შავი ზღვის წყლის ხარისხი კვლავ ნორმის ფარგლებშია
საზოგადოება
გადასვლები: 943

 გარემოს ეროვნული სააგენტოს მონიტორინგის შედეგების მიხედვით, შავი ზღვის წყლის ხარისხი კვლავ ნორმის ფარგლებშია.

 
გარემოს დაცვისა და სოფლის მეურნეობის სამინისტროს გარემოს ეროვნული სააგენტოს მიერ, 06 და 10 ივლისს  განხორციელებული მონიტორინგის შედეგების მიხედვით, შავი ზღვის წყლის სინჯებში განსაზღვრული 59 პარამეტრის მნიშვნელობები ნორმის ფარგლებშია!
 
განისაზღვრა ქიმიური პარამეტრები,  მათ შორის 13 მძიმე მეტალი, ნავთობის ჯამური ნახშირწყალბადები, 16 პოლიაორმატული ნახშირწყალბადისა და სხვა ფიზიკურ -ქიმიური პარამეტრის კონცენტრაცია.  
 
როგორც ცნობილია, გარემოს ეროვნული სააგენტო შავი ზღვის წყლის ხარისხის მონიტორინგს უკვე 10 დღეში ერთხელ, 9 სადგურზე ახორციელებდა და 10 ივლისიდან სადგურების რაოდენობა გაიზარდა დაემატა ანაკლია- განმუხურის  ტერიტორიაზე  3 წერტილი. 
 
აღებული სინჯები საანალიზოდ გარემოს ეროვნული სააგენტოს ატმოსფერული ჰაერის წყლისა და ნიადაგის ანალიზის აკრედიტირებულ ლაბორატორიაში იგზავნება, რომელიც აღჭურვილია მაღალი სიზუსტის მქონე ანალიტიკური ხელსაწყოებით და  სრულად აკმაყოფილებს თანამედროვე მოთხოვნებსა და სტანდარტებს.
 კვლევის შედეგები იხილეთ ბმულზე - https://nea.gov.ge/Ge/News/1172
28-30 ივლისს ბაღდათის მუნიციპალიტეტში ველო-ფესტივალი გაიმართება
საზოგადოება
გადასვლები: 1038

 28-30 ივლისს, ბაღდათის მუნიციპალიტეტში, ყოველწლიური ველო-ფესტივალი გაიმართება.

 
 სამი დღის განმავლობაში, მონაწილეებს  დაუვიწყარი თავგადასავალი ელოდებათ.
 
 ველო გადაადგილების პარალელურად, შეეძლებათ დატკბნენ  ულამაზესი ბუნებით, მოიპოვონ ქულები დამატებითი თამაშებით და გაიმარჯვონ!
 
 ქულების დაგროვება გზის განმავლობაში შესაძლებელია როგორც გუნდურად, ასევე ინდივიდუალურად 
 
 სტარტს როდოპოლისის ციხესთან აიღებენ, გაივლიან აჯამეთის ტყეს, ბერიეთის მონასტერს, ეიფელის ხიდს, სოფელ ხანს, ზეკარის უღელტეხილს, ქვასაყდარას, საირმეს, ფინიში კი ქალაქ ბაღდათში იქნება! 
 
🥇 გამარჯვებულები დაჯილდოვდებიან სხვადასხვა პრიზით
 
 დაჯილდოება გაიმართება ველო ფესტის დასასრულს, მესამე დღეს, ბაღდათში
 
 რეგისტრაცია გაიხსნა: https://bit.ly/42qyYWv
 
ღონისძიების მხარდამჭერები არიან: 
 
"ბაღდათის მუნიციპალიტეტის მერია"
"კავკასიის ველო ქსელი"
 "საირმე რეზორტი"
"შატო ვარციხე"
DMO Imereti
 
რეგისტრაცია გაიხსნა! ფორმის შევსებამდე გაეცანით ინფორმაციას 
 
მონაწილეს უნდა ჰქონდეს: 
-ველოსიპედი
-ველო ჩაფხუტი
-წყლის მრავალჯერადი ბოთლი
-კარავი
-საძილე 
 
დღე I 
 
გასავლელი მანძილი - 45 კმ; elev.gain - 828 მ; 
ჩეკპოინტის რაოდენობა, სადაც მონაწილე ქულას აიღებს: 2
შეკრების ადგილი - როდოპოლისი 
შეკრება - 09:00
სტარტი - 09:30 სთ 
დაბანაკება სოფელ ხანში - 18:30 სთ
 
დღე II 
 
გასავლელი მანძილი - 60 კმ; elev.gain - 2340 მ; 
ჩეკპოინტის რაოდენობა, სადაც მონაწილე ქულას აიღებს: 2
სტარტი - 08:00 სთ 
დაბანაკება ზეკარზე - 19:30 სთ
 
დღე III
 
გასავლელი მანძილი - 50 კმ; elev.gain - 260 მ; 
ჩეკპოინტის რაოდენობა, სადაც მონაწილე ქულას აიღებს: 2
სტარტი - 11:00 სთ 
დაჯილდოება, კონცერტი - 17:00 - 19:00 სთ
 
