შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, ორი პირი: 1984 წელს დაბადებული რ.ი. და 1990 წელს დაბადებული ე.ი. დააკავეს.

გამოძიებით დადგინდა რომ ბრალდებულებმა, საქართველოს პარლამენტის 2024 წლის 26 ოქტომბრის არჩევნების მიმდინარეობისას, მარნეულის მუნიციპალიტეტის სოფელ სადახლოს №69-ე საარჩევნო უბანზე, კანონმდებლობის დარღვევით ყუთში საარჩევნო ბიულეტენები მოათავსეს.

აღნიშნული ფაქტის გამო, მარნეულის საოლქო საარჩევნო კომისიის განკარგულებით №69-ე საარჩევნო უბანზე შეწყდა კენჭისყრა და კენჭისყრის შედეგები ბათილად იქნა ცნობილი.

ჩატარებული საგამოძიებო მოქმედებების შედეგად,სამართალდამცველებმა რ.ი. და ე.ი. ბრალდებულის სახით დააკავეს.

დანაშაული 2 წლამდე ვადით თავისუფლების აღკვეთას ითვალისწინებს.

მომხდარ ფაქტზე გამოძიება, სისხლის სამართლის კოდექსის 164 -ე ტერცია მუხლით მიმდინარეობს, რაც არჩევნებთან დაკავშირებული დოკუმენტების: საარჩევნო სიების, ოქმების, ბიულეტენების, სარეგისტრაციო ჟურნალების და საკონტროლო ფურცლების განზრახ გაყალბებას გულისხმობს.

1 ნოემბრამდე საქართველოში შედარებით თბილი და უნალექო ამინდია მოსალოდნელი. ჰაერის ტემპერატურა დღისით დაბლობსა და ბარში +15, +20 გრადუსის ფარგლებში დაფიქსირდება, ღამის საათებში კი დაბალი ტემპერატურა შენარჩუნდება.

თბილისში უნალექო ამინდი იქნება. ჰაერის ტემპერატურა დღისით +16, +18, ღამით კი +3, +5 გრადუსია მოსალოდნელი.

სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდი იქნება. ჰაერის ტემპერატურა დღისით +18, +20 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): თბილი და უნალექო ამინდია მოსალოდნელი. ჰაერის ტემპერატურა დღისით +18, +20 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): თბილი და უნალექო ამინდი იქნება. ჰაერის ტემპერატურა დღისით +14, +18 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო): უნალექო ამინდი იქნება. ჰაერის ტემპერატურა დღისისთ +10, +14 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): უნალექო ამინდი იქნება. ჰაერის ტემპერატურა დღისით +14, +18 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): თბილი და უნალექო ამინდი იქნება. ჰაერის ტემპერატურა დღისით +16, +18 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უნალექო ამინდი იქნება. ჰაერის ტემპერატურა დღისით +12, +16 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უნალექო ამინდი იქნება. ჰაერის ტემპერატურა დღისით +6, +11 გრადუსი დაფიქსირდება.

,,ფლანგვის დეტექტორის,, ინფორმაციით, ,,ქართულმა ოცნებამ,, წინასაარჩევნო კამპანიაში რუსეთის მიერ უკრაინაში დანგრეული შენობების სურათები ულიცენზიოდ გამოიყენა. 

ფოტოს ავტორი ლევ რადინია, რომელმაც “ფლანგვის დეტექტორისგან” შეიტყო, რომ ქართულმა ოცნებამ ნამუშევარი მისი ნებართვის გარეშე გამოიყენა. ლევ რადინის ფოტოები ვრცელდებოდა და დღესაც ვრცელდა კომპანია Alamy-ს მიერ. კომპანიის ვებსაიტი, საიდანაც ფოტოს გამოყენების ლიცენზიის მოპოვებაა შესაძლებელი, ცალსახად აღნიშნავს, რომ ფოტოს გამოყენება მხოლოდ სარედაქციო მიზნებისთვისაა ნებადართული. 

ფოტოების ავტორის თქმით, მან მკაფიო და კატეგორიული უარი განაცხადა, როდესაც შესაბამისი უფლების ასაღებად მიმართეს.

,,ფლანგვის დეტექტორმა” კითხვებით კომპანია “ალამსა” ისე სააგენტო, “Sipa US”-საც მიმართა, რომლის ფოტოგრაფიცაა ლევ რადინი. ჯერ-ჯერობით ამ კითხვებზე პასუხი არ მიუღიათ. უშედეგო იყო ქართული ოცნების პრესსამსახურთან დაკავშირების მცდელობაც. 

