,,საქნახშირმა,,საწარმოო პროცესი შეაჩერა.განცადება ფეისბუქის გვერდზე გავრცელდა.მიზეზი თანამშრომლებს შორის კორონავირუსის გავრცელება გახდა.კომპანიაში 1170 ადამიანია დასაქმებული. აქედან დიდი ნაწილის პისიარ ტესტის პასუხების მიხედვით,covid19-ი 144 პირს დაუდასტურდა.

სტრატეგია ,,აღმაშენებლის,, ლიდერი და  პრემიერ-მინისტრობის კანდიდატი გიორგი ვაშაძე დღეს ქუთაისში ერთ-ერთ სასტუმროში მივიდა და  ქვეყანაში არსებულ მძიმე ეკონომიკურ მდგომარეობაზე ისაუბრა. მისი თქმით ,ყველაზე რთული სიტუაცია ტურისტულ სფეროშია. ვაშაძე ამბობს ,რომ ქვეყნის მიერ აღებული 5 მილიონიანი საგარეო ვალიდან ტურისტული სექტორამდე თეთრიც არ მისულა.ის  კორუფციულ სქემაზეც საუბრობს.მისი თქმით, ტურისტული სექტორის ქონება ბანკებს მიაქვთ.მიზეზი კი ის არის, რომ სასტუმროების მფლობელები სესხებს ვერ იხდიან.

,,არანაირი შეღავათი არა ქვთ სასტუმროების მეპატრონეებს . 45 მილიონი თავისი მეგობრების კომპანიებს გადაურიცხა ,,ქართულმა ოცნებამ,, საზღვრები დაკეტილია, ტურისტები არ შემოდიან, შემოსავალი ნულოვანია, 200 ათასი სამუშაო ადგილი დაიკარგა და ყველა ეს ქონება გადადის ბანკების საკუთრებაში. 220 მილიონის ქონება უკვე გადაიფორმეს ბანკებმა პირველ 6 თვეში. ეს კატასტროფაა, რომელსაც არ პასუხობს ,,ქართული ოცნება,, და ერთადერთ რამეზე ფიქრობს, რამდენ ფულს გააკეთებს და როგორ დაეხმარება მხოლოდ და მხოლოდ საკუთარ ნათესავებს,, -აცხადებს ვაშაძე.

 დღეიდან, 70 წელს ზემოთ პენსიონერებს პენსია 30 ლარით გაეზრდებათ და 250 ლარს მიაღწევს.

გარდა ამისა, მთავრობის მიერ რამდენიმე თვის წინ მიღებული გადაწყვეტილებით, იზრდება მაღალმთიან სოფლად მცხოვრები პენსიონერების პენსიაც და ის 300 ლარით განისაზღვრება.

პენსიების ზრდა 2020 წლის ანტიკრიზისული ბიუჯეტით არის გათვალისწინებული, რომელზეც ფინანსთა სამინისტრომ და სხვა ეკონომიკურმა უწყებამ იმუშავა.

რუსეთის საოკუპაციო ძალების მიერ, საჩხერის მუნიციპალიტეტის სოფელ პერევის მიმდებარედ უკანონოდ დაკავებული საქართველოს მოქალაქე გათავისუფლებულია. ამ დროისთვის იგი ცენტრალური ხელისუფლების მიერ კონტროლირებად ტერიტორიაზე იმყოფება.

ინფორმაციას საქართველოს სახელმწიფო უსაფრთხოების სამსახური ავრცელებს. 

,,ცენტრალურმა ხელისუფლებამ უკანონოდ დაკავებული საქართველოს მოქალაქის გათავისუფლების მიზნით, მის ხელთ არსებული ყველა რელევანტური ინსტრუმენტი გამოიყენა, მათ შორის, საქართველოში ევროკავშირის სადამკვირვებლო მისიის (EUMM) მიერ მართული "ცხელი ხაზი". 

სახელმწიფო უსაფრთხოების სამსახური უწყვეტ რეჟიმში მუშაობას განაგრძობს, ოკუპირებულ ტერიტორიებზე უკანონო პატიმრობაში მყოფი საქართველოს თითოეული მოქალაქის გასათავისუფლებლად.,,-საქართველოს სახელმწიფო უსაფრთხოების სამსახური. 

ქუთაისში იმერეთის მხარის ადგილობრივი ხელისუფლების, თვითმმართველობის წარმომადგენლებს, ფერმერებსა და მეწარმეებს სოფლის განვითარების სააგენტომ „აგროთანადაფინანსების სახელმწიფო პროგრამა“ წარუდგინა.

შეხვედრაზე პროგრამის მიზნებზე, პირობებსა და თანადაფინანსების შესაძლებლობებზე ისაუბრეს.

„აგროთანადაფინანსების სახელმწიფო პროგრამა“ მიზნად ისახავს სოფლის მეურნეობის განვითარებას, ფერმერებისა და მეწარმეების მხარდაჭერას, აგრობიზნესის კონკურენტუნარიანობის ზრდასა და რეგიონებში ეკონომიკური აქტივობის გაძლიერებას.

ავტორი თეონა ფარულავა 

ქუთაისი–ზესტაფონის საავტომობილო გზაზე მომხდარი ავტოსაგზაო შემთხვევის შედეგად 13 ადამიანი დაშავდა.

არსებული ინფორმაციით, სამგზავრო ავტობუსი გზიდან გადავარდა. წინასწარი ცნობებით, ავტობუსში მყოფი მგზავრები ტურისტები არიან და თბილისიდან დასავლეთ საქართველოს მიმართულებით მიემგზავრებოდნენ.

დაშავებულები ზესტაფონის ორ სამედიცინო დაწესებულებაში – „ფერომედსა“ და „ჯეო ჰოსპიტალსში“ გადაიყვანეს.

„ფერომედის“ ინფორმაციით, კლინიკაში ექვსი პაციენტია მოთავსებული. მათგან ერთ მამაკაცს მძიმე დაზიანებების გამო გადაუდებელი ქირურგიული ოპერაცია ჩაუტარდა. 

შემთხვევის მიზეზი ამ დროისთვის უცნობია. ადგილზე შესაბამისი სამსახურები მუშაობენ .

ავტორი თეონა ფარულავა.