მარშრუტის ბმულები:
 
 დღე I, 28 ივლისი: როდოპოლისის ციხე - აჯამეთის ტყე - წყალთაშუა - ხანი 
 დღე II, 29 ივლისი: ხანი - საიმე - ზეკარის უღელტეხილი 
 დღე III, 30 ივლისი: ზეკარი - წყალთაშუა - ბაღდათი 
იმერეთმა წელს პირველად მთის დღეებს უმასპინძლა
საზოგადოება
გადასვლები: 1018

გორდში, დადიანების ტყე-პარკში ,,მთის დღეები”-ს ფარგლებში მოეწყო ადგილობრივი მეწარმეების პროდუქციის გამოფენა-გაყიდავა, ადგილობრივი კულინარიის გაკვეთილები და დეგუსტაცია. ასევე გაიმართა გასართობი თამაშები (ველოტური, ზიპლაინი, მოლაშქრეების მასტერკლასი, სახალისო შეჯიბრები).
 
,,მთის დღეები”-ს საზეიმო გახსნას იმერეთში სახელმწიფო რწმუნებული ზვიად შალამბერიძე, ხონის მერი ლადო ჯურხაძე საქართველოს ტურიზმის ეროვნული  ადმინისტრაციის ხელმძღვანელი მაია ომიაძე და დაინტერესებული პირები ესწრებოდნენ. 
 
,,მთის დღეები”-ს ფარგლებში ის პირები დაჯილდოვდნენ, რომელთაც სოფლის განვითარებაში მნიშვნელოვანი წვლილი შეიტანეს. 
 
მთის ერთგულბისთვის და მის განვითარებაში შეტანილი განსაკუთრებული წვლილისთვის სოფ. გორდში მცხოვრები გულიადა სანოძე, სოფ. ძეძილეთში მცხოვრები ელდარი მეძველია და სოფ. კინჩხაში მცხოვრები გიორგი გორგოძე დაჯილდოვდნენ.
 
გორდში, თითქმის ყველა ჟანრის მუსიკა აჟღერდა. ადგილობრივ და უცხოელ სტუმრებს ქართული ფოლკლორი ანსამბლმა ,,ჩვენებურებმა” ერთ საათიანი კონცერტით გააცნო.
 
ანსამბლ ,,ჩვენებურების” შემდეგ, სცენა თიკა ბალანჩინმა და ჯგუფმა ,,ნიუ ვანმა” დაიკავეს. 
 
,,მთის დღეები” კოცონთან ,,თბილისური კვარტეტის” სიმღერებითა და ფოიერვერკით დასრულდება.
ირანული წარმოების კარაქში,რომლის იმპორტიორი ფირმა ქუთაისში მდებარეობს,ლისტერია აღმოჩნდა
საზოგადოება
გადასვლები: 878

ირანული წარმოების კარაქის ნიმუშში ლისტერია აღმოჩნდა.

სურსათის ეროვნული სააგენტოს იმერეთის რეგიონული სამმართველოს ინსპექტორებმა, სახელმწიფო კონტროლის ფარგლებში, შპს „ათინათის“ (ქ. ქუთაისი, სულხან-საბას ქუჩა №14) კუთვნილი ნედლი რძის გადამამუშავებელი საწარმოდან ირანული წარმოების 82,5%-იანი კარაქის (დამზადების თარიღი: 17.06.2023) 5 ნიმუში აიღეს. ლაბორატორიული კვლევის შედეგად, 1 ნიმუშის 25 გრამში გამოვლინდა პათოგენური მიკროორგანიზმი Listeria monocytogenes.


აღნიშნული ფაქტის შესახებ ინფორმირებულია ბიზნესოპერატორი. შპს „ათინათს“ დაევალა სურსათის ბაზარზე განთავსების აღკვეთა ან ბაზარზე უკვე განთავსებულის ამოღება/გამოთხოვა/დასაწყობება, რაოდენობის აღრიცხვა და მიღებული ზომების შესახებ სააგენტოს ინფორმირება. პროცესზე ზედამხედველობას სურსათის ეროვნული სააგენტო განახორციელებს. 
საწარმოში ჩატარდა ასევე არაგეგმური ინსპექტირება, რომლის შედეგადაც დადგინდა, რომ კარაქის საწარმოებლად გამოყენებულია შპს "ეკე 2009"-ის მიერ იმპორტირებული ირანული წარმოების კარაქი (B401MART1106-111; დამზადების თარიღი - 31.01.2023; გამოყენების ვადა - 31/01/2024). შესაბამისად,  შპს "ეკე 2009"-ში ჩატარდება არაგეგმური ინსპექტირება.  
 
Listeria monocytogenes არის პათოგენური მიკროორგანიზმი, რომელიც საფრთხეს უქმნის ადამიანის, განსაკუთრებით ბავშვებისა და ორსული ქალების სიცოცხლესა და ჯანმრთელობას. 
Listeria monocytogenes იღუპება +65  C ტემპერატურაზე, მაცივარში -1  C მრავლდება კიდეც. მარილი ბაქტერიას არ კლავს. ადამიანის ორგანიზმში მოხვედრისას იწვევს ინფექციურ დაავადებას ლისტერიოზს. ინფექციის წყაროა გარეული მღრღნელები და შინაური ცხოველები. ადამიანს ლისტერიოზი გადაედება დაავადებულ ცხოველებთან კონტაქტითა და საკვებით (თერმულად ნაკლებად დამუშავებული ხორცი, უმი რძე, რძის ნაწარმი და ხილ-ბოსტნეული). 
 
