ბაღდათში ოლიმპიზმის საერთაშორისო დღე აღინიშნა
სპორტი
გადასვლები: 2315

ოლიმპიზმის საერთაშორისო დღე - სახელწოდებით "მოდი ვიმოძრაოთ"  ბაღდათის მუნიციპალიტეტში  სპორტული ღონისძიებებით აღინიშნა.

received 1319794168888083

ბაღდათის სპორტისა და მოზარდთა აქტივობის ცენტრის აღსაზრდელებმა და საჯარო სკოლების
მოსწავლეებმა, გარბენში და ველო მარათონში იასპარეზეს.
გამარჯვებულ მონაწილეებს სიმბოლური საჩუქრები და დიპლომები გადაეცათ.
 

received 618479413718152

ოლიმპიზმის დღე 23 ივნისს 1984 წლიდან აღინიშნება, რომლის მიზანია ყველა თაობის ადამიანი  დაკავდეს სპორტული ცხოვრებით და  ფიზიკური აქტივობით.
 
ქუთაისელმა მკლავჭიდელებმა ევროპის ჩემპიონატზე 3 ოქროს მედალი მოიპოვეს
სპორტი
გადასვლები: 1038

ქუთაისელმა მკლავჭიდელებმა ევროპის ჩემპიონატზე 3 ოქროს, 4 ვერცხლის და 4 ბრინჯაოს მედალი მოიპოვეს. 

 
მკლავჭიდში ევროპის ჩემპიონატი  9 ივნისიდან 19 ივნისის ჩათვლით მოლდოვის დედაქალაქ კიშინოვში ჩატარდა. 
 
ქუთაისელი მკლავჭიდელები ევროპის ჩემპიონატზე 11 სპორტსმენით იყვნენ წარმოდგენილი და საერთო ჯამში 11 მედალი მოიპოვეს.
 
მამაკაცთა შორის, დიდებში ვერცხლის მედალს დაეუფლა
ირაკლი გამთენაძე (90 კგ). 
 
დიდებში ბრინჯაოს პრიზიორები გახდნენ გიორგი კვასტიანი  55 კგ. და ანზორ ბროკიშვილი  ( 75 კგ.) 
 
23 წლამდელთა შორის ევროპის ჩემპიონები გახდნენ: 
 
ნოდარი ბოჯგუა 70 კგ. ( მარცხენა) და 
ავთანდილ თუთბერიძე  85 კგ. ( მარცხენა). 
თუთბერიძემ ოქროსთან ერთად ბრინჯაოს მედალიც მოიპოვა (მარჯვენა ხელით).
 
23 წლამდელებში 
ბრინჯაოს მედალს დაეუფლა: 
ბილალ კოჯაევი  55 კგ.  ( მარჯვენა)
 
პარა მკლავჭიდში ევროპის ჩემპიონი გახდა ვახტანგ ახობაძე (დიდები 60 კგ.). 
🥈ორი ვერცხლის მედალი მოიპოვა რევაზ თევდორაძემ (დიდები,  70  კგ. მარჯვენა და მარცხენა), ერთი ვერცხლი კი რევი თუთისანის ანგარიშზეა ( +100 კგ. მარცხენა).
 
  საქართველოს ნაკრებმა ევროპის ჩემპიონატზე პირველი ადგილი დაიკავა როგორც დიდებში (მამაკაცთა შორის), ასევე ქალებში, 18 წლამდე, 23 წლამდე ჩემპიონატებსა და პარა მკლავჭიდში. 
ევროპის ჩემპიონატზე მოპოვებული  მედლების საერთო ჯამით კი მეორე ადგილზე გავიდა.
ფეხბურთში 21-წლამდელთა ევროპის ჩემპიონატის პირველი თამაში ქუთაისში ხვალ გაიმართება
სპორტი
გადასვლები: 978

დღეიდან საქართველო და რუმინეთი ფეხბურთშიუეფას 21-წლამდელთა  ევროპის ჩემპიონატს მასპინძლობს .
თამაშები 21 ივნისიდან 8 ივლისის ჩათვლით,  თბილისში, ქუთაისსა და ბათუმში გაიმართება. ქუთაისის შენგელიას სახელობის სტადიონი ხვალ გერმანია-ისრაელის,25 ივნისს ინგლისი-ისრაელის,ხოლო 28 ივნისს ისრაელი-ჩეხეთის თამაშებს უმასპინძლებს.
 
ჯგუფური ეტაპის შეხვედრებთან ერთად  ევროპის ჩემპიონატის ორი მეოთხედფინალი, ნახევარფინალი და ფინალი  ბათუმი არენაზე შედგება. 
 
რაც შეეხება საქართველოს ნაკრების მატჩებს ჯგუფურ ეტაპზე,პირველი შეხვედრა დღეს,21 ივნისს გაიმართება. საქართველო - პორტუგალია  20:00 საათზე დაიწყება.
 24 ივნისს, ერთმანეთს საქართველო - ბელგია ,ხოლო 27 ივნისი ნიდერლანდები - საქართველო შეხვდება. მატჩები 20:00 საათზე დაიწყება. 
 
