ქუთაისში პატივი მიაგეს 1989 წლის 9 აპრილის მოვლენების დროს დაღუპული გმირების ხსოვნას.

ადგილობრივი თვითმმართველობის პირველმა პირებმა   9 აპრილის მემორიალი გვირგვინით შეამკეს. დაღუპულთა სულების მოსახსენებელი პანაშვიდი გადაიხადეს სასულიერო პირებმა. 

საქართველოს დამოუკიდებლობის აღდგენის დღესთან დაკავშირებით, ადგილობრივი ხელისუფლების წარმომადგნელებმა ეროვნული გმირის,  მერაბ კოსტავას ძეგლი ყვავილებით შეამკეს და საქართველოს თავისუფლებისთვის დაღუპულთა ხსოვნას პატივი მიაგეს.

ბაღდათის მუნიციპალიტეტის მერმა ნოდარ გიორგიძემ, საკრებულოს თავმჯდომარე გურამ კიკნაველიძემ, მერის მოადგილეებმა და ადგილობრივი თვითმმართველობის წარმომადგენლებმა , ბაღდათსა და როხში 1989 წლის 9 აპრილს დაღუპულ გმირთა მემორიალები ყვავილებით შეამკეს და პატივი მიაგეს მათ ხსოვნას.

ბაღდათის საკათედრო ტაძრის ეზოში წარმოდგენილი იყო, 9 აპრილის ტრაგედიის ამსახველი ფოტო გამოფენა .

1989 წლის 9 აპრილიდან 37 წელი შესრულდა.

1989 წლის 9 აპრილის ტრაგედიიდან 37 წელი შესრულდა.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა.

დარბევის შედეგად 21 ადამიანი დაიღუპა. პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა.

9 აპრილს დაიღუპნენ-

აზა ადამია

ნათია ბაშალეიშვილი

ეკა ბეჟანიშვილი

ნატო გიორგაძე

თამუნა დოლიძე

თინა ენუქიძე

ნინო თოიძე

ზაირა კიკვიძე

მანანა ლოლაძე

თამარ მამულიშვილი

ვენერა მეტრეველი

მამუკა ნოზაძე

ნანა სამარგულიანი

შალვა ქვასროლიაშვილი

მარინა ჭყონია-სამარგულიანი

 ელისო ჭიპაშვილი

 თამარ ჭოველიძე

 ნოდარ ჯანგირაშვილი

მზია ჯინჭარაძე

მანანა მელქაძე

 გია ქარსელაძე 

1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

სოფელ კურსების მცხოვრები, მარიამ ბეროძე სოფლის მოსახლეობისა და გარემოს ეროვნული სააგენტოს გეოლოგების შეხვედრის შესახებ ინფორმაციას ავრცელებს .

,,27-ე დღე კურსების მეწყერიდან, მშრალად.

ადგილობრივი მთავრობის წარმომადგენლები მოვიდნენ, გარემოს ეროვნულ სააგენტოსთან ერთად და გამომწვევ მიზეზებზე გვესაუბრნენ:

1. ტერიტორიის მორფოლოგიური პირობები, გეოლოგიური აგებულება და ტექტონიკა, რაც ხელსაყრელ პირობებს ქმნის ეროზიულ-მეწყრული პროცესების განსავითარებლად.

2. ამგები ქანების ინტენსიური დანაწილება და მათი ჭარბი გაწყლოვანება გრუნტის და ზედაპირული წყლებით. 

3. მეწყერის ჩასახვა-განვითარებაში მნიშვნელოვანი და შესაძლოა, გადამწყვეტი როლი ითამაშა უბნის ჰიდროგეოლოგიურმა პირობებმა. გრუნტის წყლების ძველი და ახალი გამოსვლებია დაფიქსირებული.

4. არ გამორიცხავენ სეისმურ ბიძგებს, და უხვ ნალექს.

სულ ესაა. 

ამის შემდეგ კითხვა-პასუხის რეჟიმზე გადავედით, რომელმაც აბსოლუტურად დაკარგა კონტროლი და განუკითხაობა დაიწყო. მაგრამ მაგასაც ვაჯამებ: 

1. ქუთაისი-ტყიბულის დამაკავშირებელი გზის აღდგენაზე უარია, გარემოს ეროვნულ სააგენტოში ამბობენ, რომ მეწყერი ისევ საშიშია ამ გზაზე და ფიზიკურად, იქ ვერაფერი გაკეთდება.

