პირველ ივნისს ბავშვთა დაცვის საერთაშორისო დღე აღინიშნება.

ბავშვთა საერთაშორისო დღე  საერთაშორისო დღესასწაულია,რომელიც   ბავშვთა კეთილდღეობისადმი მიძღვნილ  ჟენევის მსოფლიო კონფერენციაზე 1925 წელს დაარსდა.

მსოფლიოს მრავალ ქვეყანაში კი პირველი ივნისი 1950 წლიდან აღინიშნება . 

1 ივნისს სხვადასხვა ქვეყანაში, მათ შორის საქართველოში, ბავშვებისთვის გასართობი და კულტურული ღონისძიებები ეწყობა.

თუმცა, ბავშვთა საერთაშორისო დღეს მხოლოდ გასართობი ხასიათი როდი აქვს, ეს დღე შეხსენებაა იმისა, რომ ყველა ბავშვი ჯანსაღ და უსაფრთხო გარემოში უნდა იზრდებოდეს, სადაც დაცული იქნება მათი უფლებები.

1 ივნისს,ბავშვთა დაცვის საერთაშორისო დღეს ქუთაისში რამდენიმე ღონისძიება იგეგმება.

აქტივობები 14:00 საათიდან დაიწყება.ყველა ღონისძიება ვერიკოს სკვერსა და მიმდებარე ტერიტორიაზე გაიმართება. 

ჩატარდება კონცერტი,ტურნირი ჭადრაკში,მოეწყობა გამოფენა.

ორგანიზატორი ქუთაისის მერიის კულტურულ, სახელოვნებო ,საგანმანათლებლო დაწესებულებათა გართიანებაა.

ასევე 1,2 და 3 ივნისს გაბაშვილის სახელობის პარკში გარკვეული ატრაქციონები იმუშავებს უფასოდ .

ბავშვთა დაცვის საერთაშორისო დღესთან დაკავშირებით, 1, 2 და 3 ივნისს, ქუთაისში, ბ. გაბაშვილის სახ. კულტურისა და დასვენების პარკში, ქუთაისის მერიის მხარდაჭერით, 10 საბავშვო ატრაქციონი პატარებს უფასოდ მოემსახურება, ხოლო მოზრდილთა 4 ატრაქციონის საფასური 3 ლარის ნაცვლად იქნება 2 ლარი.

საბაგირო გზით სარგებლობის საფასური არ იცვლება.

ინფორმაციას ქუთაისის მუნიციპალიტეტის მერია ავრცელებს. 

სპეციალურმა საგამოძიებო სამსახურმა, პირადი ცხოვრების საიდუმლოს ხელყოფის ფაქტზე 7 პირი ამხილა.

2022 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წლის შესაბამის პერიოდთან შედარებით 1.9 პროცენტული პუნქტით შემცირდა და 15.6 პროცენტი შეადგინა. ამის შესახებ „საქსტატის“ მიერ გავრცელებულ ინფორმაციაშია ნათქვამი.

მათივე ცნობით, 2022 წელს აბსოლუტური სიღარიბის მაჩვენებელი ქალაქის ტიპის დასახლებებში 2.7 პროცენტული პუნქტით შემცირდა და 12.3 პროცენტი შეადგინა, ხოლო სოფლის ტიპის დასახლებებში 0.7 პროცენტული პუნქტით შემცირდა და 20.6 პროცენტს გაუტოლდა.

„2022 წელს, სიღარიბის აბსოლუტური მაჩვენებელი წინა წელთან შედარებით შემცირებულია მოსახლეობის ყველა ასაკობრივ ჯგუფში. კერძოდ, 18 წლამდე ასაკობრივ ჯგუფში მაჩვენებელმა 20.4 პროცენტი შეადგინა (-2.3 პროცენტული პუნქტი), 18-64 წლის ასაკობრივ ჯგუფში - 15.3 პროცენტი (-2.0 პროცენტული პუნქტი), ხოლო 65 წლის და უფროს ასაკობრივ ჯგუფში - 10.5 პროცენტი (-1.4 პროცენტული პუნქტი).

აბსოლუტური სიღარიბის მაჩვენებელი ქალებისათვის შემცირებულია 1.8 პროცენტული პუნქტით და 15.3 პროცენტს შეადგენს, ხოლო კაცებისათვის მაჩვენებელი შემცირებულია 2.1 პროცენტული პუნქტით და 15.8 პროცენტს შეადგენს.

2022 წელს, წინა წელთან შედარებით, ჯინის კოეფიციენტის მნიშვნელობა მთლიანი შემოსავლების მიხედვით შემცირდა 0.37-დან 0.36-მდე, ხოლო მთლიანი სამომხმარებლო ხარჯების მიხედვით უცვლელია და შეადგენს 0.34-ს“,- აღნიშნულია ინფორმაციაში.