საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი დოკუმენტის დამზადება-გამოყენების გზით, წინასწარი შეთანხმებით ჯგუფის მიერ, განსაკუთრებით დიდი ოდენობით ქონების მოტყუებით დაუფლების მცდელობის ფაქტზე, დაკავებულ იქნა სამი პირი, მათ შორის ერთი უცხო ქვეყნის მოქალაქე.
გამოძიებით დადგინდა, რომ ბრალდებულებმა, საქართველოში რეგისტრირებული ერთ-ერთი კომპანიის დაახლოებით 13 მილიონი ლარის ღირებულების უძრავი ქონების მოტყუებით დაუფლების მიზნით, გააყალბეს საზღვარგარეთ მოქმედი ნოტარიუსის სახელით დამოწმებული მინდობილობა, რომლითაც კომპანიის დამფუძნებელი თითქოსდა აძლევდა ერთ-ერთ ბრალდებულს უფლებამოსილებას მისი წარმომადგენლობის თაობაზე.
აღნიშნული ყალბი მინდობილობის გამოყენებით, ბრალდებულებმა იუსტიციის სახლში წარდგინეს განცხადება, რომლითაც მოითხოვეს კომპანიის სადამფუძნებლო კაპიტალის, მათივე დანაშაულებრივი ჯგუფის წევრზე გადაფორმება და დირექტორის ცვლილება, რაც ვერ განახორციელეს საგამოძიებო სამსახურისა და იუსტიციის სამინისტროს სსიპ საჯარო რეესტრის ეროვნული სააგენტოს კოორდინირებული მოქმედებების შედეგად.
გამოძიება მიმდინარეობს საქართველოს სისხლის სამართლის კოდექსის 362-ე და 180-ე მუხლებით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.
️ქუთაისში, ზვიად გამსახურდიას ქუჩაზე მიმდინარე გზის სარეაბილიტაციო სამუშაოების გამო შეწყვეტილი სატრანსპორტო მოძრაობა 27 ივნისიდან ნაწილობრივ კვლავ განახლდება.
ტრანსპორტი, დადგენილი სვლაგეზების შესაბამისად, იმოძრავებს ი. ჭავჭავაძის ქუჩის კვეთიდან ჟ. შარტავას ქუჩის კვეთამდე.
️შესაბამისად, განისაზღვრა მუნიციპალური ტრანსპორტის მოძრაობის შემდეგი სქემა:
️N 1R სვლაგეზი იმოძრავებს ი. ჭავჭავაძის გამზირიდან, ზ. გამსახურდიას ქუჩაზე, ჟ. შარტავასა და ი. აბაშიძის ქუჩების გავლით, შ. რუსთაველის გამზირის მიმართულებით.
️N 10 სვლაგეზი - ზ. გამსახურდიას ქუჩის, ჟ. შარტავასა და ი. აბაშიძის ქუჩების გავლით, დ. აღმაშენებლის გამზირის, გ. ტაბიძის ქუჩისა და შ. რუსთაველის გამზირის მიმართულებით.
️N20 სვლაგეზი იმოძრავებს ზ. გამსახურდიას ქუჩის, ჟ. შარტავასა და ი. აბაშიძის ქუჩების გავლით, შ. რუსთაველის გამზირის მიმართულებით.
️N 31 სვლაგეზი - ზ. გამსახურდიას ქუჩის, ჟ. შარტავასა და ი. აბაშიძის ქუჩების გავლით, შ. რუსთაველის გამზირისა და ი. ჯავახიშვილის ქუჩის მიმართულებით.
️N 1L სვლაგეზი - ზ. ფალიაშვილის ქუჩიდან იმოძრავებს შ. რუსთაველის გამზირის, ი. აბაშიძისა და ჟ. შარტავას ქუჩების გავლით, ზ. გამსახურდიას ქუჩისა და ი. ჭავჭავაძის გამზირის მიმართულებით.
N 10 სვლაგეზი იმოძრავებს შ. რუსთაველის გამზირის, ი. გრიშაშვილის ქუჩის, ნ. დუმბაძის ქუჩის, დ. აღმაშენებლის გამზირის, ზ. გამსახურდიას ქუჩის, ი. აბაშიძისა და ჟ. შარტავას ქუჩების გავლით, ი. ჭავჭავაძის გამზირის მიმართულებით.
️N 20 სვლაგეზი იმოძრავებს ზ. ფალიაშვილის ქუჩიდან, შ. რუსთაველის გამზირის მიმართულებით, ი. აბაშიძისა და ჟ. შარტავასა ქუჩების გავლით, ზ. გამსახურდიას ქუჩასა და ი. ჭავჭავაძის გამზირზე.
N 31 სვლაგეზი - ი. ჯავახიშვილის ქუჩის გავლით, შ. რუსთაველის გამზირზე, ი. აბაშიძისა და ჟ. შარტავას ქუჩების გავლით, ზ. გამსახურდიას ქუჩასა და ი. ჭავჭავაძის გამზირზე.
