მარტოხელა დედა ორი შვილით და შეზღუდული შესაძლებლობების სტატუსით , რომელიც თვლის რომ ცხოვრებაში დაუძლეველი დაბრკოლება არ არსებობს! გაიცანით 34 წლის ანა ჯუღელი ქუთაისიდან.

მომზადებული ვიდეო ნახეთ ლინკზე- 

https://www.facebook.com/share/r/gGXAWXfz9SJWQC7f/?mibextid=oFDknk

სოფელ შუქრუთის მოსახლეობა პრემიერ-მინისტრთან შეხვედრას ითხოვს.მათ დღეს სპეციალური წერილიც მოამზადეს.

მოშიმშილეები ამბობენ,რომ პრემიერს  არასწორი ინფორმაცია მიაწოდეს და მათ კომპანია ,,ჯორჯიან მანგანეზისგან,, კონპენსაციები არ აუღიათ.

,,გთხოვთ,უახლოეს დღეებში, ვიდრე მათ შორის მოშიმშილეებს გადაადგილება და საუბარი ჯერ კიდევ  შეგვიძლია, შეძლოთ და შეგვხდეთ,რათა მოკლედ მოგაწოდოთ ინფორმაცია და დოკუმენტურად დაგისაბუთოთ,რომ კომპანია გვანგრევს,ჩვენს სიცოცხლეს,ჯანმრთელობას საფრთხეში აგდებს და თავს არიდებს ზარალის სამართლიან შეფასებას და შესაბამისი კონპენსაციების გაცემას,,-წერია ირაკლი კობახიძისთვის გაგზავნილ წერილში.

ჭიათურის მუნიციპალიტეტის სოფელ შუქრუთის მოსახლეობა 13 მარტის შემდეგ უწყვეტ აქციებს მართავს,მათმა ნაწილმა პირველ სექტემბერს შიმშილობა დაიწყო და პირი ამოიკერა,11 სექტემბრის შემდეგ აქციამ თბილისში,პარლამენტის წინ გადმოინაცვლა,სადაც გაფიცულები ათევენ ღამეს.ცენტრალური ხელისუფლებიდან სოფლის მოსახლეობას ამ დრომდე არავინ შეხვედრია.

13 სექტემბერს პრემიერ-მინისტრმა განაცხადა,რომ სოფლის მოსახლეობას ათობით ათასი ლარის კომპენსაცია აქვს მიღებული კომპანიისგან. 

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1998 წელს დაბადებული ბ.ჯ., გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობის ბრალდებით დააკავეს. 

დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 18 სექტემბერს, დიდ დიღომში, ბრალდებულმა ურთიერთშელაპარაკების ნიადაგზე, 1987 წელს დაბადებულ კ.ა.-ს საკუთარ საცხოვრებელ სახლში, ცივი იარაღით მრავლობითი ჭრილობა მიაყენა და შემთხვევის ადგილიდან მიიმალა. 

დაჭრილი კ.ა. მიყენებული დაზიანებების შედეგად ადგილზე გარდაიცვალა. სამართალდამცველებმა ჩატარებული საგამოძიებო მოქმედებების შედეგად, დანაშაულის ჩამდენი პირი ცხელ კვალზე დააკავეს. 

დანაშაულის ჩადენის იარაღი - დანა ნივთმტკიცებადაა ამოღებული.

გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას გულისხმობს.

უახლოეს დღეებში საქართველოში მოსალოდნელია შედარებით გრილი და დროგამოშვებით წვიმიანი ამინდი.

 ქ. თბილისში შესაძლოა მცირე წვიმა და ნისლი აღინიშნოს. ჰაერის ტემპერატურა დღისით +22, +24 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): დროგამოშვებით წვიმიანი ამინდია მოსალოდნელი. ჰაერის ტემპერატურა დღისით +23, +25 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ზოგან გაწვიმდება. ჰაერის ტემპერატურა დღისით +26, +28 დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +20, +24 გრადუსი იქნება. 

დასავლეთ საქართველოს მაღალმთიან რაიონებში (მესტია, ბახმარო): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +17, +19 გრადუსი იქნება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან გაწვიმდება. ჰაერის ტემპერატურა დღისით +22, + 24 გრადუსი იქნება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან მოსალოდნელია ხანმოკლე წვიმა, შესაძლებელია ნისლი. ჰაერის ტემპერატურა დღისით +21, +23 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა, ზოგან შესაძლებელია ნისლი. ჰაერის ტემპერატურა დღისით +15, +20 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა. ჰაერის ტემპერატურა დღისით +12, +17 გრადუსი იქნება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, გადამფრენ ფრინველებზე ნადირობის სეზონის დაწყებიდან მხოლოდ 20 დღეში, უკანონო ნადირობის 104 ფაქტი გამოავლინეს.

უკანონო ნადირობის ყველაზე მეტი - 35 ფაქტი დაფიქსირდა იმერეთში; 31 სამართალდარღვევაა გამოვლენილი სამეგრელო-ზემო სვანეთში, 9 - შიდა ქართლში, 9 - ქვემო ქართლში, 5 - კახეთში, 5 - სამცხე-ჯავახეთში, ასევე 5 - გურიაში, 3 ფაქტი კი, მცხეთა-მთიანეთში დაფიქსირდა.

გარემოსდაცვითი ზედამხედველობის დეპარტამენტის თანამშრომლებმა უკანონო ნადირობის 2 ფაქტი აღკვეთეს ქალაქ თბილისის ადმინისტრაციულ საზღვრებშიც.

გამოვლენილი სამართალდარღვევებიდან 94 აკრძალული იარაღით ან მეთოდით ნადირობის ფაქტებია; 9 შემთხვევაში სამართალდამრღვევები გარემოდან გადამფრენი ფრინველების ამოღებაზე დაწესებული მოსაკრებლის გადახდის გარეშე ნადირობდნენ, 1 კი, ნადირობის წესების დარღვევის ფაქტია. ბრაკონიერებმა უკანონოდ მოინადირეს 27 ერთეული მწყერი.

 ნადირობის სეზონის დაწყებიდან 20 დღეში ამოღებულია 94 ერთეული ფრინველის მოსაზიდი ხელნაკეთი ხმოვანი სიგნალების გამომცემი ელექტრონული მოწყობილობა.

ჭიათურის მუნიციპალიტეტის სოფელ შუქრუთის მოსახლეობა მეჩვიდმეტე დღეა შიმშილობს.ხუთმა ადამიანმა პროტესტის ნიშნად პირი ამოიკერა.  სოფლის მოსახლეობა აქციებს პარლამენტის წინ განაგრძობს.

ერთ-ერთი მოშიმშილის მდგომარეობა შედარებით რთულია,მას სამედიცინო დააწესებულებაში გადაყვანა დაჭირდა.

უწყვეტი აქციის 188-ე დღეს მოთხოვნები უცვლელია.

,,მოვითხოვთ ცენტრალური მთავრობის ჩართულობას. ,,ჯორჯიან მანგანეზი,, ნუ გვინგრევთ სახლებს, ნუ გვაქცევთ ლტოლვილებად,,-აცხადებენ აქციის მონაწილეები.