ერთობის ჯაჭვი საქართველოსთვის,, ქუთაისში 28 დეკემბერს,15 :00 საათზე გაიმართება. 

ჯაჭვის მარშუტი შემდეგია-შოთა რუსთაველის ხიდის დასაწყისი,შოთა რუსთაველის ხიდი,გალაკტიონის მუზა,წითელი ხიდი.

ქუთაისში ნაძვის ხე პროტესტის ფონზე აინთო.

მთელი დღის განმავლობაში, ნაძვის ხის ირგვლივ,საპროტესტო აქციის მონაწილეები იყვნენ შეკრებილი.ისინი ამ წუთებშიც, ადგილზე არიან .

პარალელურად, კი ქალაქის ცენტრალურ მოედანზე საახალწლო ღონისძიებები იმართებოდა.

ნაძვის ხის საზეიმოდ ანთებამდე შეკრებილებს ქუთაისის მერის მოვალეობის შემსრულებელმა დავით ერემეიშვილმა  და ქუთაისის დელეგატმა პარლამენტში,ზაზა ლომინაძემ მიმართეს. 

მათი სიტყვით გამოსვლის პარალელურად, აქციის მონაწილეები საყვირებით გამოხატავდნენ პროტესტს.

მერიის მიერ ორგანიზებული საღამო მსახიობი მაკა შალიკაშვილს მიჰყავს.

ცენტრალურ მოედანზე მობილიზებულია პოლიცია.

ცენტრალურ მოედანზე ახლა საზეიმო კონცერტი მიმდინარეობს. 

გუშინ აქციის მონაწილეებმა ქუთაისის მერიას მიმართეს განაცხადებით,ნაძვის ხე საზეიმო ღონისძიების გარეშე აენთოთ,თუმცა ადგილობრივმა ხელისუფლებამ მათი პოზიცია არ გაითვალისწინა. 

ფოტო (სქრინი)-ტელეკომპანია ,,მეგატვ-ის,, ფეისბუქ-ლაივიდან

თბილისში ქუთაისელების მარში იწყება.

მსვლელობა რეზო გაბრიაძის თეატრიდან პარლამენტის შენობამდე გაიმართება.

დედაქალაქში აქციაში მონაწილეობის მისაღებად ქუთაისიდან დღეს დილით გაემგზავრნენ.

 ფოტო-არჩილ გეგენავა

ქუთაისში საპროტესტო აქცია იმართება.მოქალაქეები თბილისში, აქციების და დაკავებების დროს  ნაცემი ადამიანების ფოტოებით, ნაძვის ხესთან მდუმარე აქციას მართავენ.

შეგახსენებთ, დღეს ქუთაისის  მერია 19:00 საათზე ნაძვის ხის საზეიმოდ ანთებას გეგმავს.

საპროტესტო აქციების საორგანიზაციო ჯგუფმა გუშინ განცხადება გაავრცელა და ადგილობრივ თვითმმართველობას მოუწოდა,ნაძვის ხე ღონისძიების გარეშე აენთოთ.

ხვალიდან, 21 დეკემბრიდან, ქუთაისში საახალწლო ღონისძიებები გაიმართება. ქალაქის ცენტრალურ მოედანზე გაიხსნება საახალწლო ბაზრობა და მოეწყობა გასართობი სივრცეები ბავშვებისთვის. ღონისძიებების გამო, რამდენიმე ლოკაციაზე დროებით შეიზღუდება ტრანსპორტის მოძრაობა. 

ინფორმაციას ქუთაისის მუნიციპალიტეტის მერია ავრცელებს. 

განცხადების მიხედვით,სატრანსპორტო საშუალებათა მოძრაობა და პარკირება სრულად შეიზღუდება ვერიკო ანჯაფარიძის სკვერის მიმდებარედ (ცისფერყანწელების და გრიშაშვილის ქუჩებზე) 10:00 საათიდან ღონისძიებების დასრულებამდე.

