საზოგადოება

: საზოგადოება; 13 სექტემბერი 2023; გადასვლები: 2530

ბაღდათში წარმატებული პირველკურსელები დააჯილდოვეს

ბაღდათის მუნიციპალიტეტის მერმა კახა ენუქიძემ ტყიბულის, თერჯოლის, ზესტაფონისა და ბაღდათის მაჟორიტარ დეპუტატ ბეჟან წაქაძესთან, საკრებულოს თავმჯდომარე ნოდარ გიორგიძესთან და საგანმანათლებლო რესურს ცენტრის ხელმძღვანელ ნინო მშვილდაძესთან ერთად, წარმატებული პირველკურსელები დააჯილდოვა.

ბაღდათის მუნიციპალიტეტიდან წელს უმაღლეს სასწავლებლებში, მაღალი შეფასებით 14 ახალგაზრდა ჩაირიცხა.

მაჟორიტარმა დეპუტატმა ბეჟან წაქაძემ სამ პირველ კურსელს, რომლებმაც მუნიციპალიტეტის მასშტაბით უმაღლესი ქულები აიღეს, ფულადი ჯილდო პირადად გადასცა, ხოლო 11 წარმატებულ სტუდენტს თანხა ბაღდათის მერიამ და საკრებულომ გადასცა.

დამსახურებული მასწავლებლის ჯილდო გადაეცა ფერსათის პირველი საჯარო სკოლის ყოფილ დირექტორს ნარგიზა ბუხულეიშვილს და სოფელ მეორე ობჩის საჯარო სკოლის დირექტორს ტარიელ სირბილაძეს .

: საზოგადოება; 13 სექტემბერი 2023; გადასვლები: 942

იმერეთში უკანონო თევზჭერის 72 ფაქტი გამოვლინდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ქვირითობის პერიოდში - 2023 წლის 1 მაისიდან 31 აგვისტოს ჩათვლით, უკანონო თევზჭერის 309 ფაქტი გამოავლინეს. მათგან 150 ფაქტი სისხლის სამართლის დანაშაულის ნიშნებს შეიცავს და მასალები, შემდგომი რეაგირების მიზნით, შესაბამის უწყებებში გადაიგზავნა.

უკანონო თევზჭერის ყველაზე მეტი - 72 ფაქტი გამოვლინდა იმერეთში. მცხეთა-მთიანეთში - 65, ქვემო ქართლში - 47, კახეთში - 24, სამეგრელო-ზემო სვანეთში - 21, გურიაში - 17, აჭარაში - 14, რაჭა-ლეჩხუმი ქვემო სვანეთში - 7, შიდა ქართლში - 6, სამცხე-ჯავახეთში - 3. ასევე 19 ფაქტია აღკვეთილი დეპარტამენტის შავი ზღვის დაცვის კონვენციური სამმართველოს თანამშრომლების მიერ. სამართალდარღვევები დაფიქსირდა დედაქალაქშიც - 1 მაისიდან 31 აგვისტოს ჩათვლით, თბილისში, უკანონო თევზჭერის 14 ფაქტი გამოავლინეს.

ბრაკონიერები უმეტეს შემთხვევაში იყენებდნენ ისეთ უკანონო თევზსაჭერ საშუალებებს, როგორიცაა სახლართი ტიპის ბადე, ელექტროშოკური აპარატი და სხვა. დეპარტამენტის თანამშრომლებმა აღკვეთეს ელექტროშოკური აპარატით თევზჭერის 28, სახლართი ტიპის ბადით - 188, ე.წ. ჩოგან-ბადით - 22 და ე.წ. გოდორით უკანონო თევზჭერის 19 ფაქტი. ასევე დალუქულია 6 ერთეული გასაბერი ნავი.

მიმდინარე წლის მაის-აგვისტოში გატარებული პრევენციული ღონისძიებების შედეგად, ჯამში ამოღებულია 3 760 მეტრზე მეტი სიგრძის სახლართი ტიპის ბადე, 8 მეტრი სიგრძის მოსასმელი ბადე, 3 ერთეული ეკრან-ბადე, 2 ერთეული ჩოგან-ბადე და 22 ერთეული სხვადასხვა სახეობის თევზმახე.

: საზოგადოება; 13 სექტემბერი 2023; გადასვლები: 626

გელათის გადარჩენის სურვილი ხელისუფლებაში უბრალოდ არ არსებობს-თორნიკე ბარათაშვილი

არასამთავრობო ორგანიზაცია ,,ევროპა ჩვენი სახლია,, ხელმძღვანელი თორნიკე ბარათაშვილი გელათის მონასტერთან დაკავშირებით ინფორმაციას ავრცელებს.

,,მიუხედავად იმისა, რომ ჩვენი ორგანიზაცია უწყვეტად აწარმოებდა პროცესზე დაკვირვებას და მეც ყოველდღიურ ინფორმაციას ვფლობდი, გარკვეული პაუზის შემდეგ გელათში გუშინდელმა მისვლამ სრულიად დამარწმუნა იმაში, რომ მისი გადარჩენის სურვილი ხელისუფლებაში უბრალოდ არ არსებობს.

24 თებერვალს "გადაულოცა" გელათი წულუკიანმა საპატრიარქოს.

რა შედეგი დგას მას შემდეგ?

️მხოლოდ გაუარესება.

ამის დასტური თუნდაც საკურთხევლის კონქში არსებული ღვთისმშობლის უნიკალური მოზაიკაა, რომლის მდგომარეობის გაუარესების დადასტურება ნებისმიერი არაპროფესიონალისთვის, ვისაც თვეების წინ უნახავს, მარტივად არის შესაძლებელი.

