სოფელ წითელხევის მოსახლეობას მდინარე კორისწყალზე სრულიად რეაბილიტირებული ხიდი ზაფხულის ბოლოს ექნება.

ჟურნალისტ ბუბა ჩივაძის მხარდასაჭერად დღეს ქუთაისის მერიის წინ აქცია გაიმართა.აქციაზე მედიის წარმომადგენლები შეიკრიბნენ და ბუბა ჩივაძეს მხარდაჭერა გამოუცხადეს.

,, მერიის შენობიდან ჟურნალისტის მსგავსი ფორმით გამოძევების ფაქტი არ მახსენდება. თუ ჟურნალისტი იქცეოდა არასწორად ,შენობის დაცვის სამსახურს, მითუმეტეს დამატებით მობილიზებულ ძალებს შეეძლოთ მისთვის მიეთითებინათ და ეს არ მომხდარიყო იმგვარად , როგორც კადრებში ვნახეთ. ეს იყო ძალის დემონსტრირება და არა კანონის აღსრულება.“-განაცხადა აქციის მონაწილემ, ჟურნალისტმა თათა კაჭკაჭიშვილმა.

 ქუთაისის მერიის მედიასთან და საზოგადოებასთან ურთიერთობის გაყოფილების ხელმძღვანელი განმარტავს, რომ ადგილობრივი თვითმმართველობის შენობაში,გადაადგილება მხოლოდ საშვით არის შესაძლებელი. თეონა გიორგაძის თქმით, მალე მზად იქნება მედია-ცენტრი,სადაც ჟურნალისტებს შეუძლიათ იმუშაონ ნებისმიერ დროს, მთ შორის შაბათ-კვირასაც.

გიორგაძის მიერ მოწოდებული ინფორმაციით, ქალაქის მერი თბილისშია და ჩამოსვლისთანავე მედიას ყველა კითხვაზე გასცემს პასუხს.

 ,,ნებისმიერ ჟურნალისტს შეგიძლიათ დარეკოთ, საშვი ამოიწეროთ და გადადგილდეთ ისე როგორც ნებისმიერ სახელმწიფო უწყებაში.საშვის გარეშე არც ერთ უწყებაში არ არის გაადგილება დასაშვები. არ გეზღუდებათ გადადგილება, შეგიძლიათ საშვის ამოწერის შემდეგ ამოხვიდეთ, გააშუქოთ ნებისმიერი ამბავი და მიიღოთ ინფორმაცია.,,-ამბობს თეონა გიორგაძე

ჟურნალისტი ბუბა ჩივაძე დღეს მედიასთან გაცხადებას აკეთებს, მის თქმით, ის მუშაობდა საგამოძიებო მასალაზე, რომელიც მისი თქმით ქუტაისის მერის ცოლს და ცოლის დაქალებს ეხება.ჩივაძე ამბობს რომ აქვს დამადასტურებელი ჩანაწერები, რომლის გასაჯაროებასაც აპირებს,ჟურნალისტი ამბობს, რომ მას პერსონალური ინსპექტორი დაუკავშირდა.

 ,,ქუთაისის მერი არის ჩვეულებრივი მშშარა, ის იმყოფებოდა გუშინ შენობაში, მელოდებოდა, მას შემდეგ რაც ჟურნალისტები ჩემთან ერთად შემოდით, საპირფარეშოში დაიმალა,ქუთაისს დღეს ქალაქის მერი არ მართავს, მართავს მერის ცოლი,ცოლის დაქალები სიდედრი, დედა ...

მერმა იცოდა, რომ მზადდებოდა მასალა, რომელიც ეხება მის ცოლს, და დაქალებს , ეს ეხება ერთ ერთ სამსახურს, კონკრეტულად ესაუბრებიან დასაქმებულს, რომ არ მიეკაროს და არ გაესაუბროს ზოგიერთ ტელევიზიას, მთავარს, ტვ პირველს, ეს ქალბატონი, რომელიც არის ორსული , არის ძალიან ცუდად და ეს ჩანაწერები მაქვს მე.

არ არსებობს არც ერთი ნორმატიული აქტი, რომელიც ჟურნალისტს უკრძალავს მერიაში გადაადგილებას, არ ვიყავით ინფორმირებული ამ სიახლის შესახებ არც მე და არც ერთი ჟურნალისტი.,,-აცხადებს ჟურნალისტი.

