დღეს ქუთაისის სახელმწიფო ისტორიულ მუზეუმში ქალ მსჯავრდებულთა ნამუშევრების გამოფენა-გაყიდვა გაიხსნა.
ექსპოზიციაზე, მსჯავრდებულების მიერ სხვადასხვა თემატიკაზე შექმნილი ხელნაკეთი ნივთები გამოიფინა. წარმოდგენილი ხელნაკეთები #5 ქალთა სპეციალურ პენიტენციურ დაწესებულებაში მყოფ ქალმა პატიმრებმა დაამზადეს. ღონისძიების ორგანიზატორი მუზეუმთან ერთად მსჯავრდებულთა პროფესიული მომზადებისა და გადამზადების ცენტრია.გაყიდული ნამუშევრებიდან მიღებული თანხა მსჯავრდებულებს პირად ანგარიშზე ჩაერიცხებათ.გამოფენა ერთდღიანია.
დღესვე ქუთაისის სახელმწიფო ისტორიულ მუზეუმსა და მსჯავრდებულთა პროფესიული მომზადებისა და გადამზადების ცენტრს შორის ურთიერთთანამშრომლობის მემორანდუმი გაფორმდა.