მოზაიკაზე გამოხატული დაზიანება გვიყვება კატასტროფულ სირათზე მთელს ინტერიერში და მხატვრობის ქვედა ფენებში, რაც მომავალში კიდევ უფრო მძიმედ იჩენს თავს.

რა არ იკადრეს, რომ წლების მანძილზე ეს უბედურება მიეჩქმალათ, რას არ კადრულობენ, რომ პასუხისმგებლობას გაერიდონ.

თუკი ვინმეს ჰქონდა ილუზია, რომ სხვაგვარად იქნებოდა, ღარიბაშვილის ხელმძღვანელობით მიმდინარე პროცესი, პოლიტიკური როქი და საპატრიარქოსა და წულუკიანს შორის უფლებამოსილებების "გადანაცვლება", გელათს არათუ ვერ შველის, დამანგრევლების ვირეშმაკობის და ტრიუკების ფონზე, მას შეუქცევადად ვკარგავთ,,-თორნიკე ბარათაშვილი

: საზოგადოება; 12 სექტემბერი 2023; გადასვლები: 825

ხარაგაულის სოციალური სამსახურის უფროსის ოჯახის წევრებმა 379 ათასი ლარის ტენდერები მოიგეს-ფლანგვის დეტექტორი

ფლანგვის დეტექტორის ინფორმაციით,

: საზოგადოება; 11 სექტემბერი 2023; გადასვლები: 858

დღეს საღამოს ქუთაისის ცენტრალურ ნაწილს წყლის მიწოდება შეუწყდება

ქუთაისში, წერეთლის გამზირის დასაწყისში, გაერთიანებული წყალმომარაგების კომპანიის კუთვნილი ცენტრალური მაგისტრალი დაზიანდა.

დაზიანებულ მონაკვეთზე აღდგენითი სამუშაოები ჩატარდება 11 სექტემბერს, 18:00 საათიდან 20:00 საათის ჩათვლით.

შესაბამისად, ამ პერიოდში, ქალაქის ცენტრალურ ნაწილს, ძირითადად „ქალაქ-მუზეუმის“ ტერიტორიაზე, წყალმომარაგება ორი საათით შეუწყდება.

: საზოგადოება; 11 სექტემბერი 2023; გადასვლები: 950

გზის ნაწილი ჩამოიშალა ქუთაისი-ალპანა-მამისონის უღელტეხილზე და არა საჩხერე-რაჭის გზაზე საავტომობილო გზების დეპარტამენტი

ქუთაისი(ჭომა)-ალპანა-მამისონის უღელტეხილის გზის 107-ე კმ-ზე დაბზარული გზის ჩამოშლა მიმდინარე სამუშაოების დროს ხელოვნურად მოხდა.

შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 107-ე კმ-სა და საჩხერე-რაჭის დამაკავშირებელი საავტომობილო გზის მიერთების გაუმჯობესების მიზნით სამუშაოები მიმდინარეობს .

მიმდინარე წლის 26 აგვისტოს, აღნიშნულ მონაკვეთზე, ჩამოიშალა მიწის მცირე მასა. რის შემდეგაც, უსაფრთხოების მიზნით, 24 საათიან რეჟიმში მიმდინარეობდა მონიტორინგი, ხოლო ავტოტრანსპორტის მოძრაობა ხორციელდებოდა მხოლოდ ერთ ზოლში. დაკვირვების შემდგომ გამოიკვეთა, რომ გზის სავალ ნაწილზე არსებულმა ბზარებმა მოიმატა, შესაბამისად მიღებული იქნა გზის დაბზარული ნაწილის ხელოვნურად ჩამოშლის გადაწყვეტილება, რათა უზრუნველყოფილი ყოფილიყო ავტოტრანსპორტის უსაფრთხო განვლადობა.

ავტოტრანსპორტის მოძრაობის აკრძალვის შესახებ ინფორმაცია, დღეს დილიდან, სამუშაოების დაწყებამდე გაავრცელა საავტომობილო გზების დეპარტამენტმა.

ვრცელდება ინფორმაცია, თითქოს შემთხვევა მოხდა საჩხერე-რაჭის დამაკავშირებელ ახალ გზაზე, რაც არ შეესაბამება სიმართლეს. მიმდინარე სამუშაოების ფარგლებში, გზის ნაწილის ჩამოშლა მოხდა შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის არსებული საავტომობილო გზის 107-ე კმ-ზე. ეს მონაკვეთი ისედაც ცუდ მდგომარეობაში იყო და სწორედ ამიტომ დაიგეგმა სარეაბილიტაციო სამუშაოები

შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 107-ე კმ-ზე სამუშაოების მიმდინარეობის პერიოდში, გადაადგილება დროებით შეზღუდულია ყველა სახის ავტოტრანსპორტისთვის. ავტოტრანსპორტის მოძრაობის აღდგენა დღის ბოლოსთვის იგეგმება.-საავტომობილო გზების დეპარტამენტი.

საჩხერე-ონი-ქუთაისის მიმართულებით საავტომობილო მოძრაობის დაკეტვის და გზის ჩამოშლის შესახებ ინფორმაცია „ფეისბუქის“ პირად გვერდზე ნაციონალური მოძრაობის ონის ორგანიზაციის წარმომადგენელმა, ნოდარილ ბურდილაძემ გაავრცელა.

დღის სიახლეები

საზოგადოება

Search