ბაღდათში ღვინის ლაბორატორიის მოწყობისთვის 500 000 დაიხარჯება
საზოგადოება
გადასვლები: 2264

ბაღდათის მუნიციპალიტეტში მალე ღვინის ლაბორატორია  მოეწყობა. ევროკავშირს მხარდაჭერით პროექტისთვის   500 000 ლარი გამოიყოფა.

 
ევროკავშირის მხარდაჭერით, გერმანიის საერთაშორისო თანამშრომლობის საზოგადოების (GIZ) ორგანიზებით და საქართველოს რეგიონული განვითარებისა და ინფრასტრუქტურის სამინისტროს პატრონაჟით, პროგრამის „ევროკავშირი ინტეგრირებული ტერიტორიული განვითარებისთვის (EU4ITD) – ეკონომიკური და სოციალური ცხოვრების კატალიზატორი“ (CESL) ფარგლებში დაფინანსებული, მუნიციპალური ინტეგრირებული პროექტების პრეზენტაცია გაიმართა სასტუმრო „სტამბაში“.
 
ღონისძიებაზე ბაღდათის მუნიციპალიტეტის მერმა კახა ენუქიძემ, CESL პროექტის ფარგლებში დასაფინანსებლად შერჩეული ინიციატივა წარუდგინა საზოგადოებას. 
550 000 ლარის ღირებულების საგრანტო პროექტით, ბაღდათის მუნიციპალიტეტის ბიზნეს განვითარებისა და ტურიზმის მომსახურების ცენტრის ბაზაზე ღვინის ლაბორატორია მოეწყობა.
 
საგრანტო პროექტით დაფინანსებული  ღვინის ლაბორატორიით ისარგებლებენ როგორც ადგილობრივი მეღვინეები, ასევე დასავლეთ საქართველოს ღვინის მწარმოებლები.  
აღნიშნული პროექტი ხელს შეუწყობს  რეგიონში  ხარისხზე ორიენტირებული ღვინის წარმოების განვითარებას და კონკურენტუნარიანობის ზრდას. 
პროექტი იმერული ღვინის ასოციაციასა და კოლეჯ „იბერია“-სთან პარტნიორობით განხორციელდება.
შეხვედრის ფარგლებში ბაღდათის მუნიციპალიტეტის მერმა კახა ენუქიძემ და მერიის ეკონომიკური განვითარების, საერთაშორისო და ადგილობრივ დონორ ორგანიზაციებთან ურთიერთობის განყოფილების უფროსმა თინა აბულაძემ პროექტის ფარგლებში მუნიციპალიტეტსა და დასავლეთ საქართველოში ღვინის ლაბორატორიის საჭიროებებზე,  სამომავლო გეგმებზე ისაუბრეს და დაინტერესებულ პირებს გამოცდილება გაუზიარეს.
სოფელ პირველ ობჩაში მუშაობა დაიწყო სასოფლო-სამეურნეო პროდუქტების გადამამუშავებელმა საწარმომ
საზოგადოება
გადასვლები: 2754

ბაღდათის მუნიციპალიტეტის სოფელ  პირველ ობჩაში,  სასოფლო- სამეურნეო პროდუქტების გადამამუშავებელი საწარმო ექსპლუატაციაში შევიდა. 

 
ახალი საწარმო იმერეთში სახელმწიფო რწმუნებულმა ზვიად შალამბერიძემ და ბაღდათის მუნიციპალიტეტის მერმა კახა ენუქიძემ დაათვალიერეს.
 
აღნიშნული საწარმო, რომელიც შ.პ.ს. "ახალი ზეკარი"-ს სახელწოდებით ფუნქციონირებს, ჩირის, წვენისა და ღვინის წარმოებაზე არის ორიენტირებული.
 
საწარმოს ფუნქციონირება, როგორც სოფელ ობჩისთვის, ასევე მუნიციპალიტეტისთვის მნიშვნელოვანია, დასაქმდა ადგილობრივი მოსახლეობა და შესაბამისად დაიწყო სასოფლო- სამეურნეო პროდუქტების რეალიზაცია.
 
სასოფლო-სამეურნეო პროდუქტების გადამამუშავებელი საწარმო, სოფელ პირველ ობჩაში სახელმწიფოს მხარდაჭერით შეღავათიანი აგროკრედიტით აშენდა.
  1. 15 ივლისამდე თბილი და უნალექო ამინდი იქნება
  2. ჭომა-ალპანა-მამისონის გზა მდინარე რიონმა დატბორა
  3. სტიქია წყალტუბოს მუნიციპალიტეტში-დატბორილია სოფლები
  4. ძლიერი წვიმის შედეგად ხონის მუნიციპალიტეტში ეზოები დაიტბორა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search