ქ.ქუთაისის ბაგა-ბაღების გაერთიანების ინფორმაციით,  საბავშვო ბაღებში სააღმზრდელო პროცესი შეწყდება 27 დეკემბერს. ზამთრის არდადეგები 20 იანვრამდე გაგრძელდება.

 ქუთაისში სულ 37 საბავშვო ბაღია.

ხონის მუნიციპალიტეტში საგანმანათლებლო ინფრასტრუქტურის მოწყობის მიზნით სარეაბილიტაციო სამუშაოები აქტიურად მიმდინარეობს. შენობები თანამედროვე სტანდარტის შესაბამისად ეწყობა და სრულად იქნება ადაპტირებული შეზღუდული შესაძლებლობის მქონე პირებისთვის.

#1 საჯარო სკოლისა და #3 საბავშვო ბაღის რეაბილიტაციის მიმდინარეობას ადგილზე გაეცნო იმერეთში სახელმწიფო რწმუნებული ლევან ზალკალიანი და ხონის მუნიციპალიტეტის მერი ლადო ჯურხაძე.

პროექტის ფარგლებში აღნიშნულ დაწესებულებებში ეწყობა საკლასო ოთახები, საპირფარეშოები, ასევე, მონტაჟდება გათბობისა და წყალმომარაგების სისტემები. გარდა ამისა მოპირკეთდება ეზოები.

#1 საჯარო სკოლა 600 ბავშვზეა გათვლილი. სამუშაოების დასრულების შემდეგ მოსწავლეები კომფორტულ გარემოში გააგრძელებენ სასწავლო პროცესს.

#3 სკოლამდელი დაწესებულება 150 აღსაზრდელს მოემსახურება. პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ ფინანსდება.

სკოლამდელი დაწესებულება 50 აღსაზრდელზეა გათვლილი და მიმდებარე სოფლებს მოემსახურება. 

თანამედროვე სტანდარტების შესაბამისი საბავშვო ბაღის შენობაში დამონტაჟდა ცენტრალური გათბობა, აღიჭურვა ინვენტარით, კეთილმოეწყო შიდა და გარე სივრცეები. ასევე, ადაპტირებულია შშმ პირებისთვის. პროექტის საერთო ღირებულება 1 200 000 ლარს შეადგენს.

საგანმანათლებლო ინფრასტრუქტურის განვითარების მიზნით, ზედა სიმონეთის საჯარო სკოლის სრული რეაბილიტაცია მიმდინარეობს. ასევე სკოლის ეზოში ეწყობა სპორტული მოედანი და რეკრეაციული სივრცე.

აღნიშნული სკოლის სრული რეაბილიტაცია რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ ფინანსდება და გათვლილია 450 მოსწავლეზე.

ქუთაისის მუნიციპალიტეტში, 2024 წლის ერთიან ეროვნულ გამოცდებში 100 % -ანი გრანტის მფლობელ ახალგაზრდებს ფულადი ჯილდო გადაეცათ.

ადგილობრივი თვითმმართველობისგან მადლობის სიგელი და თანხა 104-მა სტუდენტმა მიიღო, რომლებმაც სხვადასხვა უნივერსიტეტში სრული სახელმწიფო დაფინანსება მოიპოვეს. 

 გრანტის მფლობელი ახალგაზრდების  დაჯილდოება ქუთაისის მერიის საგანმანათლებლო პროგრამების ფარგლებში განხორციელდა.

ქუთაისში, მასწავლებლის საერთაშორისო დღესთან დაკავშირებით, ადგილობრივმა თვითმმართველობამ წარმატებული პედაგოგები დააჯილდოვა.

 ღონისძიება აკაკი წერეთლის სახელმწიფო უნივერსიტეტის მულტიფუნქციურ სივრცეში გაიმართა.

 "ღვაწლმოსილი ქუთაისელის" წოდება მიენიჭა 5 პედაგოგს, რომლებიც ათწლეულების განმავლობაში ემსახურებიან მომავალი თაობის სწავლა-აღზრდის საქმეს.

 100 წლის პედაგოგს, ანა (გოგუცა) წერეთელს მასწავლებლის დღე მიულოცეს.

ანა წერეთელი მასწავლებლად თითქმის 50 წელი მუშაობდა.

სხვადასხვა წლებში იყო ჭიათურის პირველი საჯარო სკოლისა და სკოლამდელი აღზრდის დაწესებულებების პედაგოგი.

მასწავლებლის დღე 100 წლის პედაგოგს ჭიათურის მუნიციპალიტეტის მერმა მიულოცა.