დავით აღმაშენებლის მოედანზე (გელათის ქუჩის დასაწყისი, ,,მაკდონალდსის“, მესხიშვილის დრამატული თეატრის და შადრევნის მიმდებარე ტერიტორია) შეიზღუდება მოძრაობა და ნაწილობრივ პარკირება, სცენის მონტაჟისა და დემონტაჟისთვის.

10 :00 საათიდან, სრულად შეიზღუდება სატრანსპორტო საშუალებათა მოძრაობა და პარკირება დავით აღმაშენებლის მოედანზე, ღონისძიებების დასრულებამდე.

შესაბამისად, შეიცვლება მუნიციპალური ტრანსპორტის მოძრაობის სქემა და ავტობუსები იმოძრავებენ შემდეგი სვლა-გეზებით :

N⁰1L ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰3 ავტობუსი, თამარ მეფის ქუჩით იმოძრავებს კინო ‘’საქართველომდე’’ და შემდეგ, წერეთლის ქუჩით განაგრძობს მოძრაობას სადგურ ‘’რიონის’’ მიმართულებით.

N⁰4 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰5 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰41 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰113 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩებზე. აღნიშნული სვლაგეზის დანარჩენი მონაკვეთები უცვლელი რჩება.

N⁰6 ავტობუსი, ნაცვლად აღმაშენებლის მოედნისა, იმოძრავებს დავით და კონსტანტინეს ქუჩის გავლით , ვარლამიშვილის მოედანზე. სვლაგეზის დანარჩენი მონაკვეთები უცვლელი რჩება.

N⁰19 ავტობუსი, ნაცვლად აღმაშენებლის მოედნისა, იმოძრავებს მარი ბროსეს ქუჩის გავლით, ფალიაშვილის ქუჩაზე. სვლაგეზის დანარჩენი მონაკვეთები უცვლელი რჩება.

N⁰141 ავტობუსი, იმოძრავებს კინო ‘’საქართველოდან’’ ავტოსადგურისაკენ. სვლაგეზის დანარჩენი მონაკვეთები უცვლელი რჩება.

ფოტო-ქუთაისის მუნიციპალიტეტის მერია (არქივი)

სოციალურ ქსელში განცხადება ვრცელდება,რომლის ტექსტთან საინფორმაციო სააგენტო ,,აქტორი,, უცვლელად გთავაზობთ.

,,ქუთაისის მუნიციპალიტეტის მერიამ, ქვეყანაში მიმდინარე რთული პოლიტიკური, კონსტიტუციური და მოსალოდნელი ეკონომიკური კრიზისების ფონზე, 21 დეკემბერს ქალაქში ნაძვის ხის საზეიმო ანთება დაანონსა. 

ეს მაშინ როცა, დედაქალაქში რეპრესიების, ძალადობის და არაადამიანური მოპყრობის შედეგად 500-მდე ადამიანია დაშავებული. 

მოვუწოდებთ ქუთაისის მუნიციპალიტეტის მერიას, იხელმძღვანელოს თბილისის მერიის გადაწყვეტილებით და ღონისძიებების გარეშე გაანათოს ნაძვის ხე. 

ვინაიდან ცენტრალური მოედანი ახლოსაა ქუთაისის მერიის შენობასთან, სადაც ყოველდღე, უწყვეტად, რეჟიმის წინააღმდეგ პროტესტის გამო იკრიბება ადამიანები, ქუთაისის მუნიციპალიტეტის მერიის გადაწყვეტილება საზეიმო ვითარებაში აანთოს ნაძვის ხე, აღქმული იქნება პროვოკაციად, რომელიც საზოგადოების გაღიზიანებას ისახავს მიზნად. 

მოვითხოვთ აანთოთ ნაძვის ხე ღონისძიების გამართვის გარეშე.,,-წერია განცხადებაში.