სახელმწიფო ენის სწავლებისა და ინტეგრაციის პროგრამის ფარგლებში ახალქალაქის N1 სამხედრო ბაზაზე ჟვანიას სკოლამ 33 რეკრუტი გადაამზადა.
სასწავლო პროცესი წარმატებით 25-მა მსმენელმა დაასრულა. შესაბამისი სერტიფიკატები მათ ჟვანიას სკოლის დირექტორის მოადგილემ, პაატა კლდიაშვილმა და საწყისი საბრძოლო მომზადების ცენტრის მეთაურმა, ზაქარია კალანდაძემ გადასცეს.
,,სახელმწიფო ენის სწავლებას განსაკუთრებული მნიშვნელობა აქვს საქართველოს იმ მოქალაქეებისთვის, რომლებმაც არ იციან სახელმწიფო ენა. ეს მნიშვნელობა კიდევ უფრო იზრდება, როცა საქმე გვაქვს სავალდებულო სამხედრო სამსახურში მყოფ ეროვნული უმცირესობების წარმომადგენლებთან.
მათ დამატებით ეძლევათ შესაძლებლობა, უფრო ეფექტურად ემსახურონ საკუთარ სამშობლოს, ასევე, სამხედრო სამსახურის დასრულების შემდეგ, უკეთესი პირობებით დასაქმდნენ, სწრაფად განვითარდნენ როგორც პიროვნული, ისე პროფესიული კუთხით. ადვილად მიაღწიონ წარმატებას და აქტიურად ჩაერთონ ქვეყნის აღმშენებლობის პროცესში.“-განაცხადა ჟვანიას სკოლის დირექტორის მოადგილემ პაატა კლდიაშვილმა.
ზურაბ ჟვანიას სახელობის სახელმწიფო ადმინისტრირების სკოლა სახელმწიფო ენის სწავლებისა და ინტეგრაციის პროგრამის ფარგლებში განაგრძობს სწავლებას ეროვნული უმცირესობებით დასახლებულ რეგიონებში.
დღეის მონაცემებით, ქუთაისის მასშტაბით სწავლების ჰიბრიდული მოდელი თხუთმეტ საჯარო სკოლაში მოქმედებს. აღნიშნულ სკოლებში კორონავირუსი მოსწავლეებს აქვთ დაფიქსირებული, შესაბამისად ონლაინ რეჟიმზე არიან კონკრეტული კლასები. გამონაკლისია 29-ე სკოლა, რომელიც დღეიდან სრულად დისტანციურ რეჟიმზე გადავიდა.აღნიშნულ სასწავლო დაწესებულებაში, კოვიდ ვირუსი პედაგოგს დაუდასტურდა.ინფორმაციას ადასტურებს ქუთაისის საგანმანათლებლო რესურსცენტრის ხელმძღვანელი მაია ცქიტიშვილი.რაც შეეხება ონალინ სწავლების მსურველ მოსწავლეთა რაოდენობას, განაცხადები დღეს მიიღება და მომდევნო კვირის მონაცემები ხვალ გახდება ცნობილი. მიმდინარე კვირას კი დისტანციურ რეჟიმზე ქალაქის მასშტაბით 2200 მოსწავლე სწავლობს.
