გარემოს ეროვნული სააგენტოს ინფორმაციით,16 სექტემბრის გვიანი საღამოდან 17 სექტემბრის დილამდე საქართველოს უმეტეს რაიონებში მოსალოდნელია წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება. 

მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).

რომელია ყველაზე მონახულებადი დაცული ტერიტორიები საქართველოში?-ინფორმაციას დაცული ტერიტორიების სააგენტო ავრცელებს.

ვიზიტორთა გაზრდილი ნაკადით გამოირჩევა-ნავენახევის მღვიმე - 33%,სათაფლია - 20%,მარტვილის კანიონი - 12%,პრომეთეს მღვიმე - 10%

ნავენახევის მღვიმე შედარებით ახალი ეკოტურისტული ობიექტია და ვიზიტორთა მხრიდან სწრაფად მზარდი ინტერესით გამოირჩევა. 2024 წლის 8 თვის განმავლობაში, წინა წელთან შედარებით, რეკორდული ზრდა 33% სწორედ ნავენახევის მღვიმეში დაფიქსირდა. 

ვიზიტორთა სტატისტიკის მიხედვით, ყველაზე მონახულებად 5 დაცულ ტერიტორიას შორისაა პრომეთეს მღვიმე, მარტვილის კანიონი, სათაფლია, მტირალას ეროვნული პარკი და წალკის კანიონი, რომლებსაც ჯამში 619 743 ვიზიტორი ეწვია, რაც გასული წლის ანალოგიურ პერიოდთან შედარებით 10%-ით გაზრდილი მაჩვენებელია. 

საქართველოს დაცული ტერიტორიების მიმართ გაზრდილია საერთაშორისო ვიზიტორების ინტერესი და, შესაბამისად, მათი რაოდენობაც. აღსანიშნავია, რომ წელს პირველად პირველ ხუთეულში მოექცა ასევე ინდოეთიც. 

წყალტუბოს მუნიციპალიტეტს მიმდინარე წელს რეგიონული განვითარების, ასევე სხვადასხვა ფონდებიდან ინფრასტრუქტურული პროექტების განსახორციელებლად 25 474 271 ლარი აქვს გამოყოფილი. აღნიშნული თანხით 227 პროექტი არის დაფინანსებული.მათ შორის არის როგორც საგზაო ინფრასტრუქტურის მოწესრიგება, ასევე რეკრეაციული სივრცეების, კულტურული და საგანმანათლებლო შენობების, სპორტული ინფრასტრუქტურის, წყალმომარაგების სისტემებისა და სხვა პრიორიტეტული ობიექტების მშენებლობა-რეაბილიტაცია.

 დევნილთა დასახლებაში (გვიშტიბი) 150 ბავშვზე გათვლილი სკოლამდელი დაწესებულება შენდება, ხოლო სოფელ გეგუთში №11 საბავშვო ბაღის რეაბილიტაცია ხორციელდება.

სამუშაოები იმერეთში სახელმწიფო რწმუნებულმა დაათვალიერა. 

,,ჩვენ, მომავალ თაობას უნდა შევუქმნათ ღირსეული სწავლის პირობები და მათ უნდა მივცეთ საშუალება ისწავლონ კომფორტულ, თანამედროვე სტანდარტების მქონე დაწესებულებებში. რეგიონში, საგანმანათლებლო ინფრასტრუქტურის მიმართულებით შენდება და რეაბილიტაცია უტარდება, როგორც სკოლებს ასევე საბავშვო ბაღებს. დღეს ჩვენ, წყალტუბოში ადგილზე გავეცანით სამუშაო პროცესს და შემიძლია თამამად ვთქვა, რომ აღნიშნული დაწესებულებები სრულად აკმაყოფილებს სტანდარტებს” - ლევან ზალკალიანი.

აღნიშნული პროექტები საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ 5 753 200 ლარით ფინანსდება.

ჭიათურის მუნიციპალიტეტის სოფელ შუქრუთის მოსახლეობა, რომლებიც 186 დღეა უწყვეტ აქციას მართავენ,საქართველოს მთავრობის პირველი პირების განცხადებებს ეხმაურება.ამასთან, აქციის მონაწილეები ყველას მოუწოდებენ,ორშაბათ, 16 სექტემბერს, 19:00 საათზე,სოლიდარობის აქციაში ჩაერთონ და მათ მხარი დაუჭირონ.

