საზოგადოება

: საზოგადოება; 11 აპრილი 2021; გადასვლები: 1031

სოფელ ნამოხვანში, მდინარე რიონში საძიებო სამუშაოებში დამატებითი ძალა ჩაერთო

წყალტუბოს მუნიციპალიტეტის სოფელ ნამოხვანში, მდინარე რიონში, მამაკაცის საძიებო-სამაშველო ოპერაცია მიმდინარეობს. მობილიზებულია დამატებითი ძალები.

პროცესში ჩართულია განსაკუთრებულ საგანგებო სიტუაციებზე რეაგირების სამმართველოს ჯგუფი თბილისიდან, 20 მეხანძრე-მაშველის შემადგენლობით. ასევე, ნამოხვანში ჩავიდნენ საგანგებო სიტუაციების მართვის სამსახურის წყალზე რეაგირების სამმართველოს მაშველები სამეგრელოს, გურიის და აჭარის რეგიონებიდან. საძიებო-სამაშველო სამუშაოებში მონაწილეობს 6 მყვინთავი, რომლებიც ტერიტორიის მონიტორინგს 8 ნავითა და ყველა საჭირო აღჭურვილობით ახდენენ. წყლის ფსკერის დათვალიერება მიმდინარეობს საძიებო სკანერის, ექოლოტის საშუალებით.

შემთხვევის ადგილზე მოეწყო სპეციალური საველე შტაბი, რომელსაც სახანძრო-სამაშველო ძალების დეპარტამენტის უფროსი - დავით სუხიშვილი ხელმძღვანელობს.

ახალგაზრდა მამაკაცის საძიებო სამუშაოები საგანგებო სიტუაციების მართვის სამსახურმა, ყველა შესაბამის სამსახურთან ერთად, შეტყობინების მიღებისთანავე დაიწყო. მდინარე რიონზე სპეციალური ღონისძიებები ამ დრომდე აქტიურად მიმდინარეობს.

: საზოგადოება; 10 აპრილი 2021; გადასვლები: 1039

მდინარე რიონში ახალგაზრდა მამაკაცს ეძებენ

როგორც შინაგან საქმეთა სამინისტროში განაცხადეს ,ნამოხვანთან მდინარე რიონში სამძებრო-სამაშველო სამუშაოები ამ წუთებშიც მიმდინარეობს.

გავრცელებული ინფორმაციით, მამაკაცი ნამახვანჰესის საწინააღმდეგო მოძრაობის ერთ-ერთი წევრია. ის რიონის ხეობაში თბილისიდან რამდრენიმე დღის წინ ჩავიდა.

: საზოგადოება; 10 აპრილი 2021; გადასვლები: 1084

დევნილებმა დღეს აღმაშენებლის გამზირის გადაკეტვა სცადეს

აღმაშენებლლის გამზირზის, 112 ნომერი ბინის მოსახლეობამ დღეს ქუჩის გადაკეტვა სცადა. მიზეზი კორპუსში არსებული დაზიანებული ლიფტია. ადგილობრივებმა პროტესტის ნიშნად ცენტრალური გზის სავალ ნაწილზე განლაგება სცადეს, თუმცა მათ გზის გადაკეტვის საშუალება პოლიციამ არ მისცა.

როგორც გავარკვიეთ,ლიფტის დაზიანებული აქვს ნაწილი ,რომელიც დეფიციტურია,ამიტომ უცხოეთიდან უნდა გამოიწერონ და რეაბილიტაცია ამის შემდგომ განახორციელდება.

აღამაშენებლის 112-ში არსებულ კორპუსში დევნილები

2016 წელს შეასახლეს.

: საზოგადოება; 10 აპრილი 2021; გადასვლები: 1165

"რიონის ხეობის მცველი"პოლიციამ დააკავა

იმერეთის სამხარეო პოლიციის დეპარტამენტის

თანამშრომლებმა მოძრაობა „რიონის ხეობის გადარჩენისთვის“ აქტივისტი ლაშა ქუთათელაძე წუხელ დააკავეს. ახლობლების ინფორმაციით, ქუთათელაძე წყალტუბოდან ნამოხვანში ბრუნდებოდა, რა დროსაც ის პოლიციამ გააჩერა და უთხრა, რომ მას გზის ამ მონაკვეთზე გადაადგილების უფლება არ ჰქონდა.

