ქუთაისის ცენტრალური არქივის შექმნიდან 100 წელი შესრულდა. 

საქართველოს იუსტიციის სამინისტროს ეროვნული არქივის სისტემაში შემავალი ქუთაისის ცენტრალური არქივი 1925 წელს დაარსდა. აქ დაცულია XVII-XXI საუკუნეების დოკუმენტები, რომლებიც დასავლეთ საქართველოს ტერიტორიაზე მოქმედი ორგანიზაციების საქმიანობასა და იქ მოღვაწე გამოჩენილი ადამიანების ცხოვრებასა და მოღვაწეობას ასახავს. არქივის ფონდებში დაცულია იმერეთის მეფეების გაცემული ისტორიული საბუთები, ქუთათელ-გაენათელი მიტროპოლიტების წყალობის წიგნები, მოსახლეობის აღწერის მასალები; ილია ჭავჭავაძის, აკაკი წერეთლის, კონსტანტინე გამსახურდიას, გრიგოლ რობაქიძის, გალაკტიონ ტაბიძის, გაბრიელ ქიქოძისა და სხვათა ავტოგრაფები. ქუთაისის, ბათუმის, ფოთის – გეგმები, სხვადასხვა ისტორიული შენობის პროექტები.

საიუბილეო ღონისძიებას საქართველოს იუსტიციის მინისტრი პაატა სალია, იმერეთში სახელმწიფო რწმუნებული ლევან ზალკალიანი, ქუთაისის მერის მოვალეობის შემსრულებელი დავით ერემეიშვილი, ადგილობრივი ხელისუფლების წევრები, იუსტიციის მინისტრის მოადგილეები, ეროვნული არქივის გენერალური დირექტორი თეონა იაშვილი და სხვა მოწვეული სტუმრები დაესწრნენ. 

საიუბილეოდ მომზადდა გამოფენა და გამოიცა წიგნი, რომელიც ქუთაისის ცენტრალურ არქივში დაცულ მრავალფეროვან და საინტერესო საარქივო მასალას წარმოაჩენს. 

აღსანიშნავია, რომ 2017 წლიდან ქუთაისის ცენტრალურ არქივს ახალი შენობა აქვს. თანამედროვე სტანდარტების საცავებში ინახება ქუთაისის, წყალტუბოს, სამტრედის, ონის, ამბროლაურის, ცაგერის, ლენტეხის, ხონის, ვანის, ბაღდათის, საჩხერის, ჭიათურისა და ტყიბულის საარქივო საქმეები. სულ დაცულია 4334 ფონდის 905 432 შესანახი ერთეული.

საქართველოს განათლების, მეცნიერებისა და ახალგაზრდობის მინისტრის მოადგილე ბაია კვიციანი ახალი სასწავლო წლის დაწყების დღეს იმერეთის რეგიონს ესტუმრა, სადაც ტყიბულის მუნიციპალიტეტის სოფელ გურნას ახლად რეაბილიტირებული საჯარო სკოლა გახსნა და ქალაქ ხონის სრულად რეაბილიტირებული პირველი საჯარო სკოლა დაათვალიერა.

მინისტრის მოადგილემ სოფელ გურნას და ქალაქ ხონის პირველი საჯარო სკოლების მოსწავლეებს, მასწავლებლებსა და მშობლებს განახლებულ გარემოში სწავლის გაგრძელება მიულოცა და წარმატებული სასწავლო წელი უსურვა.

სოფელ გურნას საჯარო სკოლაში ჩატარებული ინფრასტრუქტურული სამუშაოების შედეგად შენობა სრულად განახლდა და ადაპტირდა სპეციალური საგანმანათლებლო საჭიროების მქონე მოსწავლეებისთვის. მოეწყო ლიფტი, ადაპტირებული სანიტარული კვანძები და პანდუსი. ასევე, საბუნებისმეტყველო და კომპიუტერული ლაბორატორიები, სპორტული დარბაზი, ბიბლიოთეკა, სასადილო, რესურს ოთახი და ექიმის კაბინეტი. ამასთან, სკოლა სრულად აღიჭურვა ყველა შესაბამისი სასწავლო რესურსით.