,,გვინდა, გამოვეხმაუროთ პარლამენტის თავმჯდომარისა და პრემიერ-მინისტრის მიერ გუშინ გაკეთებულ განცხადებებს ჩვენს პროტესტთან დაკავშირებით. ჭიათურიდან აქ სწორედ იმიტომ ჩამოვედით და რამოდენიმე მონაწილემ პროტესტის უკიდურეს ზომას იმიტომ მიმართა, რომ ცენტრალური ხელისუფლება არ გვისმენეს და ჩვენს თხოვნას ყურად არ იღებს. როგორც იცით, 14 მარტიდან უწყვეტი საპროტესტო აქციას ვმართავთ ჭიათურაში, კოროხნალის და შუქრუთის მაღაროებთან. მთელი ამ 6 თვის განმავლობაში არც ცენტრალური და არც ადგილობრივი ხელისუფლებიდან ჩვენთან არავინ მოსულა. ახლაც, როცა თბილისში, პარლამენტის შენობის წინ ვართ, პარლამენტის თავჯდომარე და მთავრობის მეთაური განცხადებებს ისე აკეთებენ, რომ წარმომადგენელიც კი არ გამოუგზავნიათ ამბის გასაგებად. სამაგიეროდ, იმეორებენ ,,ჯორჯიან მანგანეზის'' მიერ გავრცელებულ ინფორმაციას, რომ თითქოს კომპენსაცია სრულად გვაქვს მიღებული, რაც სიცრუეა და მზად ვართ, ეს დოკუმენტალურად დავამტკიცოთ. ამიტომ, ვითხოვთ, ცენტრალური ხელისუფლების ჩართულობას საკითხის გადაწყვეტის პროცესში. ჩვენ გვაქვს ერთადერთი მოთხოვნა - ,,ჯორჯიან მანგანეზმა'' მიყენებული ზიანი შეაფასებინოს სასამართლო ექსპერტიზის ბიუროს და დაზარალებულ ოჯახებს სამართლიანი კომპენსაცია გადაგვიხადოს. ეს ვალდებულება კომპანიამ იკისრა 2021 წელს, ჩვენთან გაფორმებული მემორანდუმით, რომელიც შემდეგ დაარღვია, არ შეასრულა და იმ თანხებს, რაც მხოლოდ რამდენიმე დაზარალებულ ოჯახს ავანსის სახით ჩაურიცხა, სრულად გაცემულ კომპენსაციას ეძახის. სამწუხაროდ, მოშიმშილეთა ჯანმრთელობის მდგომარეობა ყოველდღიურად მძიმდება. ისინი არ აპირებენ პროტესტის შეწყვეტას სამართლიანი მოთხოვნის. დაკმაყოფილებამდე. მივმართავთ პარლამენტს, მთავრობას, სახალხო დამცველს, მოგვისმინონ და ყველაფერი გააკეთონ ჩვენი უფლებების დასაცავად, რადგან, მიუხედავად იმისა, რომ სრულიად მართლები ვართ, ,,ჯორჯიან მანგანეზი'' იმდენად გავლენიანია, უფლებების დაცვას ვერ ვახერხებთ სასამართლოშიც კი. ამასთან , ყველა იმ ადამიანს, ვინც მხარს უჭერს, რომ ამ ქვეყანაში დაცული იყოს ადამიანის უფლებები და არ ვიჩაგრებოდეთ, ვთხოვთ, ორშაბათს, 16 სექტემბერს, 19:00 საათზე, პარლამენტთან მოვიდნენ სოლიდარობის აქციაზე.,,-სოფელ შუქრუთის მოსახლეობა. 

პირველი სექტემბრიდან აქციის მონაწილეებმა პროტესტის უკიდურეს ფორმას მიმართეს და პირი ამოიკერეს.ამ დროისთვის ხუთი პირამოკერილი ადამიანიდან ღამეს პარლამენტის წინ ათევს.მათი ჯანმრთელობის მდგომარეობა ყოველდღიურად მძიმდება. 

პროექტს:"განხეთქილების დაძლევა ხალხთაშორისი ინიციატივები კონფლიქტის მოგვარებისთვის"- ქალთა ფონდი "სოხუმი" პარტნიორ ორგანიზაციასთან ერთად 5 სამიზნე მუნიციპალიტეტში 4 წელია ახორციელებს.პროექტი პარალელურად მიმდინარეობს აფხაზეთსა და ოსეთში.

 ქუთაისის მოსწავლე-ახალგაზრდობის პარკში ,მშვიდობის საერთაშორისო თარიღთან დაკავშირებით ქართულ-აფხაზური და ოსური ნაციონალური კერძების დღე აღინიშნა.

წარმოდგენილი იყო სხვადასხვა კუთხისთვის დამახასიათებელი სამზარეულო და სოხუმური ყავა.ქალთა და ახალგაზრდული საინიციატივო ჯგუფები,პროექტის ფარგლებში შემუშავებული სამშვიდობო სტრატეგიის მიხედვით,აქტიურად მუშაობენ.

ანალოგიური ღონისძიება ხონში უკვე გაიმართა,სექტემბრის თვეში მსგავსი აქტივობები წყალტუბოში ზუგდიდსა და სენაკშია დაგეგმილი . პროექტის მთავარი მიზანია ქართულ-აფხაზურ და ოსურ საზოგადოებებში მშვიდობიანი ურთიერთობების ხელშეწყობა და სახალხო დიპლომატიის განვითარება.

თითოეულ მათგანს ათობით ათასი ლარის კომპენსაცია აქვს მიღებული კომპანიისგან, - ამის შესახებ პრემიერ-მინისტრმა ირაკლი კობახიძემ შუქრუთის მოსახლეობის პროტესტთან დაკავშირებული კითხვის საპასუხოდ განაცხადა. 

„ჩვენ მოვიძიეთ ინფორმაცია ამ ადამიანებთან დაკავშირებით და ვინც არიან პროტესტის ორგანიზატორები, თითოეულ მათგანს ათობით ათასი ლარის კომპენსაცია აქვთ მიღებული კომპანიისგან, თუ რამე დამატებით არის საჭირო კომპანიისგან, ალბათ მოლაპარაკებები ამასთან დაკავშირებით წარიმართება. ეს არის ის ინფორმაცია, რაც გვაქვს დღემდე. კომპანიის საქმეა მოლაპარაკებების წარმოება“, - განაცხადა ირაკლი კობახიძემ.

პარლამენტის წინ ჭიათურის მუნიციპალიტეტის სოფელ შუქრუთის მოსახლეობის აქცია გრძელდება.5 პირამოკერილი ადამიანიდან დღეს სამი შეუძლოდ გახდა და ექიმების დახმარება დასჭირდა.

შუქრუთის მაცხოვრებლები უწყვეტ აქციას 185 დღეა მართავენ. 

,,მოვითხოვთ ცენტრალური მთავრობის ჩართულობას! ჯორჯიან მანგანეზი ნუ გვინგრევთ სახლებს ნუ გვაქცევთ ლტოლვილებად,,-აცხადებენ ისინი.