პარტია ,,თავისუფალი საქართველოს,, თანათავმჯდომარის, გოგი წულაიას სიცოცხლეს ამ ეტაპზე საფრთხე არ ემუქრება.პოლიტიკოსის ჯანმრთელობის მდგომარეობის შესახებ კლინიკა ,,ლჯ-ში,, განცხადება გაკეთდა.მედიას ინფორმაცია მოწვეულმა კარდიოქირურგმა, ლევან ქარაზანიშვილმა მიაწოდა.

პოლიტიკოს გოგი წულაიას მდგომარეობა ამ დრომდე მძიმეა,თუმცა როგორც მისი მკურნალი ექიმი,კარდიოლოგი ზაზა ლომინაძე აცხადებს,სტაბილური.

,,გოგი წულაია კლინიკა ,,ლჯ-ის,, კარდიოლოგიური დეპარტამენტის ინტენსიური თერაპიის ბლოკში იმყოფება.ყველა ჰემოდინამიკური მონაცემები ამჟამად ნორმის ფარგლებშია.ხვალ დილით იგეგმება გაფართოებული კონსილიუმი,რომლის შემდეგაც გადაწყდება ოპერაციის საკითხი,,-აცხადებს ექიმი ზაზა ლომინაძე.

პარტია ,,თავისუფალი საქართველოს,, თანათავმჯდომარე გულის შეტევით სტაციონარში გუშინ გადაიყვანეს.

მიმდინარე წლის 15 აგვისტოს  იმერეთის მხარის მეცნიერთა კავშირი „სპექტრის“  რეგიონის მასმედიის წარმომადგენლებს შეხვდა. მედიას  მიეწოდა ინფორმაცია პროექტის „შავი ზღვის აუზის გარემოს დაცვა ერთობლივი ძალისხმევით ( BeECO)“მიზნებისა და ამოცანების შესახებ,,

პროექტი დაფინანსებულია ევროკავშირის შავი ზღვის აუზის 2014-2020 პროგრამის ფარგლებში და მიზნად ისახავს ხელი შეუწყოს შავი ზღვის აუზის ქვეყნებში გარემოს ხარისხის გაუმჯობესებას, მდინარეებისა და ზღვების დაბინძურების შემცირებას ნარჩენების მართვის თანამედროვე მიდგომების დანერგვითა და მოსახლეობის გარემოსდაცვითი ცნობიერების ამაღლების საშუალებით.

პროექტს ახორციელებენ: ასოციაცია „ ქვემო დუნაის ევრორეგიონი“ (რუმინეთი-ლიდერი პარტნიორი), ასოციაცია „პრონატურა - გალათი“ (რუმინეთი),„ურბანული ფონდი მდგრადი განვითარებისათვის“ (სომხეთი), იმერეთის მხარის მეცნიერთა კავშირი „სპექტრი“ (საქართველო), „საზღვრისპირა თანამშრომლობისა და ევროინტეგრაციის სააგენტო“ (მოლდოვა).

პარტია ,,თავისუფალი საქართველოს,, თანათავმჯდომარის, გოგი წულაიას ჯანმრთელობის მდგომარეობა არის მძიმე, მაგრამ სტაბილური. პოლიტიკოსი სასწრაფო სამედიცინო დახმარების ბრიგადამ კლინიკა ,,ლჯ-ში,, დღეს ადრე დილით შეიყვანა,მას მიოკარდიუმის მწვავე ინფაქტი უკვე მესამედ აქვს . უტარდება სათანადო მკურნალობა, პოლიტიკოსს ესაჭიროება აორტო კორონარული შუნტირების ოპერაცია, იგეგმება კარდიოლოგიური კონსილიუმის მოწვევა ,რომლის შემდეგაც  გადაწყდება როდის ჩაუტარდება ოპერაცია.

გოგი წულაია 56 წლისაა, მას გული 16 წელია აწუხებს,  რამდენჯერმე  აქვს გაკეთებული კორონარული სტენტირება. ინფორმაცია მედიას კლინიკა ,,ლჯ-ის,, დამფუძნებელმა ,კარდიოლოგმა ზაზა ლომინაძემ მიაწოდა.

ქუთაისში  სადეზინფექციო სამუშაოები გრძელდება. ადგილობრივი თვითმმართველობის ინფორმაციით, ყოველი სამუშაო დღის დასაწყისში, საზოგადოებრივ ტრანსპორტს, ავტოფარეხიდან გასვლის წინ, უტარდება დეზინფექცია, ავტობუსების და მიკროავტობუსების სალონი მუშავდება სპეციალური სადეზინფექციო ხსნარებით. სამუშაო პროცესს  ქუთაისის მერის მოვალეობის შემსრულებელი დავით ერემეიშვილი გაეცნო. ამასთანავე, მიმდინარეობს საცხოვრებელი კორპუსების საერთო სარგებლობაში არსებული ფართების დეზინფექციაც. სადეზინფექციო სამუშაოებს ასრულებს ქუთაისის დეზინფექციისა და სპეციალური ეპიდზედამხედველობის სამსახური.

ქუთაისში  უწყებათაშორისი საკოორდინაციო საბჭოს და ჯანდაცვის ორგანიზაციების რეკომენდაციების თანახმად,  საზოგადოებრივი ტრანსპორტის მოსაცდელების, სკვერებში არსებული ატრაქციონების და ქუჩებში განთავსებული ბანკომატების დეზინფექცია სპეციალური ხსნარებით დამუშავება დაიწყო. სამუშაოებს მონიტორინგს  ქუთაისის მერის მოვალეობის შემსრულებელი დავით ერემეიშვილი უწევს.

„ქუთაისში უკვე გვაქვს კორონავირუსით დაინიფიცირების ათეულობით შემთხვევა და შესაბამისად, ვამკაცრებთ უსაფრთხოების ზომებსაც. მაქსიმალურად ვცდილობთ, შევაჩეროთ ვირუსის გავრცელება. ტარდება სადეზინფექციო სამუშაოები სხვადასხვა მიმართულებით და ლოკაციებზე. ჩვენი სამსახურები მუდმივ მონიტორინგს უწევენ ამ პროცესებს.“ - აცხადებს დავით ერემეიშვილი.

სადეზინფექციო სამუშაოებს ასრულებს ქუთაისის დეზინფექციისა და სპეციალური ეპიდზედამხედველობის სამსახური. პროცესი ყოველდღიურ რეჟიმში გაგრძელდება.