რუსულმა ავიაკომპანიამ Red Wings საქართველოს მიმართულებით პირდაპირ რეისებზე ბილეთების გაყიდვა დაიწყო.

დღეს გამთენიას, თბილისის საერთაშორისო აეროპორტში  უკრაინაში დაღუპული კიდევ ორი სამხედრო - მალხაზ კვიჟინაძე და ჯონი ოდიშვილი ჩამოასვენეს.

ლუგანსკის ოლქში, ლისიჩანსკთან დაღუპული მალხაზ კვიჟინაძე ქუთაისელი იყო. გამოცდილი სამხედრო ომის პირველივე დღეებიდან,რუსი ოკუპანტების წინააღმდეგ იბრძოდა.  

 მალხაზ კვიჟინაძეს ოთხი შვილი დარჩა.

სოფელ ტყვიავიდან იყო ჯონი ოდიშვილი. ის ბახმუტთან დაიჭრა. ოდიშვილი ბრძოლის ველიდან ცოცხალი გამოიყვანეს, მაგრამ ექიმებმა მისი გადარჩენა ვერ შეძლეს.

ქუთაისის სატრანსპორტო კომპანიის ინფორმაციით, ერთიანი ეროვნული გამოცდების პერიოდში მუნიციპალური  ტრანსპორტი,  დილის 06:30 საათიდან იმუშავებს.

,,საქართველოს რკინიგზის“ ინფორმაციით, ხარაგაულის მუნიციპალიტეტში, სოფელ ბაბის მიმდებარედ ძლიერი წვიმის გამო, სანიაღვრე ჭებიდან გადმოსულმა უხვმა რაოდენობის წყალმა ლიანდაგები დატბორა, ასევე გამოიწვია ლიანდაგების მიმდებარედ ნიადაგის ჩამოშლა, რის გამოც, ზუგდიდი-თბილისისა და ბათუმი-თბილისის მიმართულებით მოძრავი მატარებლები გაჩერებულია.

,,დასავლეთში არსებული ძლიერი წვიმის გამო, სოფელ ბაბის მიმდებარედ, სანიაღვრე ჭებიდან გადმოსულმა უხვმა რაოდენობის წყალმა ლიანდაგები დატბორა. ასევე გამოიწვია ლიანდაგების მიმდებარედ ნიადაგის ჩამოშლა. ორივე მიმართულებით მოძრაობა გაჩერებულია. კერძოდ, შეჩერებულია ზუგდიდი-თბილისისა და ბათუმი-თბილისის მიმართულებით მოძრავი მატარებლები. საქართველოს რკინიგზამ სამუშაო ძალის მაქსიმალური მობილიზება განახორციელა და მიმდინარეობს გაწმენდა/აღდგენითი სამუშაოები. ამ ეტაპზე ზუსტი პროგნოზის გაკეთება მოძრაობის აღდგენასთან დაკავშირებით შეუძლებელია. დროის მოკლე მონაკვეთებში განვაახლებთ ინფორმაციას.,,-საქართველოს რკინიგზა.

ფოტო პირობითია.

შინაგან საქმეთა სამინისტროს ცენტრალური კრიმინალური პოლიციის, თბილისის, იმერეთის რაჭა-ლეჩხუმისა და ქვემო სვანეთის, აჭარის, შიდა ქართლის, სამეგრელო-ზემო სვანეთის და კახეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისსა და რეგიონებში ნარკოდანაშაულის ბრალდებით 52 პირი დააკავეს, მათ შორის 37 ნარკორეალიზატორია. 

გარემოს ეროვნული სააგენტოს ინფორმაციით, 29 ივნისიდან 1 ივლისის დილამდე საქართველოში მოსალოდნელია წვიმა, ზოგან ძლიერი და ელჭექი, აღმოსავლეთ საქართველოში ზოგან სეტყვა. 30 ივნისს და 1 ივლისს იქროლებს დასავლეთის მიმართულების ძლიერი ქარი, ზღვაზე 4 ბალიანი შტორმი.