იმერეთში სახელმწიფო რწმუნებულმა, ზვიად შალამბერიძემ და ქუთაისის მერმა, იოსებ ხახალეიშვილმა საქართველოში დიდი ბრიტანეთის ელჩ, მარკ კლეიტონთან და  რუმინეთის ელჩ, რაზვან როტუნდუსთან ოფიციალური შეხვედრა გამართეს.

მრავალდარგოვანი კოლეჯ “მედიკ ფორტეს” დირექტორი იზა დიაკვნიშვილი ქუთაისის მერის მოადგილეს იუზა უგულავას კორუფციულ გარიგებასა და აუდიტის დასკვნის გაყალბებაში ადანაშაულებს.

,,ერთიანი ნაციონალური მოძრაობის“ იმერეთის რეგიონალური საბჭოს თავმჯდომარემ თემურ ცამციშვილმა და “მედიკ ფორტეს” დირექტორმა იზა დიაკვნიშვილმა ბრიფინგი გამართეს, სადაც აღნიშნული განცხადება გააკეთეს.

იზა  დიაკვნიშვილის თქმით, კოლეჯის შენობა ზვიად გამსახურდიას 34 ნომერში ,სტატეგიულად კარგ ადგილას მდებარეობდა.მას  ფართი 12-წლიანი საიჯარო ხელშეკრულებით ჰქონდა აღებული. დიაკვნიშვილი ამბობს,რომ შენობა აუდიტის გაყალბებული დასკვნის საფუძველზე ჩამოართვეს და  დაბალ ფასად გაასხვისეს.

,,ამ საქმეზე დაკავებულია აუდიტი,რომელმაც ყალბი დოკუმენტი შეადგინა,თითქოს შენობა ავარიულია. აუცილებლობას წარმოადგენს პასუხისგებაში მიეცეს იუზა უგულავა,რომელიც არის ამ საქმის თავი და წყარო.,,-იზა დიაკვნიშვილი. 

,,2018 წელს გაყალბებული საბუთების საფუძველზე ქალბატონ იზას დაუნგრიეს სასწავლებელი და მიითვისა კერძო მესაკუთრემ ადგილობრივ თვითმმართველობასთან შეთანხმებით იმდენად ძაფით ნაკერი საქმეა,მაინც მოუწიათ ერთი პიროვნების დაკავება და დააკავეს ადამიანი, რომელმაც ეს შენობა შეაფასა დაბალ ფასად.,,-თემურ ცამციშვილი.

ვრცლად ...

უკანონო პატიმრობაში მყოფი ლევან დოთიაშვილი, რომელიც რუსეთის საოკუპაციო ძალის წარმომადგნელებმა უკანონოდ დააკავეს გორის მუნიციპალიტეტის სოფელ კირბალის მიმდებარედ, თამაზ გინტურის მკვლელობისას, თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება.

ევროკომისია რეკომენდაციას იძლევა, საქართველოს კანდიდატის სტატუსი მიენიჭოს. შესაბამისი განცხადება ევროკომისიის პრეზიდენტმა ურსულა ფონ დერ ლაინერმა ამ წუთებში, ბრიუსელში მიმდინარე პრესკონფერენციაზე განაცხადა.

რუსეთის საოკუპაციო ძალების წარმომადგენლებმა ოკუპირებულ სოფელ სინაგურის (საჩხერის მუნიციპალიტეტი) მიმდებარედ უკანონოდ დააკავეს საქართველოს მოქალაქე.

საქართველოს ყოფილმა პრეზიდენტმა მიხეილ სააკაშვილმა სასამართლო პროცესზე,  სადაც დიდი ოდენობით საბიუჯეტო თანხების გაფლანგვის საქმის განხილვა მიმდინარეობს,რამდენიმე განცხადება გააკეთა.

მისი თქმით, ქვეყნისთვის ამ მნიშვნელოვან დროს ხდება ყურადღების ისეთ მეორეხარისხოვან საკითხებზე გადატანა, როგორიც არის პრეზიდენტის იმპიჩმენტი.

სააკაშვილმა მოსახლეობას მოუწოდა, არ ითამაშოს ოლიგარქისა და რუსეთის თამაშები.

„ამ სიტუაციაში, რომელშიც ჩვენ ვიმყოფებით, სპეციალურად მთავარი თემებიდან მიდის ყურადღების გადატანა. ბატონ ოთარ ზურაბიშვილს მინდა დავესესხო, რომ შემოგდებული იყო იმპიჩმენტის თემა, სრულიად ხელოვნური თემა და იყო თამაში, რა თქმა უნდა, რომ ხალხს ორი და სამი კვირა ელაპარაკა იმპიჩმენტზე და მთელი მედია და ოპოზიცია გაჰყვა იმპიჩმენტზე. ახლა ოპოზიციას ალაპარაკებენ იმაზე, რომ სხვა ოპოზიციონერებს არ უნდა ევროკავშირის სტატუსი.