სოფელ გურნას საჯარო სკოლის სარეაბილიტაციო სამუშაოების ღირებულება 6 252 344 ლარს შეადგენს.

ბაია კვიციანი ასევე ეწვია ქალაქ ხონის მესამე საჯარო სკოლას, სადაც 2025-2026 სასწავლო წლიდან დაინერგა ეროვნულ სასწავლო გეგმასთან ინტეგრირებული პროფესიული საგანმანათლებლო პროგრამა – „Front-end დეველოპმენტი“. ინტეგრირებული პროფესიული საგანმანათლებლო პროგრამის მიზანია Front-end დეველოპმენტის მიმართულებით უზრუნველყოს, როგორც ადგილობრივ, ასევე საერთაშორისო ბაზარზე კონკურენტუნარიანი კადრების მომზადება, რომლებიც შეძლებენ თანამედროვე ტექნოლოგიების გამოყენებით შექმნან მომხმარებლის ინტერაქტიური და ვიზუალურად გამართული ვებგვერდის ინტერფეისი, განახორციელონ ვებგვერდის ოპტიმიზაცია და ვებპროექტის ვერსიების კონტროლი.

ქუთაისში საბავშვო ბაგა-ბაღებსა და სკოლებში ახალი სასწავლო წელი დაიწყო.

 საქართველოს სკოლებში, პირველ კლასში 47 630 მოსწავლე დარეგისტრირდა.

სასწავლო-აღმზრდელობითი მუშაობა ქუთაისის 34-მა საბავშვო ბაგა-ბაღმა განაახლა.

ბაღდათის მუნიციპალიტეტის საჯარო სკოლებში, დღეს ახალი სასწავლო წელი დაიწყო.

თვითმმართველობის წარმომადგენლები დიმის N1 და როხის საჯარო სკოლებს ესტუმრნენ.

სასწავლო წლის დაწყება მოსწავლეებს, პედაგოგებს და მშობლებს, ბაღდათის მუნიციპალიტეტის მერის მოადგილემ მერაბ ზირაქაძემ, მერიის კულტურის სამსხურის ხელმძღვანელმა მინდია კიკნაველიძემ და საკრებულოს დეპუტატებმა მიულოცეს.

2025-2026 სასწავლო წელს ბაღდათის მუნიციპალიტეტში 167 პირველკლასელია, რომლებსაც საჩუქრად წიგნებთან ერად, კომპიუტერები გადაეცათ.

ბაღდათის მუნიციპალიტეტის საჯარო სკოლებში, სასკოლო ინფრასტრუქტურის რეაბილიტაცია აქტიურად მიმდინარეობს, მალე მუნიციპალიტეტს ორი რეაბილიტირებული სკოლა ექნება, როკითის და ქალა ბაღდათის N1საჯარო სკოლა. ეზოს კეთილმოწყობა, საკლასო ოთახების და სპორტ დარბაზის რეაბილიტაცია კი როხის საჯარო სკოლაში განხორციელდება.

შინაგან საქმეთა სამინისტროს თბილისის, ცენტრალური კრიმინალური პოლიციის, საპატრულო პოლიციის, აჭარის პოლიციის, იმერეთის პოლიციის, სამეგრელო-ზემო სვანეთის პოლიციის დეპარტამენტების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისსა და რეგიონებში უკანონო ცეცხლსასროლი იარაღები, ასევე, საბრძოლო მასალა ამოიღეს და 7 პირი დააკავეს. 

დანაშაული 7 წლამდე ვადით თავისუფლების აღკვეთას ითვალისწინებს. 

სამართალდამცველებმა ბრალდებულების პირადი, ავტომობილების და საცხოვრებელი სახლების ჩხრეკის შედეგად, ნივთმტკიცებად ამოიღეს, სხვადასხვა სახის ცეცხლსასროლი იარაღი, მათ შორის რევოლვერები და პისტოლეტები, ხელყუმბარა, საბრძოლო ვაზნები და მჭიდები.

ცეცხლსასროლი იარაღებისა და საბრძოლო მასალის უკანონო შეძენა-შენახვის ფაქტებზე გამოძიება სისხლის სამართლის კოდექსის 236-ე მუხლით მიმდინარეობს.