დღეს ბათუმში ჟურნალისტ მზია ამაღლობელის პროცესი გაიმართება. დასაწყისი 14:00 საათზე  

მოსამართლე ნინო სახელაშვილი „ბათუმელებისა“ და „ნეტგაზეთის“ დამფუძნებლის სისხლის სამართლის საქმეზე განაჩენს გამოაცხადებს.

შეგახსენებთ, მზია ამაღლობელს სილის გაწვნის გამო 4-დან 7 წლამდე პატიმრობა ემუქრება. 

მზია ამაღლობელი 2025 წლის 12 იანვარს დააკავეს სისხლის სამართლის წესით. იგი 200 დღეზე მეტია წინასწარ პატიმრობაში იმყოფება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, 2025 წლის 01 ივლისიდან 31 ივლისის ჩათვლით, უკანონო ტყითსარგებლობის 111 ფაქტი გამოავლინეს. 

გამოვლენილი სამართალდარღვევებიდან 65 ხე-ტყის უკანონო მოპოვება-ტრანსპორტირებას ეხება, 46 კი, სახერხი საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია. სამართალდარღვევებიდან 11 ფაქტი სისხლის სამართლის დანაშაულის ნიშნებს შეიცავს.  

უკანონო ტყითსარგებლობის ყველაზე მეტი - 25 ფაქტი გამოვლენილია აჭარაში. იმერეთში დაფიქსირდა 18 სამართალდარღვევა, კახეთში - 16, სამეგრელო-ზემო სვანეთში - 14, რაჭა-ლეჩხუმი-ქვემო სვანეთში- 12, სამცხე-ჯავახეთშიც - 12, შიდა ქართლში - 6, ქვემო ქართლში - 5, გურიაში - 2, 1 სამართალდარღვევა კი გამოვლენილია მცხეთა-მთიანეთში. 

ჯამში ამოღებულია 115 კუბურ მეტრზე მეტი მოცულობის უკანონოდ მოპოვებული ხე-ტყე.

ამავე პერიოდში, ქვეყნის მასშტაბით, დალუქულია 6 ერთეული არარეგისტრირებული სახერხი საამქრო. მასალები, შემდგომი რეაგირების მიზნით, შესაბამის უწყებებში გადაიგზავნა.

გარემოს ეროვნული სააგენტოს ინფორმაციით,9 აგვისტომდე საქართველოში ნარჩუნდება ჰაერის მაღალი ტემპერატურა, აღმოსავლეთში - ზოგან 38, 40 გრადუსამდე.  

მოსალოდნელი მაღალი ტემპერატურა სითბური სტრესის, ტყის ხანძრების რისკის და გვალვიანი პირობების ჩამოყალიბების ხელშემწყობ ფაქტორს წარმოადგენს (საფრთხის დონე საშუალო).

დღეს მზია ამაღლობელი სასამართლოს დასკვნითი სიტყვით მიმართავს. 

დღესვე სავარაუდოდ მოსამართლე გადაწყვეტილებას გამოაცხადებს.წინა სხდომა 1 აგვისტოს გაიმართა,სადაც ადვოკატებმა დასკვნითი სიტყვა წარმოსთქვეს. 

 მზია ამაღლობელმა სხდომის  გადადება თავად მოითხოვა,რაც მოსამართლემ დააკმაყოფილა.

მზია ამაღლობელს ბათუმის პოლიციის უფროსისთვის, ირაკლი დგებუაძისთვის სილის გაწვნისთვის 4-დან 7 წლამდე პატიმრობა ემუქრება. პროკურატურა მას "პოლიციელზე თავდასხმას" ედავება.

მზია ამაღლობელის საქმეს ბათუმის სასამართლო 7-თვეა განიხილავს.

ფოტო-,,ბათუმელები,,

დაავადებათა კონტროლის ეროვნული ცენტრი მოსახლეობას აფრთხილებს.

ზაფხულის ცხელი პერიოდის დადგომისთანავე მნიშვნელოვნად იმატებს საკვებთან და წყალთან დაკავშირებული ინფექციების - დიარეული დაავადებების, ჰეპატიტი A-ს, ლეპტოსპიროზის, ლეიშმანიოზის და სხვა დაავადებების განვითარების რისკი.

