გენდერი

: გენდერი; 18 დეკემბერი 2023; გადასვლები: 412

ფონდ სოხუმის მნიშვნელოვანი პროექტი და სასიკეთო ცვლილებები

პროექტის- "ქალები და ახალგაზრდები,ქალების,მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის" ფარგლებში,ქუთაისში შემაჯამებელი შეხვედრა გაიმართა.

შეხვედრის ამსახველი ვიდეომასალა ნახეთ ლინკზე-

https://www.youtube.com/watch?v=knhSi8vHSUk

: გენდერი; 15 დეკემბერი 2023; გადასვლები: 448

ქუთაისში ხუთი სამიზნე მუნიციპალიტეტის ლიდერ ქალთა შეხვედრა გაიმართა

13 დეკემბერს, ქუთაისში, სასტუმრო „გელათი რეზიდენს“-ში გამართა - "ქალები და ახალგაზრდები - ქალები, მშვიდობა, უსაფრთხოების დღის წესრიგის ადგილობრივ დონეზე იმპლემენტაციისათვის“ პროექტის ფარლებში, შემაჯამებელი შეხვედრა.

შეხვედრას ესწრებოდნენ ლიდერი, აქტივისტი ქალები ხუთი სამიზნე მუნიციპალიტეტიდან: ქუთაისი, ხონი, სენაკი, წყალტუბო ზუგდიდი.

დამსწრეებმა ორგანიზაციის წარმომადგენლებთან ერთად კიდევ ერთხელ შეაფასეს პროექტის დინამიკა, შეაჯამეს მიღწეული შედეგები და ისაუბრეს ქსელური მუშაობის ეფექტიანობაზე.

ასევე ყურადღება გამახვილდა იმ გამოწვევებზე და ჯერ კიდევ ადვოკატირების პროცესში მყოფ პრობლემებზე, რომლებზედაც მუშაბოა უწყვეტ რეჟიმში პროექტის დასრულების შემდეგაც გაგრძელდება.

დამსწრეთა უკუკავშირი:

„ეს იყო მნიშვნელოვანი პროექტი ჩემთვის, რადგანაც მან გამიხსნა გზა საზოგადოებრივ ასპარეზზე, ჩავრთე სხვადასხვა პროექტებში“

„23 წლის ასაკში დავრწმუნდი, რომ ქალთა ძალისხმევას ძალიან დიდი მნიშვნელობა აქვს იმ პრობლემებზე მუშაობისას, რომლებიც თემისთვის მნიშვნელოვანია და განსაკუთრებით ქალებისთვის“

„ვიყავი „კუთხეში დამდგარი ლიდერი“ დღეს კი თავისულფად შემიძლია წავდგე დიდი აუდიტორიის წინაშე, და თამამად ვთქვა, რომ მე ამ პროექტმა გამზარდა“

„პროექტმა დაგვანახა ქსელური მუშაობის ძალა და ის ეფექტები, რომელიც უშუალოდ დაგვეხმარა ჩვენი ყოფით პრობლემების წამოწევაში, ადვოაკტირებაში და სოციალური პროფილის გაუმჯობესებაში“

received 325399740383620

received 669335882042410

: გენდერი; 12 დეკემბერი 2023; გადასვლები: 396

ფონდ სოხუმის ფორუმ-თეატრის ჩვენება ხობში

8 დეკემბერს ხობის მუნიციპალტეტის საკრებულოს სხდომათა დარბაზში გაიმართა შეხვედრა სამეგრელო ზემო-სვანეთის 8 მუნიციპალიტეტის ხელმძღვანელ პირებთან, თემაზე „გენდერული მეინსტრიმინგი - გენდერული გავლენები“ - თემა წარმოადგინა საქართველოს პარლამენტის წევრმა ნინო წილოსანმა და გენდერული თანასწორობის მუდმივმოქმედმა საპარლამენტო საბჭოს მოწვეულმა ტრენერმა ელენე ბერიაშვილმა. შეხვედრის დასრულების შემდეგ კულტურის სახლის მცირე დარბაზში, ქალთა ფონდმა „სოხუმმა“ წარმოადგინა ფორუმ-თეატრის 5 სცენა, სადაც აქტიურ მონაწილეობას იღებდნენ როგორც პარლამენტის გენდერულის საბჭოს თავმჯდომარე, ქალბატონი - ნინო წილოსანი, საქართველოს პარლამენტის წევრები: გიორგი ხახუბია, ირაკლი (დაჩი) ბერაია, გრეტა წიწავა, ასევე სამეგრელო-ზემო სვანეთის სახელმწიფო რწმუნებული - გიორგი გუგუჩია მოადგილეებთან, ხობის მუნიციპალიტეტის საკრებულოს თავმჯდომარე - ლევან ქავთარაძე და მერი - დავით ბუკია მოწვეულ სტუმრებთან ერთად ესწრებოდნენ. ფორუმ-თეატრის მიერ წარმოდგენილმა სცენებმა დიდი მოწონება დაიმსახურა და გამოიწვია დისკუსია წარმოდგენილი თემების ირგვლივ.

