21 სექტემბრის დღის მეორე ნახევრამდე დასავლეთ საქართველოში შენარჩუნებული იქნება წვიმა, ზოგან ძლიერი, შესაძლებელია ელჭექი, სეტყვა, ქარის გაძლიერება, ზღვაზე 4-6 ბალამდე შტორმი.  

მოსალოდნელმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანო მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე მაღალი).

ინფორმაციას გარემოს ეროვნული სააგენტო ავრცელებს. 

ხარაგაულში 86 წლის ნანული ეჯიბიძეს ეძებენ.

ხარაგაულელებო მოგმართავთ თხოვნით,, გუშინ დღის 2-3 საათზე, სოფელ ღარიხევში სახლიდან გავიდა და არ დაბრუნებულა ჩემი ბებო, 86 წლის ნანული ეჯიბაძე,, აცვია კაბა ხალათი , თავზე ყავისფერი თავსაფარი, კალოშები,, აქვს გაფანტული სკლეროზი, მაგრამ მეხსიერება უღდგება ხანდახან, ეძებს მთელი სოფელი, პოლიციაც და მუნიციპალიტეტიც, გუშინ ღამე გაათია გარეთ, იმედი გვაქვს ცოცხალს ვიპოვით, თუ ვინმემ დაინახეთ სოფლის გზაზე ან ტყეში გთხოვთ შეგვეხმიანეთ,, 555236436,555128865, 599264532,,-წერს სოციალურ ქსელში დაკარგული მოხუცის შვილიშვილი თიკო გელაშვილი.

ქუთაისში , გალაკტიონ ტაბიძის ქუჩაზე ქვაფენილის საფარი იცვლება. გზების პერიოდული შეკეთების ფარგლებში, ქუჩაზე არსებული ქვაფენილი შეიცვლება ასფალტის საფარით, მოეწყობა ღია ტიპის ღვარსადენი.

ტაბიძის ქუჩის სარეაბილიტაციო სამუშაოები 90 000 ლარის ღირებულებისაა.

გარემოსდაცვითი ზედამხედველობის დეპარტამენტის თანამშრომლებმა ქვიშა- ხრეშის უკანონო მოპოვების 9 ფაქტი გამოავლინეს

სამართალდარღვევები გამოვლენილია იმერეთში - ზესტაფონისა და სამტრედიის მუნიციპალიტეტებში, ქვემო ქართლში - მარნეულის მუნიციპალიტეტში, მცხეთა-მთიანეთში დუშეთის მუნიციპალიტეტში, სამეგრელოში - ჩხოროწყუს მუნიციპალიტეტში, რაჭა-ლეჩხუმში - ონის მუნიციპალიტეტში და კახეთში - ახმეტის მუნიციპალიტეტში. 

სამართალდამრღვევებმა მდინარეების - ყვირილას, რიონის, ხრამის, დებედას, არაგვის, არღუნის, ხობის, ცხენისწყლისა და ალაზნის კალაპოტებიდან, სპეციალური ტექნიკის - ექსკავატორების გამოყენებით, უკანონოდ მოიპოვეს ჯამში დაახლოებით 400 კუბური მეტრი მოცულობის ქვიშა-ხრეში. 

სამართალდამრღვევების მიმართ შედგა შესაბამისი დოკუმენტაცია. იმ ფაქტების საქმის მასალები კი, რომლებიც შეიცავს სისხლის სამართლის დანაშაულის ნიშნებს, შემდგომი რეაგირების მიზნით, შესაბამის საგამოძიებო უწყებებში გადაიგზავნა.

ცენტრალური საარჩევნო კომისიის (ცესკო) თავმჯდომარე საერთაშორისო
ორგანიზაციებისა და საქართველოში აკრედიტებული დიპლომატიური მისიების
წარმომადგენლებს შეხვდა. შეხვედრა გიორგი კალანდარიშვილმა გახსნა და
დეტალურად ისაუბრა მიმდინარე საარჩევნო საკითხებისა და 4 ოქტომბრის
არჩევნებისთვის მზადების პროცესზე. როგორც მან აღნიშნა, საარჩევნო
ადმინისტრაცია აქტიურად ემზადება 2025 წლის 4 ოქტომბრის არჩევნების
საერთაშორისო სტანდარტების შესაბამისად ჩასატარებლად, რომლის
ფარგლებშიც არაერთ მნიშვნელოვან და მასშტაბურ სამუშაოებს ატარებს. მისი
თქმით, საარჩევნო პროცესების გამჭვირვალობა და ანგარიშვალდებულება
ცესკოს საქმიანობის პრინციპულ საფუძველს წარმოადგენს.
„მორიგი სამუშაო შეხვედრა გაიმართა დიპლომატიური მისიებისა და
საერთაშორისო ორგანიზაციების წარმომადგენლებთან, რომლის ფარგლებშიც
მათ მივაწოდეთ დეტალური და ამომწურავი ინფორმაცია 4 ოქტომბრის
არჩევნების სამზადისზე, ასევე განხორციელებული და მიმდინარე მასშტაბური
სამუშაოების შესახებ, რომელიც მიზნად ისახავს აღნიშნული არჩევნების
მაღალპროფესიულ დონეზე ადმინისტრირებას. ჩვენ გვქონდა ინფორმაციის
მიმოცვლის საშუალება დიალოგისა და კითხვა-პასუხის რეჟიმში, რომლის
ფარგლებშიც მათ ამომწურავი და სრულყოფილი ინფორმაცია მივაწოდეთ
მიმდინარე სარჩევნო საკითხებთან დაკავშირებით. ჩვენი მაღალი
ანგარიშვალდებულებიდან, გამჭვირვალე და ღია საქმიანობიდან გამომდინარე,
რა თქმა უნდა, მომავალშიც გაგრძელდება ასეთი ტიპის სამუშაო შეხვედრები,
როგორც საერთაშორისო ორგანიზაციებთან, ასევე სხვა ჩართულ მხარეებთან“,-
აღნიშნა გიორგი კალანდარიშვილმა.
4 ოქტომბრის არჩევნებზე რეგისტრირებული საარჩევნო სუბიექტები,
რეგისტრაციის პროცესი, სადამკვირვებლო და მედია ორგანიზაციები, საარჩევნო
კომისიების დაკომპლექტება და მათი გადამზადება, ამომრჩეველთა
ინფორმირება და ამომრჩევლებისთვის და პარტიებისთვის შეთავაზებული
სიახლეები - ეს ის მცირე ჩამონათვალია, რომელზეც ცესკოს თავმჯდომარემ ასევე
დეტალურად ისაუბრა.
შეხვედრის ფარგლებში გაიმართა აქტიური დისკუსიაც. დიპლომატიური
კორპუსისა და საერთაშორისო ორგანიზაციების წარმომადგენლებმა მათთვის
საინტერესო კითხვებზე პასუხები გიორგი კალანდარიშვილისგან და ცესკოს
თავმჯდომარის მოადგილე გიორგი შარაბიძისგან მიიღეს.

