ფაშიზმზე გამარჯვების დღესთან დაკავშირებით, ქუთაისის მერმა იოსებ ხახალეიშვილმა, მაჟორიტარმა დეპუტატმა ზაზა ლომინაძემ, ადგილობრივი ხელისუფლების წარმომადგენლებმა გვირგვინებით შეამკეს გმირთა მემორიალი და პატივი მიაგეს მეორე მსოფლიო ომის მონაწილეთა ხსოვნას.

სასულიერო პირებმა ომში დაღუპულებს პარაკლისი გადაუხადეს.

" ფაშიზმზე გამარჯვებიდან 79 წელი გავიდა. გამარჯვების დღეს ვულოცავ ომის ვეტერანებს და განსაკუთრებით იმ სამ ქუთაისელ ვეტერანს, რომლებიც დღესაც ჩვენს გვერდით არიან. მათ საკუთარი წვლილი შეიტანეს ფაშიზმის დამარცხებაში.

მშვიდობა იყოს ჩვენს ქვეყანაში და მთელ მსოფლიოში! დიდება გმირებს!"-განაცხადა იოსებ ხახალეიშვილმა. 

მეორე მსოფლიო ომის მონაწილეები ერთჯერადი ფულადი სოციალური დახმარების სახით 2000 ლარს, ხოლო მეორე მსოფლიო ომში დაღუპულთა ოჯახის წევრები 1000 ლარს მიიღებენ. გადაწყვეტილება საქართველოს მთავრობამ ფაშიზმზე გამარჯვების 79-ე წლისთავთან დაკავშირებით მიიღო.

მეორე მსოფლიო ომის დასრულებიდან 79 წელი  გავიდა.

უდიდესი საერთაშორისო კონფლიქტი 1939-1945 წლებში მიმდინარეობდა და  მას თავისი მასშტაბებით, დაღუპულთა რაოდენობითა და მატერიალური დანახარჯებით ანალოგი არ აქვს მსოფლიო ისტორიაში.

ომში მონაწილეობა მიიღო 61-მა სახელმწიფომ (მთელი მსოფლიოს მოსახლეობის 80%-ზე მეტი), სამხედრო მოქმედებები გავრცელდა 40 სახელმწიფოს ტერიტორიაზე .

მიახლოებითი მონაცემებით, მეორე მსოფლიო ომში დაიღუპა 50 მლნ-ზე მეტი და დასახიჩრდა 28 მლნ. ადამიანი. პირდაპირმა სამხედრო ხარჯებმა შეადგინეს 1384 მილიარდი დოლარი.

1941 წლის 22 ივნისს გერმანია თავს დაესხა სსრ კავშირს (გერმანია-სსრ კავშირის ომი).

1941 წლის 7 დეკემბერს იაპონიის თავდასხმით ფერლ-ჰარბორზე ომში ჩაბმული აღმოჩნდა აშშ. 

საქართველოდან ფრონტზე დაახლოებით 700 ათასი კაცი წავიდა. ეს 40–იან წლებში ქვეყნის მოსახლეობის ერთი მეხუთედი იყო. წასულთაგან კი ნახევარი შინ აღარ დაბრუნებულა.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, 2024 წლის 01 აპრილიდან 30 აპრილის ჩათვლით, უკანონო ტყითსარგებლობის 268 ფაქტი გამოავლინეს. მათ შორის, 218 ხე-ტყის უკანონო მოპოვება-ტრანსპორტირებას ეხება, 50 კი, სახერხი საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია. სამართალდარღვევებიდან 26 ფაქტი სისხლის სამართლის დანაშაულის ნიშნებს შეიცავს.  

უკანონო ტყითსარგებლობის ყველაზე მეტი - 88 ფაქტი გამოვლენილია კახეთში. სამცხე-ჯავახეთში დაფიქსირდა 42 სამართალდარღვევა, სამეგრელო-ზემო სვანეთში - 31, აჭარაში - 30, იმერეთში - 29, გურიაში - 18, შიდა ქართლში - 15, მცხეთა-მთიანეთში - 7, რაჭა-ლეჩხუმი- ქვემო სვანეთში - 5, ქვემო ქართლში - 3. 

ჯამში ამოღებულია უკანონოდ მოპოვებული 157 კუბურ მეტრზე მეტი მოცულობის ხე-ტყე.

ამავე პერიოდში, ქვეყნის მასშტაბით, დალუქულია 16 ერთეული არარეგისტრირებული სახერხი საამქრო. 

მასალები, შემდგომი რეაგირების მიზნით, შესაბამის უწყებებში გადაიგზავნა.

 მიმდინარე წლის პირველ 4 თვეში, დეპარტამენტის თანამშრომლებმა, ქვეყნის მასშტაბით, უკანონო ტყითსარგებლობის 984 ფაქტი გამოავლინეს. 

პირველი ქართული დამოუკიდებელი ტელევიზია ,,რიონი,, 36 წლისაა.,,რიონი,, ბადრი  კაპეტივაძემ ქუთაისში დააფუძნა .მის განვითარებაში უდიდესი წვლილი გიგა კაპეტივაძეს მიუძღვის.ტელეკომპანია უკვე 36 წელია უწყვეტად მაუწყებლობს.არხის გენერალური დირექტორია თამარ ღვინიანიძე.

შპს ტელე-რადიო კომპანია "რიონი" საქართველოში 1989 წელს დაარსებული პირველი კომერციული ტელეკომპანიის სამართალმემკვიდრეა. არსებობის 36 წლის მანძილზე "რიონში" მომზადდა არა ერთი  გადაცემა. ტელევიზაში სხვადასხვა დროს მუშაობდნენ და დღემდე მუშაობენ პროფესიონალი თანამშრომლები.

საინფორმაციო სააგენტო,,აქტორი,, ულოცავს  არებობის 36 წლისთავს ტელევიზიას,თამარ ღვინიანიძეს,ბადრი კაპეტივაძე-უმცროსს,თანამშრომლებს და ყველას,ვისთვისაც ძვირფასია ,,რიონი,,. ,,აქტორის,, სახელით ტელეკომპანიას  წარმატებას და მაღალ რეიტინგს ვუსურვებთ.

ქუთაისში უწყვეტი პროტესტი გრძელდება .მორიგი საპროტესტო მსვლელობა დღეს, 18:00 საათზე იგეგმება . ორგანიზატორების ინფორმაციით, საპროტესტო მსვლელობა ცენტრალური მოედნიდან დაიწყება

გარემოს ეროვნული სააგენტოს ინფორმაციით,6 მაისის დღის ბოლოდან 7 მაისის დღის მეორე ნახევრამდე საქართველოში შენარჩუნებული იქნება წვიმა, აღმოსავლეთ საქართველოში ზოგან ძლიერი, მაღალმთიან რეგიონებში ზოგან შესაძლებელია თოვლი. 

მოსალოდნელმა ნალექებმა საქართველოს მდინარეებზე შესაძლებელია წყლის დონეების მატება, აღმოსავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.