დაავადებებისგან თავის დასაცავად, დაიცავით პრევენციული ღონისძიებები:

• წყალსატევებში ბანაობისას ან თევზჭერისას არ ჩაყლაპოთ წყალი - ეს შეიძლება გახდეს დიარეით, ჰეპატიტი A-თი ან ლეპტოსპიროზით დაავადების მიზეზი.

• მოხმარებამდე კარგად შეწვით ან მოხარშეთ ცხოველური წარმოშობის საკვები, ფრინველის, ღორისა და საქონლის ხორცი, თევზი, კვერცხი.

• აუცილებელია უმი და მოხარშული პროდუქტისათვის გამოიყენოთ სხვადასხვა დასამუშავებელი დაფა.

• ახლადმომზადებული კერძი სასურველია მიირთვათ ცხლად, ან მზა კერძი ჭამის წინ კარგად უნდა გააცხელოთ/წამოადუღოთ.

• არ მიიღოთ უმი, ჭუჭყიანი, გაბზარული, ნახევრად მოხარშული ან სანახევროდ შემწვარი კვერცხი.

• არ მიიღოთ აუდუღარი რძე და რძის პროდუქტები.

• სალათები მაიონეზით ან არაჟნით უნდა შეზავდეს უშუალოდ სუფრაზე მიტანის წინ.

• მწვანილი და ხილი ჯერ უნდა ჩალბეს და შემდეგ გულდასმით უნდა გაირეცხოს გამდინარე წყლით; სასურველია მიიღოთ საღი, ახლად გაფცქვნილი ხილი.

• დაუშვებელია დიარეის (ფაღარათის) მქონე პირებმა მოამზადონ სადილი ან ჩართული იყვნენ სხვა პირის მოვლაში.

• სიმპტომების (ტკივილი მუცლის არეში, დიარეა (ფაღარათი), გულისრევა, ღებინება, სისუსტე, უმადობა და სხვ.) გამოვლენისთანავე მიმართეთ ექიმს.

• ყოველთვის დაიბანეთ ხელი გამდინარე წყლითა და საპნით საკვების მომზადებამდე, საკვების მიღებამდე, ტუალეტით სარგებლობის შემდეგ.

• ზაფხულში მატულობს სხვადასხვა ცხოველების (განსაკუთრებით ძაღლების) მიერ ადამიანთა დაკბენა-დაკაწვრა-დადორბვლის შემთხვევები. ასეთ შემთხვევაში აუცილებელია მიმართოთ უახლოეს სამედიცინო დაწესებულებას.

• მაქსიმალურად დაიცავით თავი კოღოების კბენისაგან იმ გეოგრაფიულ არეალში, სადაც ფლებოტომუსი და/ან კოღოები არის ან შეიძლება იყოს გავრცელებული.

2023 წლის 3 აგვისტოს, 16:00 საათზე, კურორტ შოვის ტერიტორიაზე ჩამოწვა  ღვარცოფი, რასაც მსხვერპლი მოჰყვა. 

ტრაგედიას 33 ადამიანის სიცოცხლე ემსხვერპლა.

 29 აგვისტოს სტიქიური უბედურების ზონაში სამაშველო სამუშაოების შესრულების დროს დაიღუპა სამხედრო პირი .

მეწყერს შეეწირნენ:

ლუკა დუდაშვილი

ანდრია დუდაშვილი

ანასტასია დუდაშვილი

ნატო ჭელიძე

მარიამ მაისურაძე

კოტე მაისურაძე

შორენა ბიჭაშვილი

მეგი გუტაშვილი

გიგი გუტაშვილი

ზაზა მესხი

ალინა პოლიკოვსკა

მათი სამი არასრულწლოვანი შვილი (ერთი მათგანის ცხედარი ამ დრომდე არ უპოვიათ)

სოფი ყარალაშვილი

გიორგი ყარალაშვილი

მარინა ხორბალაძე

მანანა ჯაჭვაძე

გიორგი ხორბალაძე

ნინო კენჭაძე

სალომე ხეთაგური

გვანცა ბუბაშვილი

თემურ ჩარკვიანი

დიტო ფირცხალავა

ნიკა ჩალაძე

სამირა ისაევა

დავით ბერიაშვილი

გიორგი გოგინაშვილი

ქსენია ტრიჩევა

გენადი სულთანიშვილი

სოფო ბაკურაძე

ქეთევან ლობჟანიძე

ლევან რაზმაძე