საშინელი ავარია ბაღდათის მუნიციპალიტეტში
საზოგადოება
გადასვლები: 1380

ავტოსაგზაო შემთხვევას იმერეთში ოთხი ადამიანის სიცოცხლე ემსხვერპლა

 
ავარია ბაღდათის რაიონის სოფელ დიმში მოხდა. ავტომობილი, რომელშიც ექვსი ადამიანი იმყოფებოდა გზის სავალი ნაწილიდან გადავიდა და ბეტონის კონსტრუქციას შეეჯახა. გარდაიცვალა ოთხი და დაშავდა ორი მგზავრი.
 
როგორც შინაგან საქმეთა სამინისტროში განაცხადეს, გამოძიება სსსკ-ის
276-ე მუხლის მე-6 ნაწილი დაიწყო.
274-მა დევნილმა ოჯახმა ბინა მიიღო
საზოგადოება
გადასვლები: 1335

ბინების გადაცემის ცერემონიალში დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე, დევნილთა სააგენტოს დირექტორი ბესარიონ სიმონიშვილი და სახელმწიფო რწმუნებული იმერეთში, ზვიად შალამბერიძე მონაწილეობდნენ.გასაღები დევნილებს მათ გადასცეს.

 იმერეთის რეგიონში დევნილთა საცხოვრებელი 28 ნგრევადი ობიექტი დაიხურა. დამატებით, 111 ოჯახის ბინას მიმდინარე წლის ბოლომდე მიიღებს.
 
ბოლო 8 წლის განმავლობაში, საქართველოს მასშტაბით, სხვადასხვა პროგრამების ფარგლებში, საცხოვრებელი 22 655 დევნილ ოჯახს გადაეცა.
წყალტუბოს რეაბილიტაცია მომავალი წლიდან დაიწყება
საზოგადოება
გადასვლები: 1347

წყალტუბოში კურორტის გენგეგმის კონცეფციის საკონკურსო წინადადებების საჯარო პრეზენტაცია გაიმართა.

 საკონკურსო კონცეფციები საზოგადოებას   წყალტუბოს განვითარებისათვის ქალაქთმშენებლობითი დოკუმენტაციის შემუშავებაზე  გამოცხადებული კონკურსის მონაწილე კომპანიების წარმომადგენლებმა გააცნეს.პრეზენტაციას სახელმწიფო რწმუნებული იმერეთში,ზვიად შალამბერიძე ესწრებოდა.
,, ვიხილეთ პირველ კონტურები იმ კონცეფციის ,როგორიც უნდა იყოს წყალტუბო.ახლა იქნება შერჩევა იმ კომპანიის,რომელიც ამას გააკეთებს.უკვე შემდგომი ეტაპი იქნება გენერალური გეგმა,რის შემდგომაც მოექცევა წყალტუბო ხარაჩოებში.წყალტუბო იქნება ტურისტული ცენტრი,რომელიც იქნება ღირსშესანიშნავი კურორტი არა მარტო ევროპაში,არამედ მსოფლიოში.მშენებლობის ეტაპი დაიწყება მომავალი წლიდან და 3-4 წელი დასჭირდება.,,-განაცხადა ზვიად შალამბერიძემ.
ინფრასტრუქტურის სამინისტროს მიერ სექტემბერში გამოცხადებულ კონკურსში წინადადებები  სამმა კომპანიამ -  შპს „ბაუ დიზაინმა“, შპს „დისტანციური ზონდირებისა და გეოინფორმაციული სისტემების საკონსულტაციო ცენტრი გეორგაფიკმა“ და შპს „არტსტუდიო-პროექტმა“ წარადგინა.
წინადადებების შერჩევა-შეფასების პროცესის დასრულების შემდეგ, კონკურსში გამარჯვებული კომპანია წყალტუბოს გენერალური გეგმის კონცეფციას ხელშეკრულების გაფორმებიდან 90 დღის განმავლობაში შეიმუშავებს. 
წყალტუბოს გენგეგმით უნდა განისაზღვროს ის აუცილებელი ღონისძიებები, რაც კურორტს შეუნარჩუნებს უნიკალურ ფუნქციურ-გეგმარებით სტრუქტურას  და  ქალაქს  ქაოტური, უმართავი განაშენიანებისგან დაიცავს. 
გამარჯვებული კომპანიის მიერ შესრულებული გენგეგმა დაადგენს, თუ  რა მოცულობის მშენებლობის განხორციელებაა შესაძლებელი წყალტუბოს  ცენტრალურ ზონაში.
 
წყალტუბოს ქალაქთმშენებლობითი დოკუმენტაციის მოსამზადებელად რეგიონული განვითარებისა და ინფრასტრუქტურის სამინისტროს მიერ 2019 წლის დეკემბერში გამოცხადებული კონკურსი შეწყდა, ვინაიდან მასში მონაწილე ერთადერთმა პრეტენდენტმა კურორტის უნიკალური პოტენციალის შესაფერისი ხედვა ვერ წარმოაჩინა.
ააიპ ბაგა-ბაღების გაერთიანება 29-ე ბაღთან დაკავშირებით განცხადებას ავრცელებს
საზოგადოება
გადასვლები: 1324

ააიპ ბაგა-ბაღების გაერთიანება  29-ე საბავშვო ბაღთან დაკავშირებით ფეისბუქ გვერდზე განცხადებას ავრცელებს.