: გენდერი; 12 დეკემბერი 2023; გადასვლები: 430

ქალთა ფონდ სოხუმის საინფორმაციო-სამედიცინო აქციები

„დაარღვიე დუმილი, აღკვეთე ძალადობა!“ - ქალთა მიმართ ძალადობის 16-დღიანი კამპანიის ფარგლებში ქალთა ფონდმა „სოხუმი“ დასავლეთ საქართველოს ხუთი სამიზნე მუნიციპალიტეტში - ქუთაისი, ხონი, სენაკი, წყალტუბო, ზუგდიდი - დევნილთა განსახლების ადგილებში, საინფორმაციო-სამედიცინო აქციები გაგმართა, სადაც ადგილობრივი თვითმმართველობის წარმომადგენლებიც იყვნენ ჩართული. აღნიშნული კამპანია მიზნად ისახავდა დევნილთა თემში გენდერული ძალადობის საკითხებზე ცნობიერების ამაღლებას და მათ დისკუსიებში ჩართვას. ხუთივე სამიზნე მუნიციპალიტეტში ჩატარდა შეხვედრები ექიმების ჯგუფებთან, სადაც ოჯახის ექიმის, მამოლოგის, გინეკოლოგის დახმარებით დევნილ ქალებს შესაძლებლობა ჰქონდათ კომპეტენტურ ინფორმაცია მიეღოთ ოჯახში ქალთა მიმართ ძალადობის ჯანმრთელობის მდგომარეობაზე ნეგატიური ზეგავლენის შესახებ; ასევე, რეპროდუქციული ჯანმრთელობის, ძუძუს კიბოს ადრეული დიაგნოსტიკის მნიშვნელობასა და სკრინინგ-პროგრამებზე. სამედიცინო აქცია მიზნად ისახავდა ქალთა/გოგონათა ჯანმრთელობის საჭიროებების იდენტიფიცირებას, ჯანდაცვის სერვისებზე მათი ინფორმირების და ხელმისაწვდომობის გაზრდას. „აღნიშნულმა აქციამ გამოკვეთა ქალთა საჭიროებები ჯანმრთელობის მიმართულებით, ხელი შეუწყო ჯანდაცვის სერვისებზე ხელმისაწვდომობას. ასევე შექმნა ხელსაყრელი სადისკუსიო გარემო ისეთ აქტუალურ საკითხებზე, როგორიცაა ძალადობის ნეგატიური გავლენა ქალის ჯანმრთელობაზე“, - განაცხადა პროექტის კოორდინატორმა, ლელა ჯალაღონიამ. - „ძალიან საჭირო აქციაა, მადლობა ორგანიზატორებს!“ - „მოვედი პროფილაქტიკის მიზნით და მივიღე მეტი მომსახურეობა, ვიდრე ველოდი“ - „გაცივებული ვარ, თერაპევტს გავესინჯე უფასოდ და დანიშნულებაც მივიღე. მადლობა თქვენ!“ - „ქუთაისში რომ ჩავსულიყავი ფინანსურად ბევრი დამეხარჯებოდა, აქ კი სრულიად უფასოდ გამიწიეს დამხარება“ „ძალიან კმაყოფილი გამოვედი კონსულტაციიდან, კარგი სპეციალისტების არიან“ ეს ფრაზები აქციის მონაწილე ქალებს ეკუთვნით. კამპანია განხორციელდა ევროკავშირისა და გაეროს განვითარების პროგრამის (UNDP) მხარდაჭერით, #EU4Dialogue პროექტის ფარგლებში