,,საქართველოს ხელისუფლება მოქალაქეებს ფილმების საიტებს “პირატულობის” მიზეზით უბლოკავს, ამ დროს მოპარულ სურათებს იყენებს პროპაგანდისტული ბანერებისთვის.,,-,,ფლანგვის დეტექტორი,,

თბილისში ჭიათურის მუნიციპალიტეტის სოფელ შუქრუთის მოსახლეობის პროტესტი უშედეგოდ დასრულდა. აქციის მონაწილეები პარლამენტის მიმდებარე ტერიტორიას ტოვებენ.მათი თქმით, მაღაროების პიკეტირება გაგრძელდება.მოთხოვნა კი ისევ იგივეა-სამართლიანი კონპენსაციები რომელიც სამხარაულის ექსპერტიზის შედეგების მიხედვით უნდა გაიცეს.

10 წელიც რომ დაგვჭირდეს,მაღარო არ ამუშავება მანამ,სანამ ჩვენი პრობლემები არ მოგვარდება-აცხადებენ შუქრუთელები.

დღეს სოფელ შუქრუთის მოსახლეობის აქციის 228-ე დღეა.

 საპარლამენტი არჩევნების დღეს, ,,ენერგო-პრო ჯორჯიას“ ტექნიკური სამსახური საგანგებო რეჟიმში იმუშავებს.

ყველა მუნიციპალიტეტში 24 საათის განმავლობაში იმუშავებს საგანგებოდ დანიშნული მორიგე ჯგუფები ასევე მობილიზებული იქნება ტექნიკაც. 

კომპანიის მორიგე, პასუხისმგებელი პირების სია უკვე გადაეგზავნა ცენტრალურ საარჩევნო კომპანიას. ცესკოს წარმომადგენელს პირდაპირი კონტაქტი ექნება კომპანიის მთავარ დისპეტჩერთანაც.

,,კომპანია მაქსიმალურად უზრუნველყოფს საარჩევნო უბნების ელექტროენერგიით მომარაგებას, თუმცა, უამინდობის, ან სხვა გაუთვალისწინებელი ავარიის შემთხვავაში, ელექტროენერგიის მიწოდება თუ შეუწყდება საარჩევნო უბანს, ვერიფიკაციის და ხმის მთვლელი აპარატები, დენის წყაროს გარეშე შეუფერხებელ მუშაობას რამდენიმე საათის განმავლობაში შეძლებენ, შესაბამისად საარჩევნო პროცესი არ შეფერხდება. მიუხედავად ამისა, კომპანია მზადაა სწრაფი და დროული რეაგისრებისათვის“- განაცხადა სს ,,ენერგო-პრო ჯორჯიას“ დირექტორთა საბჭოს თავმჯდომარემ, გრიგოლ მამისეიშვილმა. მისი თქმით, კომპანია თავისი კომპეტენციის ფარგლებში ყველანაირად შეეცდება, რომ საარჩევნო პროცესმა ენერგომომარაგების მხრივ უმტკივნეულოდ ჩაიაროს, თუმცა, მნიშვნელოვანია, რომ შენობებში, სადაც საარჩევნო უბნები იქნება განთავსებული, ელექტროენერგიის შიდა ქსელი იყოს მოწესრიგებული, გამხოლოებული და ადგილებზე იმყოფებოდნენ ელექტროგაყვანილობაზე პასუხისმგებელი პირებიც.

,,ენერგო-პრო ჯორჯიამ“ აღნიშნულ საკითხებზე თანამშრომლობა ცესკოსთან ჯერ კიდევ 2023 წლის მაისში დაიწყო. მას შემდეგ, კომიის თავმჯდომარესა და წევრებთან რამდენიმე საქმიანი შეხვედრა შედგა, სადაც დეტალურად განიხილეს საქართველოს საპარლამენტო არჩევნების დღეს საარჩევნო უბნების სტაბილური ენერგომომარაგების საკითხები.

გარემოს ეროვნული სააგენტოს ინფორმაციიატ,25-26 ოქტომბერს დასავლეთ საქართველოში მოსალოდნელია წვიმა, ზოგან ძლიერი, ქვეყნის მაღალმთიან რაიონებში ზოგან თოვლი. 

მოსალოდნელმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).