2. სტიქიის ზონაში 59 სახლიდან 20 დანგრეული, 15 დეფორმირებული, დანარჩენები მნიშვნელოვნად დაზიანებული არაა. თუმცა მეწყერის გააქტიურების რისკი ისევ მაღალია და იქ ცხოვრება არ შეიძლება. 

3. ანაზღაურების ნაწილში სიახლე ისაა, რომ ეკომიგრანტები ვართ, თუმცა ჯერ მუშაობენ ამ საკითხზე და ჯერ არ გადაწყვეტილა, 30 000 ლარს მოგვცემენ თუ რა თანხებზეა საუბარი. 

ჯერჯერობით ყველაზე ბუნდოვანი საკითხი ესაა.

4. დოკუმენტი, რითიც დასტურდება, რომ მე-19 საუკუნეში სოფელი დაცარიელდა 1 ადამიანის ნათქვამია, რომელსაც ანონიმურად ინახავენ. თუმცა დანარჩენი ყველა ოჯახი ამბობს, რომ სოფელი არასდროს დაცარიელებულა.,,-მარიამ ბეროძე.

14 აპრილამდე საქართველოში შენარჩუნებული იქნება დროგამოშვებით ნალექი, ზოგან ძლიერი. შესაძლებელია ელჭექი, ქარის გაძლიერება, მაღალმთიან რაიონებში ზვავსაშიშროება.  

9-10 აპრილის ღამეს ქვეყნის მთიან რაიონებში მოსალოდნელია ჰაერის ტემპერატურის დაკლება -2, -4 გრადუსამდე. უარყოფითმა ტემპერატურამ შესაძლებელია ყვავილობის ფაზაში მყოფი ხეხილის დაზიანება გამოიწვიოს. 

მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო).

აღდგომის ბრწყინვალე დღესასწაულის წინა ოთხშაბათს ტრადიციული რიტუალი - „ჭიაკოკონობა“ იმართება. რიტუალის დროს ცეცხლის დასანთებად, მოსახლეობა სხვადასხვა ტიპის მუნიციპალურ ნარჩენს იყენებს. აღნიშნული ნარჩენების დაწვისას, გამოიყოფა გარემოსა და ადამიანთა ჯანმრთელობისათვის საშიში ტოქსიკური, კანცეროგენული ნივთიერებები და აირები. საფრთხე ექმნება მოსახლეობის, განსაკუთრებით კი, ბავშვების ჯანმრთელობას, რომლებიც აქტიურად მონაწილეობენ ტრადიციულ რიტუალში. 

წლების განმავლობაში გამკაცრებული კონტროლისა და გარემოს დაცვისა და სოფლის მეურნეობის საინფორმაციო კამპანიის შედეგად, განსაკუთრებით დიდ ქალაქებში, იკლებს „ჭიაკოკონობის“ ღამეს სამართალდარღვევათა რაოდენობა. მიუხედავად ამისა, რიგ რეგიონებში ეს ტრადიცია დღემდე გრძელდება. აქედან გამომდინარე, გარემოსდაცვითი ზედამხედველობის დეპარტამენტი მოსახლეობას აფრთხილებს, რომ ნარჩენების მართვის კოდექსის შესაბამისად, ნებისმიერი ტიპის ნარჩენის (მათ შორის, საბურავების, პლასტიკის მასალის, ფოთლების) ღია წესით დაწვა აკრძალულია. 

ნარჩენების მართვის კოდექსის თანახმად, მუნიციპალური არასახიფათო ნარჩენების - ფოთლების, ბაღის/პარკის ნარჩენების, საყოფაცხოვრებო ნარჩენების ღია წესით დაწვა გამოიწვევს დაჯარიმებას 500 ლარის ოდენობით, ხოლო საბურავის, რეზინისა და სხვა ელასტომერული მასალის ღია წესით დაწვის შემთხვევაში, სამართალდამრღვევს 1 500 ლარის ოდენობის ჯარიმის გადახდა მოუწევს.

გარემოსდაცვითი ზედამხედველობის დეპარტამენტი „ჭიაკოკონობის ღამეს“ კონტროლს გაამკაცრებს და თითოეულ სამართალდარღვევაზე შესაბამის რეაგირებას მოახდენს.