ლაშა ქუთათელაძე და მასთან ერთად მყოფი კიდევ ორი პირი თავდაპირველად ოფურჩხეთის პოლიციის განყოფილებაში გადაიყვანეს, საიდანაც მისი თანმხლები პირები გაფრთხილებით გაუშვეს, ქუთათელაძე კი პოლიციის მოთხოვნისადმი დაუმორჩილებლობის მუხლით,ადმინისტრაციული სამართალდარღვევით დააკავეს.

დაკავებულის ინტერესებს საია იცავს.

იმერეთის სამხარეო პოლიციასთან ამ წუთებში მოძრაობა ,,რიონის ხეობის გადარჩენისთვის" აქტივისტები იკრიბებიან.

: საზოგადოება; 10 აპრილი 2021; გადასვლები: 1052

საქართველოში დღეს გლოვის დღეა

2021 წლის 7 აპრილს ტრაგიკულად დაღუპული ოკუპირებული აფხაზეთის ტერიტორიაზე მცხოვრები საქართველოს მოქალაქეების ხსოვნის პატივსაცემად, 2021 წლის 10 აპრილი საქართველოში გლოვის დღედ გამოცხადდა.

ქვეყნის მთელ ტერიტორიაზე 2021 წლის 10 აპრილის 00:00 საათიდან, 11 აპრილის 00:00 საათამდე საქართველოს სახელმწიფო დროშები დაეშვა.

: საზოგადოება; 09 აპრილი 2021; გადასვლები: 1378

4-11 მაისი უქმე დღეებად ცხადდება-კიდევ რა გადაწყვეტილება მიიღო უწყებათაშორისმა საბჭომ?

უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა.

საკოორდინაციო საბჭომ დღევანდელ სხდომაზე განიხილა ეპიდემიოლოგიური მდგომარეობა, რომელიც, მთელს მსოფლიოში და მათ შორის, საქართველოშიც უარესდება.

აღინიშნა, რომ ქვეყანაში დაფიქსირებული შემთხვევების მატების დინამიკა საყურადღებოა და როგორც ხელისუფლების, ისე მოქალაქეების მხრიდან განსაკუთრებული პასუხისმგებლობით მიდგომას მოითხოვს. კიდევ ერთხელ გაესვა ხაზი დადგენილი რეგულაციების დაცვის აუცილებლობას, რაც ქვეყანას ვირუსის გავრცელების მესამე ტალღას და, შესაბამისად, მკაცრი შეზღუდვების დაწესების საჭიროებას ააცილებს.

საკოორდინაციო საბჭო მოქალაქეებს კიდევ ერთხელ მოუწოდებს, სწორად გამოიყენონ პირბადე, დაიცვან სოციალური დისტანცია და თავი აარიდონ ხალხმრავალი შეკრებებისა და სოციალური ღონისძიებების ორგანიზებას, რომელთა გამართვა მთავრობის დადგენილებით აკრძალულია. ამასთან, როგორც ცნობილია, საქართველოს მთავრობის დადგენილებით აიკრძალა ფართის გადაცემა/დათმობა საზოგადოებაში დამკვიდრებული სოციალური ღონისძიებებისა (მაგ.: ქორწილი, ნებისმიერი იუბილე, ქელეხი და ა.შ.) და მასობრივი გასართობი ღონისძიების გამართვის მიზნით. აღნიშნული შეზღუდვის დარღვევა კი გამოიწვევს კანონით გათვალისწინებულ პასუხისმგებლობას.

საბჭოს გადაწყვეტილებით, არსებული ეპიდემიოლოგიური ვითარების შეფასების საფუძველზე, ამ ეტაპზე ძალაში რჩება ღამის 21:00-05:00 საათამდე გადაადგილებაზე მოქმედი შეზღუდვა.

სხდომაზე ასევე განიხილეს ქვეყანაში მიმდინარე ვაქცინაციის პროცესის კიდევ უფრო გააქტიურების მნიშვნელობა. აღინიშნა, რომ უახლოეს მომავალში ქვეყანა ვაქცინების ახალ დოზებს მიიღებს.

დღის სიახლეები

საზოგადოება

Search