 ბუბა ჩივაძე  პოლიციას არაადეკვატური ძალის გამოყენებაში  დებს ბრალს და ამბობს, რომ მას ცუდად ექცეოდა პოლიცია.

,,საპატრულო რომ გადასცემს ,რომ მესაჭიროება სამედიცინო დახმარება,  ხელმძღვანელობა პასუხობს-დააყოვნეთ.ბოლოს ძალიან ცუდად რომ ვიყავი, უფროსობა ეუბნება პოლიციელს-ჩაასხით პირში ნიშადური. ეს გააკეთა პოლიციელმა ლანჩავამ,რომელიც არის მოძალადე.მე წამართვეს ტელეფონი, მაგრამ სამოსში ჩამოტანჟებული მქონდა სპეციალური აპარატურა, და ყველაფერი მაქვს ჩაწერილი,,-ამბობს ბუბა ჩივაძე.

ქუთაისის საკრებულოს ფრაქცია,,ერთიანი ნაციონალური მოძრაობის,, თავმჯდომარე გუშინ ქუთაისის მერიაში გუშინ მომხდარ ფაქტს ეხმაურება. გიგა შუშანია ფაქტს აფასებს როგორც ჟურნალისტის უფლების შეზღუდვას.შუშანია  გამოძიების  დაწყებას ითხოვს.

,,გუშინ ქუთაისის მერიაში მოხდა ძალიან სამარცხვინო ფაქტი , მაშინ როცა ქუთაისის მერი გვერდით ოთახში იმალებოდა ,ფიზიკური დაზიანება მიაყენეს ჟურნალისტს.კანონით არის დაცული ჟურნალისტის საქმიანობა, ჩვენ მოვითხოვთ, რომ დაიწყოს გამოძიება და გამოძიება და შედეგები იყოს საჯარო. ასევე ქუთაისის მერმა გამოსცა გაურკვეველი ბრძანება, რომლის მიხედვითაც ჟურნალისტს ეზღუდება გადაადგილება, ფრაქცია ,,ერთიანი ნაციონალური მოძრაობა,, მზად არის ნებისმიერ ჟურნალისტზე დაუშვას ასეთ შემთხვევაში საშვი.,,-განაცხადა გიგა შუშანიამ.

შეგახსენებთ ,ჟურნალისტი ბუბა- სერგო ჩივაძე პოლიციამ ქუთაისის მერიის შენობაში დააკავა. საქმე 173 მუხლითაა აღძრული, რაც სამართალდამაცავების მიმართ დაუმორჩილებლობას გულისხმობს.ის ქალაქის მერთან შეხვედრას ითხოვდა.ჟურნალისტის გაღიზიანება მერიაში არსებულ შეზღუდვას მოყვა.

ჩივაძის ამბობს,რომ  შენობაში შესვლის დროს  მერიის დაცვამ მას ფიზიკური შეურაცხყოფა მიაყენა. დაპირისპირების შედეგად ჟურნალისტი შეუძლოდ გახდა და ის  უგონო მდგომარეობაში იმერეთის რეგიონალური კლინიკური საავადმყოფოში გადაიყვანეს.

გუმათჰესთან,საიდანაც  რიონის ხეობის გზა იწყება,მესამე დღეა პოლიციაა მობილიზებული.გზა ისევ დაკეტილია.როგორც სამართალდამცველები ამბობენ,ხეობისკენ მარტო ადგილობრივ მცხოვრებლებს ატარებენ.ადგილზე კარავი გუშინ გაშალეს,სადაც "რიონის ხეობის მცველებმა"წუხანდელი ღამე გაათიეს.

"ვხედავთ ,რომ რეპრესიულ მეთოდებს მიმართავს ხელისუფლება.კანონიერ უფლებას უზღუდავს ადამიანებს, რომ პროტესტის ძირითად ადგილას მივიდნენ და შევიკრიბოთ ჩვენს კარვებთან  ნამოხვანში.ამიტომ აქ გავშალეთ დამატებითი კარავი და ორი ლოკაცია გაჩნდა ამ ხეობაში, სადაც ჩვენ გავაგრძელებთ ხოლმე მორიგეობას.სამომავლო გეგმა კი ამ პროცესებზეა დამოკიდებული .ახლა ვგეგმავთ  ჩავატაროთ მასშტაბური აქცია დედაქალაქში და მოვემზადებით ამისთვის"-განაცხადა ვარლამ გოლეთიანმა,მოძრაობა "რიონის ხეობის გადარჩენისთვის "წარმომადგენელმა.