საქართველოს ახალგაზრდული ნაკრები 21-წლამდე ევროპის ჩემპიონატზე ისტორიაში პირველად ითამაშებს.  გუნდი A ჯგუფში იასპარეზებს.
 
უეფას 21-წლამდე ევროპის ჩემპიონატისთვის მზადების ფარგლებში, სრული რეაბილიტაცია ჩაუტარდა: თბილისის მესხის და პაიჭაძის სტადიონებს, ქუთაისის შენგელიას არენას და საწვრთნელ სტადიონებს თბილისში, წყალტუბოში, ქობულეთსა და ბათუმში.
სტადიონების სარეაბილიტაციო და სამშენებლო სამუშაოები რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა შეასრულა, რისთვისაც 100 მილიონი ლარი საქართველოს მთავრობამ გამოყო. სამუშაოები უეფას ჩართულობითა და მონიტორინგით მიმდინარეობდა.
 
 
 
ქუთაისელი მოფარიკავე სანდრო ბაზაძე ევროპის ჩემპიონია
სპორტი
გადასვლები: 1190

სანდრო ბაზაძე ევროპის ორგზის ჩემპიონია.

ისე, როგორც გასული წლის 17 ივნისს ანტალიაში, სანდრო ბაზაძე წლევანდელ 17 ივნისსაც  კონტინენტის საუკეთესო მოფარიკავის ტიტულს დაეუფლა. 
მან გადამწყვეტ შეხვედრაში უნგრელი ანდრაშ სატმარი 15-11 დაამარცხა.
 FIE-ს რეიტინგის N1 ხმლით მოფარიკავე,  გასული სეზონიდან მოყოლებული ზედიზედ მეთორმეტე პრესტიჟულ ტურნირზე (მსოფლიო ჩემპიონატი, ევროპის ჩემპიონატი, გრან-პრი, მსოფლიო თასი) საუკეთესო სამეულშია.
ბაღდათში შეზღუდული შესაძლებლობის მქონე პირთა უფლებების დაცვის დღე აღინიშნა
სპორტი
გადასვლები: 2315

ამ დღესთან დაკავშირებით,მუნიციპალიტეტში მცხოვრებმა შშმ პირებმა, სპორტის სხვადასხვა სახეობებში იასპარეზეს. გამარჯვებულ მონაწილეებს პრიზები გადაეცათ.

შშმ პირებთა უფლებების დაცვის დღეს მიეძღვნა კონცერტი ადგილობრივი შემსრულებლების მონაწილეობით. 
 
შ.შ.მ. პირთა უფლებების დაცვის დღისადმი მიძღვნილ  ღონისძიებეს, ბაღდათის მუნიციპალიტეტის მერის პირველი მოადგილე დავით სილაგაძე.  მერის მოადგილე მერაბ ზირაქაძე, საკრებულოს თავმჯდომარე ნოდარ გიორგიძე და თვითმმართველობის წარმომადგენლები დაესწრნენ.
 
შშმ პირთა უფლებების დაცვის დღე, ბაღდათში მერიის  და ა.ა.ი.პ. ხელოვნებისა და კულტურის განვითარების ცენტრის მხარდაჭერით განხორციელდა.
ქუთაისელი ანასტასია კირთაძე სწრაფ ჭადრაკში მსოფლიოს ჩემპიონია
სპორტი
გადასვლები: 768

ქუთაისელი ანასტასია კირთაძე 14 წლამდე ასაკის მოჭადრაკეთა შორის მსოფლიოს ჩემპიონია.

ქართველი მოჭადრაკე ანასტასია კირთაძე ბათუმში მიმდინარე 14 წლამდე ასაკის მოჭადრაკეთა მსოფლიოს ჩემპიონატის გამარჯვებულია.
 
მან სწრაფ ჭადრაკში მსოფლიოს ჩემპიონის ტიტული ნაადრევად, ჩემპიონატის დასრულებამდე ერთი ტურით ადრე მოიპოვა.
 
 აღსანიშნავია, რომ ანასტასია კირთაძე ასევე არის მსოფლიოს 15-წლამდელთა ჩემპიონატის გამარჯვებული.
  1. ქუთაისი ფეხბურთში ევროპის 21 წლამდელთა ჩემპიონატისთვის ემზადება
  2. ქუთაისელი სპორტსმენი სანდრო ბაზაძე მადრიდის მსოფლიო თასის გამარჯვებულია
  3. სასკოლო სპორტული ოლიმპიადის ფინალურ შეხვედრებში ქუთაისის სამი სკოლა მონაწილეობს
  4. ქუთაისში გაიხსნა დარბაზი,სადაც ხელოვნური საცოცი კედელი მოეწყო
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search