დიდთოვლობის და ძლიერი წვიმების შედეგად მეწყრული პროცესები განვითარდა ბაღდათის მუნიციპალიტეტის რამდენიმე სოფელში.მეწყერმა დააზიანა გზები სოფელ წითელხევში, ფერსათში, ობჩაში, ზეგანში, ნერგეეთში, ზედა დიმსა და ქალაქ ბაღდათში აღმაშენებლის ქუჩა.
დამეწყრილი გზების მდგომარეობას ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო.ამ ეტაპზე მიმდინარეობს სტიქიით დაზიანებული გზების შესწავლა, რათა შემდგომ მოხდეს მათი რეაბილიტაცია.დამეწყრილი გზებზე შეზღუდვები არ არის. მოსახლეობა შეუფერხებლად გადაადგილდება.
კომპანია ,,საირმე მინერალ ვოთერსში,, დასაქმებულების გაფიცვა უკვე სამი კვირაა გრძელდება.
გაფიცულები ხელფასის მატებას, სანიტარული და უსაფრთხოების ნორმების გაუმჯობესებას ითხოვენ. მათი მოთხოვნები ამ დრომდე არ სრულდება. დასაქმებულები ხვალ, 6 მარტს,12:00 საათზე, მთავრობის კანცელარიასთან აქციის გამართვას გეგმავენ.
,,კომპანიისა და ადგილობრივი ხელისუფლების წარმომადგენლები, დასაქმებულთათვის მოთხოვნების შესრულების მაგივრად, მათი დისკრედიტაციის, ხელფასების შეწყვეტისა და დარბევის გზას ირჩევენ.
გაფიცულები გრძნობენ პასუხისმგებლობას საზოგადოების წინაშე, ამ ეტაპზე ისინი არამხოლოდ საკუთარი შრომითი უფლებებისთვის არამედ საზოგადოებრივი ცნობიერების ფორმულირებისთვისაც იბრძვიან, მათი გამარჯვება ნიშნავს სხვადასხვა სამუშაო სივრცეში დასაქმებულთათვის იმედისა და დადებითი ცვლილებებისათვის ბრძოლის სურვილის გაღვიძებას, იმის დამტკიცებას რომ ბრძოლას ყოველთვის აქვს აზრი.
სხვისი ინტერესების მხარდაჭერა რთულ და არახელსაყრელ სიტუაციაში შეგნებული საზოგადოების მახასიათებელია. რამდენადაც ძლიერი არ უნდა იყოს ერთობა, საზოგადოების ფართო მხარდაჭერის გარეშე გამარჯვების მიღწევა გაძნელდება, სწორედ ამიტომ, მოგიწოდებთ სოლიდარობისკენ, 6 მარტს, 12:00 საათზე, მთავრობის კანცელარიასთან - საირმელთა გაფიცვა თბილსში გაგრძელდება,,-აცხადებენ ორგანიზატორები.
ფოტო-"მაუწყებელი"
