაბერიძემ.

: პოლიტიკა; 02 ოქტომბერი 2021; გადასვლები: 856

ქუთაისში ყველა საარჩევნო უბანი გახსნილია

ქუთაისში ამ დროისთვის ყველა საარჩევნო უბნი გაიხსნა.დარღვევებს ადგილი არ ქონია.153 861 ამომჩეველი

ხმას 124 უბანზე აძლევს.უბნებიდან, ორი სპეც უბანია, ერთი №2 პენიტენციური დაწესებულებაში, ხოლო მეორე ე.წ. კოვიდ უბანი ქუთაისის 31 საჯარო სკოლაში - სადაც ხმის მიცემა მოხდება მხოლოდ გადასატანი ყუთის საშუალებით, (სულ 5 გადასატანი ყუთით მოხდება აღნიშნულ უბანზე ხმის მიცემა)

თვითმმართველობის არჩევნბისთვის დარეგისტრირებულია 19 პოლიტიკური პარტიული სია.

7 მაჟორიტარულ ოლქში დარეგისტრირებულია 52 კანდიდატი, მათ შორის 14 ქალი.

რაც შეეხება მერობის კანდიდატებს - ქუთაისში 5 კანდიდატია, აქედან ორი ქალი.

: პოლიტიკა; 30 სექტემბერი 2021; გადასვლები: 994

6-ის მაგივრად 27 ავტომობილი -ვანის მერიის ჩინოვნიკების ბენზინის ხარჯი ბიუჯეტს 270 ათასი ლარი დაუჯდა

27 ავტომობილისთვის 270 ათასი ლარის ღირებულების 125 ტონა საწვავი ყოველგვარი კონტროლის გარეშე მოიხმარეს.

საქართველოს მთავრობის 2014 წლის დადგენილების თანახმად ვანის მუნიციპალიტეტისთვის სამსახურეობრივი უფლებამოსილების განსახორციელებლად რეკომენდირებული იყო 6 სამორიგეო ავტომობილის ქონა. მუნიციპალიტეტს ამ დადგენილების თანახმად ევალებოდა მაქსიმუმ ამ რაოდენობის ავტოპარკის ქონა, რომელთა საწვავით მომარაგებისთვისაც ცალკე იყო გამოყოფილი თანხები მუნიციპალიტეტის ბიუჯეტიდან.

მიუხედავად ამგვარი დადგენილებისა 2018-2019 წლებში ვანის მუნიციპალიტეტს ემსახურებოდა 27 ავტომობილი, საიდანაც მხოლოდ 3 იყო სამორიგეო, ე.ი მუნიციპალიტეტის ბალანსზე არსებული, ხოლო 24 იყო კერძო პირების ავტომობილები, რომლებიც მუნიციპალიტეტის სახსრებით შეძენილ საწვავს მოიხმარდნენ სხვადასხვა სამსახურეობრივი უფლებამოსილების შესასრულებლად.

მუნიციპალიტეტი არ სარგებლობდა ე.წ „აგაი“ სისტემით, რომელიც უზრუნველყოფს კონტროლს იმისა თუ რომელ ავტომობილზე რა რაოდენობის საწვავი ისხმება ავზში და არის თუ არა ეს რაოდენობა დაკისრებული მოვალეობის შესასრულებლად საკმარისი. შესაბამისად, ამ კონტროლის არსებობის გარეშე ადგილობრივ ჩინოვნიკებს შეეძლოთ აღნიშნული 27 მანქანა გამოეყენებინათ როგორც საჯარო უფლებამოსლების განსახორციელებლად, აგრეთვე კერძო მიზნებისთვისაც.

საბოლოოდ, “აგაი სისტემის” არ არსებობის გამო 2018-19 წლებში ვანის მუნიციპალიტეტის ჩინოვნიკებმა გახარჯეს 125 ტონა საწვავი, რაშიც ადგილობრივი ბიუჯეტიდან 269,100 ლარი დაიხარჯა.

აღსანიშნავია, რომ 2019-21 წლებში ვანის მერიისს ბალანსზე არსებული ავტომობილების რაოდენობა 5-მდე, 2020 წელს 6-მდე, ხოლო 2021 წელს 8-მდე გაიზარდა.ინფორმაციას "ფლანგვის დეტექტორი"აქვეყნებს.

2019-21 წლებში ვანის მერიას მის ბალანსზე არსებული ავტომობილების მოვლა შენახვა 122,540 ლარი დაუჯდა, ხოლო მიმდინარე წლის 17 სექტემბერს მერიამ გამოაცხადა 304,000 ლარიანი ტენდერი, რომელიც მერიის ბალანსზე რიცხული 8 ავტომობილის მოვლა-შენახვას უნდა მოხმარდეს.

მათი მოვლა-შენახვა 2019-21 წლებში ბიუჯეტს 122,540 ლარი დაუჯდა.

2021 წელს ვანის მერია ბალანსზე მყოფი 8 მანქანის მოვლა-შენახვისთვის 304,000 ლარის დახარჯვას გეგმავს.

ცნობისთვის, ლონდონისა და ვილნიუსის მერიებს არცერთი მანქანა არ ემსახურება.

ვანში 24,500 მოსახლეა, საიდანაც ყოველი მე-5 უკიდურეს სიღარიბეში ცხოვრობს.

დღის სიახლეები

პოლიტიკის სიახლეები

Search