ქუთაისში,  ჯომარდობის ხელშეწყობის მიზნით,  სპორტული ინფრასტრუქტურის მშენებლობა დაიწყო.  ჯომარდობის გამშვები ბაზა მოეწყობა ლესელიძის ქუჩაზე, მიმღები ბაზა კი  - დავით აღმაშენებლის გამზირზე არსებული საავტომობილო ხიდის მიმდებარედ,   მდინარე რიონის მარჯვენა სანაპიროზე . გამშვები ბაზა განკუთვნილია მდინარეზე საჯომარდო ნავების დაშვების დასაწყებად, ხოლო მიმღები ბაზა- დაშვების დასრულებისთვის.

საქართველოს ხელბურთელ ვაჟთა XXXII ეროვნულ ჩემპიონატში 10 გუნდი მონაწილეობდა. გუნდები  ორ ჯგუფად იყვნენ გაყოფილი და  ეროვნულ ჩემპიონატში მონაწილეობას  ორ-ორი ტურში იღებდნენ, რის შედეგადაც ქუთაისის  გუნდი ჩემპიონი გახდა.

ქართულ ჭიდაობაში საქართველოს ჩემპიონატის ქუთაისელ გამარჯვებულებს ა(ა)იპ ქუთაისის სპორტულ დაწესებულებათა გაერთიანების მმართველი კობა ფხაკაძე შეხვდა.

27 მაისს, თბილისში,  საქართველოს პარალიმპიური კომიტეტის, საქართველოს კულტურის, სპორტის და ახალგაზრდობის სამინისტროს და საქართველოს ბოჩას ფედერაციის ორგანიზებით ჩატარდა საქართველოს პირველი ჩემპიონატი ბოჩაში, სადაც მონაწილეობა მიიღეს პარასპორტსმენებმა თბილისის, გორის, ქუთაისის და ბაღდათის კლუბებიდან.