: გენდერი; 11 დეკემბერი 2023; გადასვლები: 442

ქალთა ფონდ სოხუმის შემაჯამებელი ღონისძიება

ქუთაისში, სასტუმრო „გელათი რეზიდენსში“ გაიმართა ქალთა ფონდი „სოხუმის“ მიერ ორგანიზებული კამპანიის „16 აქტიური დღე ქალთა მიმართ ძალადობის წინააღმდეგ“ შემაჯამებელი შეხვედრა. პროექტის კოორდინატორმა - ლელა ჯალაღონიამ მოკლედ მიმოიხილა 16 დღიანი კამპანიის ფარგლებში ფონდი „სოხუმის“ სამიზნე მუნიციპალიტეტებში ჩატარებული ღონისძიებები და მისი შედეგები. ღონისძიების მონაწილეებს ადამიანის უფლებებზე, როგორც საერთაშორისო, ისე ეროვნული კანონდებლობის მიხვედვით, იამზე გუმბერიძე, ქალთა ფონდი „სოხუმის“ იურისტი ესაუბრა. მუნიციპალიტეტებში ჩატარებული ღონისძიებებისა და შედეგების მიმოხილვა გააკეთეს: ზუგდიდის, წალენჯიხის, ხობის, სენაკის, სამტრედიის, ქუთაისის, წყალტუბოს, ხონის, ბაღდათის, ვანის, თერჯოლის, ქობულეთის, ჩოხატაურის წარმომადგენლებმა. ფორუმთეატრის განსკუთრებულ ფუნქციაზე ისაუბრა თეატრის რეჟისორმა, მესხიშვილის თეატრის მსახიობმა - მაგდა ჩიხლაძემ. მხარდაჭერისა და დახმარებისთვის მადლიერება გამოხატეს უკრაინელმა ბენეფიციარებმა.

: გენდერი; 05 დეკემბერი 2023; გადასვლები: 495

დაარღვიე დუმილი, აღკვეთე ძალადობა!-ფონდი სოხუმი საინფორმაციო კამპანიას მართავს

ქალთა მიმართ ძალადობის 16-დღიანი კამპანიის ფარგლებში, ქალთა ფონდი „სოხუმი“ დასავლეთ საქართველოს ხუთი სამიზნე მუნიციპალიტეტის: ქუთაისი, ხონი, სენაკი, წყალტუბო, ზუგდიდი - დევნილთა განსახლების ადგილებში, საინფორმაციო კამპანიას მართავს.

აღნიშნული კამპანია მიზნად ისახავს დევნილთა თემში გენდერული ძალადობის საკითხებზე ცნობიერების ამაღლებას და მათ დისკუსიებში ჩართვას.

ხუთივე სამიზნე მუნიციპალიტეტში იგეგმება: შეხვედრები ექიმების ჯგუფთან, სადაც ოჯახის ექიმის, მამოლოგის, გინეკოლოგის დახმარებით დევნილი ქალები მიიღებენ კომპეტენტურ ინფორმაციას ოჯახში ქალთა მიმართ ძალადობის ჯანმრთელობის მდგომარეობაზე ნეგატიური ზეგავლენის შესახებ; ასევე, რეპროდუქციული ჯანმრთელობის, ძუძუს კიბოს ადრეული დიაგნოსტიკის მნიშვნელობასა და სკრინინგ-პროგრამებზე. აღნიშნული სამედიცინო აქცია მიზნად ისახავს ქალთა/გოგონათა ჯანმრთელობის საჭიროებების იდენტიფიცირებას, ჯანდაცვის სერვისებზე მათი ინფორმირების და ხელმისაწვდომობის გაზრდას.

გარდა ამისა, დევნილთა თემი ჩაერთვება ფონდი „სოხუმის“ მიერ ორგანიზებულ „ფორუმ თეატრის“ წარმოდგენაშიც, რომლის დროსაც აქტიურად იმსჯელებენ ქალთა მიმართ ძალადობის საკითხებზე და მისი აღკვეთის გზებზე.

აქტივობები ჩატარდება შემდეგ თარიღებსა და ლოკაციებში:

წყალტუბო - 01.12.23. ხონი - 05.12.23. ზუგდიდი - 06.12.23. სენაკი - 08.12.23. ქუთაისი - 09.12.23.

ერთად, გენდერული ძალადობის წინააღმდეგ!

„დაარღვიე დუმილი, აღკვეთე ძალადობა!“

აღნიშნული კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში

დღის სიახლეები

გენდერი

Search