,,ჩეჩელაშვილის ქუჩის #22-ში მდებარე საბავშვო ბაღის შენობა 2015 წელს ჩაითვალა  ავარიულად. შენობასთან დაკავშირებით არსებობს სამხარაულის ექსპერტიზის ბიუროს  ტექნიკური დასკვნა, სადაც მითითებულია,  რომ მისი შემდგომი ექსპლუატაცია საფრთხის შემცველია. 
აღნიშნული დასკვნის გათვალისწინებითა და ბავშვების უსაფრთხოების მიზნით,  ქუთაისის მერიამ N29  ბაგა-ბაღის შენობაში სასწავლო   პროცესის შეჩერების გადაწყვეტილება მიიღო. მოძიებული იქნა ალტერნატიული ფართი, რათა ამ უბანში მცხოვრებ  ბავშვებს ჰქონოდათ შესაბამისი საგანმანათლებლო სივრცე და პროცესი.
შენობა, სადაც ახლაა განთავსებული საბავშვო ბაღი, მერიას იჯარით აქვს აღებული (საიჯარო თანხა 2500 ლარი).
რაც შეეხება ჩეჩელაშვილის ქუჩაზე მდებარე შენობას, მისი განკარგვა მოხდება კანონის შესაბამისად, ამასთანავე, მოსახლეობის ინტერესების გათვალისწინებით.,, წერია ააიპ ბაგა-ბაღების გაერთიანების მიერ გავრცელებულ განცხადებაში.
შეგახსენებთ, რომ 16 ოქტომბერს სტრატეგია ,,აღმაშენებლის,, ქუთაისის მერობის კანდიდატმა 29-ე ბაგა ბაღთან დაკავშირებით ბრიფინგი გამართა და ხელისუფლება დაპირების შეუსრულებლობაში დაადანაშაულა.
 
საია გელათის კომპლექსის დაზიანების ფაქტზე გამოძიების დაწყებას ითხოვს
საზოგადოება
გადასვლები: 1356

საქართველოს ახალგაზრდა იურისტთა ასოციაციამ, 2020 წლის 20 ოქტომბერს საქართველოს პროკურატურას განცხადებით მიმართა და მსოფლიო კულტურული მემკვიდრეობის ნუსხაში მყოფი გელათის სამონასტრო კომპლექსის დაზიანების ფაქტზე გამოძიების დაწყება მოითხოვა. 

პროკურატურის სახელზე წარდგენილ განცხადებში, საია გამოძიების დაწყებას საქართველოს სისხლის სამართლის კოდექსის ორი მუხლით ითხოვს. საუბარია სსკ-ის 2592 მუხლსა (კულტურული მემკვიდრეობის დაზიანება ან განადგურება) და ამავე კოდექსის 342-ე მუხლზე (სამსახურებრივი გულგრილობა).

გელათის სამონასტრო კომპლექსში სახურავის რეაბილიტაციის დროს დაშვებული ხარვეზების გამო წყალი ჩადის და ფრესკები ზიანდება. მონასტრის ნაწილი ჯერ ტენტით გადახურეს,ახლა კი თუნუქის  დროებითი გადახურვით ხურავენ.  

ზვიად შალამბერიძე იმერეთის მუნიციპალიტეტის ხელმძღვანელ პირებს შეხვდა
საზოგადოება
გადასვლები: 1280

️სახელმწიფო რწმუნებულმა ზვიად შალამბერიძემ დღევანდელ შეხვედრაზე  იმერეთის რეგიონში არსებულ ეპიდვითარებაზე, რეგულაციების თანმიმდევრობით და სწორად შესრულებაზე, ხარვეზების აღმოფხვრაზე, კოვიდინფიცირებულების მკურნალობასა და მართვაზე იმსჯელა. მხარის რწმუნებული 12-ვე მუნიციპალიტეტის ხელმძღვანელ პირებს,  რეგიონის საზოგადოებრივი ჯანდაცვის ცენტრებისა და პირველადი ჯანდაცვის წარმომადგენლებს შეხვდა. 

 
"იმისათვის, რომ რეგიონში ინფიცირებულებს პირველადი დიაგნოსტიკიდან გამოჯანმრთელებამდე შესაბამისი დახმარება გავუწიოთ, მნიშვნელოვანია კოორდინაცია და ყველა რგოლის მაქსიმალური ჩართულობა. კორონავირუსის ბრძოლაში ჩართული თითოეული თქვენგანი არ იშურებთ ძალისხმევას და 24-საათიან რეჟიმში გვერდით უდგახართ ყველა ადამიანს, ვისაც ეს სჭირდება. თქვენ იცით, რომ რეგიონში ყოველდღიურად იზრდება კოვიდკლინიკებისა და კოვიდსასტუმროების რიცხვი, რადგან შევძლოთ თითოეული პაციენტის სრულფასოვანი მკურნალობა. გარდა ამისა, ექიმთა ყველა რგოლი არის ჩართული კოვიდ-19-თან ბრძოლაში და მე მჯერა, ეფექტურად მუშაობის შემთხვევაში მნიშვნელოვან წვლილს შეიტანთ ვირუსის დამარცხებაში“, - განაცხადა ზვიად შალამბერიძემ.
 
️სახელმწიფო რწმუნებულმა მუნიციპალიტეტის წარმომადგენლებისგან არსებული ინფორმაცია მოისმინა .
 
ძეიმერეთში გასული 24 საათის განმავლობაში 372 ახალი ინფიცირების შემთხვევა გამოვლინდა.
  1. ქუთაისში 274 დევნილი ოჯახი ბინას მიიღებს
  2. ეროვნული მოძრაობის წევრებმა მერაბ კოსტავას ხსოვნას პატივი მიაგეს
  3. სატრანსპორტო კომპანიის დირექტორის მოადგილე აცხადებს, რომ ტრანსპორტის დეზინფიცირება ყოველ საღამოს ხდება
  4. პოლონეთში ქუთაისის მკვიდრი დაიღუპა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search