ქუთაისში, ლადო მესხიშვილის სახელობის თეატრმა 160-ე საიუბილეო სეზონი გახსნა.
არსებული ეპიდსიტუაციის გათვალისწინებით და რეგულაციების შესაბამისად, საზეიმო საღამო, ღია სივრცეში – „მწვანე თეატრში” გაიმართა.
ღონისძიებაზე წარმოდგენილი იყო
ქეთევან მამუკელაშვილის მონოგრაფიის „ ეფრო კლდიაშვილი“ პრეზენტაცია და
ნაჩვენები იქნა ნაწყვეტი რეჟისორ კოტე აბაშიძის სპექტაკლის პრემიერიდან – „თქვენო უდიდესებულებავ".
დღესვე თეატრალური საზოგადოების ყოველწლიური კონკურსის „ წლის საუკეთესო ნამუშევარი“ , შედეგები გამოცხადდა და გამარჯვებულები დაჯილდოვდნენ.
ღონისძიებას სახელმწიფო რწმუნებული იმერეთში,ადგილობრივი თვითმმართველობის წარმომადგენლები,მაჟორიტარობისა და მერობის კანდიდატები დაესწრნენ. ასევე მოწვეული იყო დელეგაცია საქართველოს განათლების, კულტურისა და სპორტის სამინისტორდან, საქართველოს თეატრალური კავშირიდან,ასევე იმყოფებოდა ევროპული თეატრების კონვენციის ოფიციალური დელეგაცია და შემოქმედებითი ჯგუფები საქართველოს ყველა თეატრიდან .