მეგობრებო, პრობლემა ევროკავშირის სტატუსში სხვა ოპოზიციონერები კი არ არიან, პრობლემა არის ის, რომ ქვეყანაში არის ოლიგარქია, ქვეყანა ყარს, ქვეყანაში არის კორუფცია და ევროკავშირს უწევს ცხვირზე ხელის მოჭერა, სიმყრალის არშემჩნევა და ასე მოცემა ამ სტატუსის. მაგრამ ეს პრობლემები არსად არ წავა, ეს პრობლემები პირდაპირ არის კავშირში იმასთან, რასაც დღეს ვიხილავთ. ეს პრობლემები იქნება შემდგომ გასაკეთებელი, იმიტომ, რომ როდესაც ვლაპარაკობთ, ამასობაში როგორ გაუჭირდა ხალხს - 20-25 ლარი ღირს ხორცი, ლობიო გაიზარდა 8 ლარამდე, როდესაც ხარჯებზე ვლაპარაკობთ და პრეზიდენტის მიერ გაწეულ ხარჯებზე, ბურღულეული გაიზარდა 2-დან 5 ლარამდე, წიწიბურა გაიზარდა 8 ლარამდე რატომღაც, რომლის ფასმაც მთელს მსოფლიოში დაიკლო და ეს ყველაფერი ხდება და ამასობაში პრეზიდენტი იუშჩენკოს აბანოს მომსახურების თემებზეა დღეს ლაპარაკი“,- განაცხადა სააკაშვილმა.

მისი თქმით,ქვეყანა უნდა იყოს ძალიან მობილიზებული, რადგან რუსეთი ჩამოშლის პირასაა და საქართველო მზად უნდა იყოს, რომ ჩამოშლილი რუსეთის ქვეშ არ მოჰყვეს.

„მე მინდა ყველას ვუთხრა, რომ დღეს ჩვენ უნდა ვიყოთ ძალიან მობილიზებულები. მტაცებელს თუ აჩვენებ ზურგს, ის აუცილებლად გამოგეკიდება და შეგჭამს. ჩვენ უნდა ვიყოთ მტკიცედ, ჩვენ უნდა დავუდგეთ მათ და თვალებში შევხედოთ. ის, რომ მე არ გავიქეცი თავის დროზე, ის, რომ ჩვენ გვყავდა ანწუხელიძე და შინდისის გმირები, სწორედ ამან მოგვცა საშუალება, რომ საქართველო ბოლომდე ვერ გაანადგურეს მაშინ და ნელ-ნელა უხდებათ ასე განადგურება და დღეს მიიყვანეს ამ მდგომარეობამდე.

დღეს არის დიდი საფრთხის ქვეშ ჩვენი ქვეყანა, მაგრამ ამავე დროს, დამპყრობელიც არის ძალიან დიდი პრობლემების ქვეშ. ნახეთ როგორი არეულობებია რუსეთში, წკიპზე არის რუსეთი, რუსეთი აუცილებლად ჩამოიშლება, იმიტომ, რომ მართლა ძალიან მძიმე მდგომარეობაში იმყოფება და ყოველ დღე ვხედავთ ამას, მაგრამ ჩვენ უნდა ვიყოთ ამისთვის მზად, რომ თავზე არ ჩამოგვემხოს ეს ჩამოშლილი რუსეთი, პირველ რიგში ჩრდილოეთ კავკასიაში, სადაც ახლა არის არეულობები და უბედურებები.

იმისთვის, რომ ჩვენ ვიყოთ კარგ ფორმაში, ძალიან ფრთხილად უნდა ვიყოთ შემოსული რუსების მიმართ, მე მინდა შევქმნათ სამოქალაქო თავდაცვისთვის ცხელი ხაზი, სადაც ხალხი დაგვირეკავს და შეგვატყობინებს იმის თაობაზე, რომ ანტიქართული გამოსვლებია, მათ შორის ჩემი ინფორმაციით, არიან დივერსიული ჯგუფი შემოსული, რომელსაც ევალება არეულობის პირობებში აქ ხელისუფლების ხელში აღება და დესტაბილიზაცია, ამიტომ ჩვენ უნდა დავაკვირდეთ ყველა საეჭვო მოძრაობას, ყველა საეჭვო სპორტული აღნაგობის პირს, რომელიც არის ამ ხალხს შორის.

ჩვენ არ უნდა გადავუხვიოთ მთავარი თემიდან. იმიტომ, რომ ერთი კვირა გამოცხადდება ზურაბიშვილის სიძულვილის კვირად, მეორე კვირა გამოცხადდება სააკაშვილის სიძულვილის კვირად, მესამე კვირა გამოცხადდება ოპოზიციის სიძულვილის კვირად, მეოთხე კვირა გამოცხადდება შიშის კვირად, არეულობის შიშის კვირად და ყველა ვთამაშობთ ამ უზარო თამაშს. შევწყვიტოთ ოლიგარქისა და რუსეთის თამაშის თამაში, შევწყვიტოთ მათ ფაბულაში ჩაჯდომა და ეს სასამართლო პროცესიც, რა თქმა უნდა მათი ფაბულის ნაწილია“,- განაცხადა სააკაშვილმა.