ქუთაისში ჩატარდა საქართველოს ჩემპიონატის III ეტაპი დრიფტში, სადაც 30-მდე პროფესიონალი დრიფტერი მონაწილეობდა.
დრიფტერებმა საზოგადოებას სანახაობრივი რბოლა და მანევრები შესთავაზეს.
ჩემპიონატის გამარჯვებული მევლუდ მელაძე გახდა, მეორე ადგილი ირაკლი შალიკაშვილმა, ხოლო მესამე ვახო ხურციძემ დაიკავა.
პირველი ადგილის მფლობელს თასი იმერეთში სახელმწიფო რწმუნებულმა ზვიად შალამბერიძემ გადასცა.
ჩემპიონატი 15-16 ივლისს BMW Club Georgia-ს ორგანიზებით და ქუთაისის მუნიციპალიტეტის მერიის მხარდაჭერით, ასევე საქართველოს კულტურის, სპორტისა და ახალგაზრდობის სამინისტროს თანადგომით და საქართველოს საავტომობილო სპორტის ფედერაციის მიერ ჩატარდა.
ღონისძიების მიზანია აღკვეთოს ქუჩის სახიფათო რბოლები და ახალგაზრდები მოიზიდოს უსაფრთხო შეჯიბრებზე საასპარეზოდ.
