საქართველოს პრემიერ-მინისტრი თვითიზოლაციაში იმყოფება.განცხადება პრემიერის ფეისბუქ გვერდზე გავრველდა.
,,საქართველოში 2020 წლის საპარლამენტო არჩევნები ჩატარდა კონკურენტულ გარემოში, სადაც ყველა ფუნდამენტური უფლება იყო დაცული - ეს არის საერთაშორისო სადამკვირვებლო მისიების შეფასება.
მადლობა თითოეულ მათგანს, საქართველოს დემოკრატიის ერთგულებისთვის, იმისთვის, რომ გლობალური პანდემიის ფონზეც კი, ჩამოვიდნენ საქართველოში და მხარი დაუჭირეს ჩვენს ქვეყანას წინსვლის პროცესში.
როგორც ყოველთვის ვაცხადებდით, ამ ურთულეს პირობებშიც კი, საქართველომ შეძლო თავისუფალი, ღია და კონკურენტული არჩევნების ჩატარება. ცალკეული ხარვეზები კი, არის გამოსწორებადი, რომელზეც უნდა ვიმუშაოთ. სწორედ ეს მისწრაფება გვაახლოებს ევროპული სახელმწიფოს მშენებლობასთან.
კიდევ ერთხელ დიდი მადლობა ჩვენს მოქალაქეებს აქტიურობისთვის. მადლობა ჩვენს მხარდამჭერებს, რომელთა სიმრავლე ჩვენ კიდევ უფრო მეტ სტიმულს გვაძლევს, რომ ერთად გავაგრძელოთ წინსვლა.
სამწუხაროდ, მე ახლა განსხვავებულ რეჟიმში მიწევს მუშაობა, რადგან ჩემს თანამშრომელს, რომელთანაც გუშინ მქონდა ხანგრძლივი კომუნიკაცია, მიზნობრივი შერჩევითი ტესტირებისას დაუდგინდა კორონავირუსი. შესაბამისად, გადავედი თვითიზოლაციაში და ამ რეჟიმშიც ვაგრძელებ მუშაობას.,,-წერია განცხადებაში
22 კანდიდატი ვიბრძოდით ქუთაისის მაჟორიტარობისთვის და შესაბამისად დადგა მეორე ტურის აუცილებლობა, ვემზადებით მეორე ტურისთვის და გამარჯვებისთვის-ამის შესახებ ,,ქართული ოცნების" ქუთაისის მაჟორიტარობის კანდიდატმა ზაზა ლომინაძემ განაცხადა. პირველადი მონაცემებით არჩევნების პირველ ტურში მან 40.51% მიიღო.
,,31 ოქტომბერს, ქართველმა ხალხმა, თავისუფალ, დემოკრატიულ და კონკურენტულ გარემოში გამოხატა საკუთარი ნება და ეს ნება არჩევნების შედეგებში აისახა. ცენტრალური საარჩევნო კომისიის მონაცემებით, „ქართული ოცნება” მომავალ პარლამენტში, პირველი ტურის მონაცემებითაც კი, ქმნის უმრავლესობას და აკომპლექტებს მთავრობას. მეორე ტურში, დარჩენილი მანდატების მოპოვების შემდეგ კი, კიდევ უფრო მეტად გაიმყარებს უმრავლესობას.
ამ დროისთვის 40.51% ით ვლიდერობ და ვემზადებით მეორე ტურისთვის და გამარჯვებისთვის. მადლობა მინდა ვუთხრა ყველას ნდობისა და გამოცხადებული მხარდაჭერისთვის. წინ კიდევ ერთი ბრძოლაა მოსაგები რომელიც 21 ნოემბერს აუცილებლად ჩვენი გამარჯვებით დასრულდება!"-განაცხადა ზაზა ლომინაძემ.