საერთაშორისო ორგანიზაციებისა და საქართველოში აკრედიტებული
დიპლომატიური მისიების წარმომადგენლებთან შეხვედრა დღეს ცესკოში
გაიმართა. აღნიშნული შეხვედრა ცხადყოფს, რომ საარჩევნო
ადმინისტრაციისთვის პრიორიტეტია არა მხოლოდ შიდა პროცესების
ეფექტიანად წარმართვა, არამედ ღია, საერთაშორისო ორგანიზაციებთან
კოორდინირებული თანამშრომლობა. ეს ასევე ადასტურებს ადმინისტრაციის
მზადყოფნას, საარჩევნო პროცესები წარმართოს მაქსიმალურად გამჭვირვალე,
ღია და ინკლუზიური ფორმატით. აღსანიშნავია, რომ მსგავსი ტიპის შეხვედრები
არა მხოლოდ ინფორმაციის მიწოდების საშუალებაა, არამედ უზრუნველყოფს
დიალოგს, უკუკავშირის მიღებასა და თანამშრომლობის გაღრმავებას.
შეხვედრას ცესკოს თავმჯდომარის გარდა ასევე ესწრებოდნენ ცესკოს
თავმჯდომარის მოადგილე გიორგი შარაბიძე, ცესკოს აპარატის/იურიდიული
დეპარტამენტის უფროსი გიორგი სანტურიანი და სპიკერი ნათია იოსელიანი.

ჭიათურაში მაღაროელთა პროტესტი გრძელდება. მათი სახელით სოციალურ ქსელში განცხადება ვრცელდება.

,,საპროტესტო კარვები, რომლებიც დღეს დგას ჭიათურაში, არ არის მხოლოდ ჩვენი ბრძოლა — ეს არის სიმბოლო უკომპრომისო წინააღმდეგობის უსამართლობის წინააღმდეგ. ამ კარვებში ჩვენ ვდგავართ სოლიდარულად ჩვენი ოთხი უსამართლოდ დაკავებული თანამებრძოლის გვერდით. ისინი მარტო არ უნდა დარჩნენ , რადგან მათი ბრძოლა თქვენი ბრძოლაც არის.

გახსოვდეთ: ეს კარვები გამოხატავს არა მხოლოდ ჩვენ, პროტესტს , არამედ იცავს თქვენს სამუშაო ადგილებსაც. სანამ ისინი დგას, თქვენზე რეპრესიები არ დაიწყება. მაგრამ თუ ეს კარვები აიღეს — მაშინვე დაიწყება ზეწოლა თქვენზე , მაშინვე გამოაჩენს კომპანია თავის კლანჭებს და რეალურ სახეს. ახლა კი, მხოლოდ იმიტომ, რომ ეშინიათ , რომ ჩვენთან ერთობაში არ დადგეთ არ შემოგვიერთდეთ , დროებით არ აჩენენ თავიანთ რეალურ სახეს , შედარებით ლოიალურები არიან . თუმცა ამავე დროს, მაინც ბედავენ და არღვევენ თქვენს უფლებებს: 15 რიცხვში დასარიცხი სახელფასო ანაზღაურება არ ჩაგირიცხეს, კუთვნილი საკუთარი ოფლით და ჯაფით გამომუშავებული, ასევე , ჩვენ არ გვაძლევენ კუთვნილ 60%-ს.

ფიქრი გმართებთ, ძმებო და დებო! ჩვენც ისეთივე მშრომელები ვართ, როგორც თქვენ. ჩვენ არ ვიბრძვით პირადი სარგებლისთვის — ჩვენი ბრძოლა არის საერთო, სამართლიანობისთვის. კომპანია ჩვენზე კარგს არასდროს არ იტყვუს , მაგრამ თუ ოდესმე მოისმენთ მათგან შექებას ჩვენი მისამართით, მაშინ შეიტანეთ ეჭვი ჩვენს გულწრფელობაში.

ჩვენ ვითხოვთ სამართლიანობას.ჩვენ ვიბრძოლებთ თქვენთან ერთად.და თქვენზეა დამოკიდებული, ამ ბრძოლაში მარტო დავრჩებით თუ ერთიანი ძალით გავიმარჯვებთ.,,-მაღაროელთა საინიციატივო ჯგუფი.