ქუთაისში, “კლინიკა ბომონდის,, სტაციონარში დადასტურებული კოვიდ 19-ით 22 პაციენტი განაგრძობს მკურნალობას. მათგან 11 ბავშვი, ხოლო 11 ზრდასრულია. 

იმერეთში სახელმწიფო რწმუნებული ზვიად შალამბერიძე ჯანდაცვის სფეროს წარმომადგენლებს შეხვდა. მხარის რწმუნებულმა რეგიონში არსებულ ეპიდემიოლოგიურ ვითარებაზე და ინფიცირების ახალ შემთხვევებზე ისაუბრა. ზვიად შალამბერიძის თქმით, როგორც ქვეყანაში, ასევე რეგიონში ხელისუფლება, ეპიდემიოლოგები და კლინიკური ჯგუფი სიტუაციას სრულად აკონტროლებენ და პანდემიის გავრცელების რისკებს მართავენ.

"ჩვენ უნდა გავაგრძელოთ სწრაფად და ეფექტურად მუშაობა პანდემიის წინააღმდეგ. ამ მიმართულებით წინ გადადგმული ნაბიჯები ნამდვილად გვაქვს. თუ ეპიდემიის დასაწყისში კოვიდის მართვა ხდებოდა რეგიონის მხოლოდ ორ კლინიკაში, დღეს მათ რიცხვს ქუთაისში არსებული კიდევ სამი ჯანდაცვის დაწესებულება: ო.ჩხობაძის ინვალიდთა და ხანდაზმულთა კლინიკური ცენტრი, ქუთაისის რეფერალური ჰოსპიტალი და კლინიკა "ბომონდი“ შეემატა. დღეისთვის, აღნიშნული დაწესებულებები კოვიდის მართვაში აქტიურად ჩაერთენ და საჭიროების შემთხვევაში, მობილიზაციისთვის მომზადებულია 300-მდე საწოლი. ზემოთ ჩამოთვლილი დაწესებულებები იმერეთის გარდა მოემსახურებიან სხვა რეგიონებსაც“, - განაცხადა ზვიად შალამბერიძემ. ქ

უთაისში ასევე, მზადყოფნაშია ერთ-ერთი სასტუმრო, რომელიც ჯანდაცვის სამინისტროსა და კლინიკური ჯგუფის მიერ მომზადებული ახალი პროტოკოლის მიხედვით, საწყისი ჰოსპიტალური მკურნალობის შემდეგ, სამედიცინო მეთვალყურეობას გაუწევს პაციენტებს კოვიდის მსუბუქი ფორმებით.

ქუთაისის 24-ე საჯარო სკოლის დირექტორს, საქმეთა მმართველსა და ბუღალტერს კორონავირუსი დაუდგინდა. ინფორმაცია სკოლის დირექტორმა ელიზბარ ბარბაქაძემ დაადასტურა.მისი თქმით, ის 32-ე სკოლის კლასტერს მიეკუთნება. ბარბაქაძე  იმერეთის რეგიონალურ  კლინიკურ საავადმყოფოშია გადაყვანილი და სიმპტომური მკურნალობა უტარდება. მისი თქმით, სიმპტომებიდან მხოლოდ ცხელება აღენიშნება. სკოლაში ყველა პედაგოგს ტესტი უკვე გაუკეთდა და ბუღალტერისა და საქმეთა მმართველის გარდა ვირუსი არავის დადასტურებია. ყველა თანამშრომელი თვითიზოლაციაში იმყოფება. სკოლაში დეზინფექცია ჩატრდა და სასწავლო დაწესებულება დაკეტილია.

ქუთაისში, კორონავირუსით ინფიცირებული პაციენტების მკურნალობაში “კლინიკა ბომონდი” ჩაერთო. დადასტურებული კოვიდ 19-ით კლინიკის სტაციონარში გვიან ღამით 11 პაციენტი მოათავსეს.

იმერეთში კორონა ვირუსის 16 ახალი შემთხვევა დაფიქსირდა. 15 ქუთაისში, ერთი კი ტყიბულის მუნიციპალიტეტში. ახალი შემთხვევები 32-ე სკოლის კლასტერს უკავშირდება,მხოლოდ ერთი მათგანის ინფიცირების წყაროა უცნობი.

მონაცემები მედიას დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს უფროსმა მიაწოდა. გოჩა გიორგიძის ინფორმაციით, ქუთაისის ინფექციური საავადმყოფოს გარდა, ამიერიდან პაციენტებს კლინიკა ,,ბომონდიც,, მიიღებს. ინტენსიური კვლევები იმერეთში გრძელდება, მათ შორის უფასო პისიარ ტესტი კეთდება ცენტრალურ ბაღში დადგმულ კარავშიც. კარავი 17 საათამდე მუშაობს

საქართველოში კორონავირუსით ინფიცირების შემთხვევათა რაოდენობა 152-ით გაიზარდა და 2227 გახდა.  90 აუკავშირდება  აჭარას, 15 ქუთაისის 32-ე სკოლის შემთხვევაა, 15 -„ენგურჰესის“ , 17 დაავადებულთან კონტაქტი, 4 არის შემოტანილი  და 11-ის დაინფიცირებიოს წყარო უცნობია.

აჭარის ჯანდაცვის სამინისტროს ინფორმაციით, გასული 24 საათის განმავლობაში რეგიონში 2025 პისიარ ტესტი ჩატარდა.

რაც შეეხება გამოჯანმრთელებულთა რიცხვს,ვირუსი  კიდევ 6-მა  ადამიანმა დაამარცხა  . შესაბამისად, მათ რაოდენობა 1369-ს შეადგენს.