ააიპ „ქალაქ ქუთაისის ბაგა-ბაღების გაერთიანების,,   ინფორმაციით, საბავშვო ბაღებში 2025–2026 სასწავლო-სააღმზრდელო პროცესი განახლდება 15 სექტემბერს.

აღსაზრდელთა რეგისტრაცია იწარმოებს 1 სექტემბრიდან 10 სექტემბრის ჩათვლით.

ბავშვის ჩასარიცხად, მშობელმაშერჩეულ ბაგა-ბაღში  შემდეგი დოკუმენტები უნდა  წარდგინოს:

  ბავშვის დაბადების მოწმობა (დედანი ან ნოტარიულად დამოწმებული ასლი);

  ორი ფოტოსურათი (ფორმატი ¾);

  ჯანმრთელობის ცნობა;

 მშობლების პირადობის მოწმობის ასლები.

დღეს აბიტურიენტები უცხოური ენების გამოცდას ორ სესიად აბარებენ.

ინგლისური ენის გამოცდის პირველ სესიაზე განაწილებულთაგან ტესტირებაზე 93%-ზე მეტი აბიტურიენტი გამოცხადდა.

ამ დროის მონაცემებით დაიგვიანა სამმა აბიტურიენტმა.

მეორე სესიისათვის რეგისტრაცია 14:00 საათზე დაიწყება. 

ქუთაისში გამოცდები სამ სკოლაში,მეჩვიდმეტე,ოცდამესამე და ორმოცდამეერთე საჯარო სკოლებში მიმდინარეობს. 

2025 წლის ერთიანი ეროვნული გამოცდები დაიწყო.

საქართველოს მასშტაბით გახსნილ 24 საგამოცდო ცენტრში აბიტურიენტები დღეს ქართული ენისა და ლიტერატურის გამოცდას აბარებენ.

 საგამოცდო ცენტრები გაიხსნილია თბილისში, ქუთაისში, ბათუმში, ზუგდიდში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში. 

ქუთაისში ორი საგამოცდო ცენტრი ფუნქციონირებს- მეჩვიდმეტე და ოცდამეერთე საჯარო სკოლებში .

 2025 წლის გამოცდებისათვის 80 ათასამდე აბიტურიენტია დარეგისტრირებული. 

პროცესი 22 ივლისს , სახვითი და გამოყენებითი ხელოვნების გამოცდით დასრულდება. მასწავლებლის გამოცდებზე დარეგისტრირებულები საგამოცდო პროცესში 8 ივლისიდან ჩაერთვებიან. 10 ივლისს ჩატარდება სტუდენტთა საგრანტო კონკურსი. მაგისტრანტობის კანდიდატები კი საერთო სამაგისტრო გამოცდას 21 და 22 ივლისს ჩააბარებენ.

სამტრედიის საგანმანათლებლო რესურსცენტრის ინფორმაციით, სამტრედიაში სწავლა შეწყდა.

,,უამინობის და დიდთოვლობის გამო მოსწავლეების უსაფრთხოების დაცვის მიზნით, სამტრედიის მუნიციპალიტეტის ზოგადსაგანმანათლებლო სკოლებში სასწავლო პოროცესი შეჩერებულია 25 თებერვლიდან 28 თებერვლის ჩათვლით.,,-სამტრედიის საგანმანათლებლო რესურსცენტრი.

ბაღდათის მუნიციპალიტეტის სოფელ ფერსათის მე-2 საჯარო სკოლის მოსწავლეები სწავლას თანამედროვე სტანდარტების შესაბამის გარემოში აგრძელებენ.

სოფელ ფერსათის მე-2 საჯარო სკოლის სრული რეაბილიტაცია საქართველოს განათლების, მეცნიერებისა და ახალგაზრდობის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტომ განახორციელა და მისი ღირებულება 4 102 778,35 ლარია.

სკოლის შენობაში, რომელიც გათვლილია 240 მოსწავლეზე, სასწავლო სივრცეების პარალელურად ფუნქციონირებს საბუნებისმეტყველო და კომპიუტერული ლაბორატორიები, ბიბლიოთეკა, სპორტული და სააქტო დარბაზები, ექიმის კაბინეტი და რესურს ოთახი. სკოლა ადაპტირებულია შეზღუდული შესაძლებლობის მქონე პირებისთვის: დამონტაჟებულია ლიფტი, ადაპტირებული სანიტარული კვანძები და პანდუსი. 

ინფრასტრუქტურული პროექტის ფარგლებში ასევე განხორციელდა გარე მოედნის მოწყობაც.  

ახლად რეაბილიტირებული სკოლა საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ გახსნა. 

ცერემონიალს ბაღდათის მუნიციპალიტეტის მერი კახა ენუქიძემ, ბაღდათის მუნიციპალიტეტის საკრებულოს თავმჯდომარე, ნოდარ გიორგიძე და საგანმანათლებლო და სამეცნიერო ინფრასტრუქტურის განვითარების სააგენტოს ხელმძღვანელი, ირაკლი კუპრავა ესწრებოდნენ.

 ქუთაისის მუნიციპალიტეტის მერიამ ეროვნულ სასწავლო  და საერთაშორის ოლიმპიადებზე გამარჯვებული მოსწავლეები და მათი პედაგოგები დააჯილდოვა.

დაჯილდოებულთა შორისაა პირველი საჯარო სკოლის ქართული ენისა და ლიტერატურის პედაგოგი თამუნა ხურციძე.

პროგრამის ფარგლებში დიპლომები და ფულადი ჯილდო გადაეცათ, როგორც ოლიმპიადის გამარჯვებულ მოსწავლეებს და მათ მასწავლებლებს, ასევე, 2024 წელს პედაგოგთა საერთაშორისო ოლიმპიადაზე გამარჯვებულ ქუთაისელ პედაგოგებსაც.

მათ ჯილდო ქუთაისის მერის მოვალეობის შემსრულებელმა დავით ერემეიშვილმა და ადგილობრივი თვითმმართველობის წარმომადგენლებმა გადასცეს.