დასავლეთ საქართველოს 5 მუნიციპალიტეტში (ქუთაისი, ხონი, წყალტუბო,ზუგდიდი, სენაკი) წარმატებით ხორციელდება პროექტი: „ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის“. პროექტის ფარგლებში ჩატარდა 2 დღიანი ტრენინგი თემაზე: - მშვიდობის მშენებლობა -ნდობის გამყარება. ტრენინგს ქალთა საინიციატივო ჯგუფის 50 წევრი ესწრებოდა. 

"ძალიან საინტერესო იყო ლიდერის ფორმებისა და სტილების შესახებ ინფორმაციის მიღება,

დავფიქრდი კითხვაზე - „რითი ვარ გამორჩეული და რა გამიკეთებია განსაკუთრებული ჩემი ოჯახისთვის, ადამიანთა ჯგუფისთვის?“

ძალიან მენიშნა თვისება, რომელიც ყველა ლიდერმა უნდა გამოიყენოს, მაგრამ არ იყენებს - „თანამშრომლების შექება, მათი დამსახურების დანახვა, დაფასება და აღიარება“

-მომეწონა და დამაფიქრა სავარჯიშომ - ლიდერის სასურველმა და არასასურველმა თვისებებმა

 ტრენერის მიერ კონკრეტული მაგალითის განხილვით, გავიგეთ კარგი და სწორი თვითპრეზენტაციის განსხვავება

საინტერესო იყო სავარჯიშო თვითპრეზენტაციის ეტაპების გამოყენებით. არასდროს მიფიქრია თუ ასეთი თანმიმდევრობა იყო საჭირო.

ვიდეორგოლების საშუალებით დავინახეთ წარმატებული და წარუმატებელი საჯარო გამოსვლის ნიმუშები

ძალიან საინტერესო იყო ჯგუფებში მუშაობა სათქმელისა და როლების განაწილებით.

ბევრჯერ დავსწრებივარ ტრენინგს ლიდერობის და პრეზენტაციის თემაზე, მაგრამ ყოველი ტრენინგიდან ყოველთვის მაინც ახალი გამიგია და დღესაც, აქ მიღებულ ცოდნას აუცილებალად გამოვიყენებ ცხოვრებაში.

მე, ასეთ საკითხებში გამოუცდელი ვარ. ძალიან მიხარია რომ ამხელა ჯგუფის წევრი ვარ და ქალბატონების გამოცდილებას ვიზიარებ.

მადლობას გიხდით აქ რომ აღმოვჩნდი. აუცილებლად ყველა ტრენინგს დავესწრები"- ასე შეაფასეს ქალბატონებმა ორდღიანი ტრენინგი, რომელიც პროექტ un women- ის ფარგლებში ჩატარდა 5 მუნიციპალიტეტის (ქუთაისი, ხონი, წყალტუბო, ზუგდიდი, სენაკი) ქალთა საინიციატივო ჯგუფის წევრებთან.

ტრენინგში 52 აქტიურმა ქალბატონმა მიიღო მონაწილეობა.

პროექტის „ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის“ ფარგლებში ჩატარდა ანკეტირება „დევნილ ქალთა და გოგონების საჭიროებების შესწავლის შესახებ“. რომლის ფარგლებში კითხვარები შეივსო ხონის დევნილთა დასახლებაში. ანკეტირების პროცესში აქტიურად იყვნენ ჩართულები  ქუთაისის,ხონის, წყალტუბოს,სენაკისა და ზუგდიდის ქალთა საინიციატივო ჯგუფის წევრები.

იმისთვის, რომ დასახლების სოციალური პორტფელიო სრულყოფილად ასახავდეს არსებულ პრობლემებს , დამატებითი ინფორმაციის მიღების მიზნით აღნიშნულ დასახლებაში ჩატარდა შეხვედრები და მოხდა შევსებული კითხვარების განხილვა,რამაც კიდევ უფრო ნათლად დაანახა მოსახლეობას , თუ რა პრობლემების გადაჭრა არის მათთვის პრიორიტეტული.

ქალთა ფონდი „სოხუმის“ ზუგდიდის ქალთა საინიციატივო ჯგუფის წევრებთან საკონსულტაციო შეხვედრა ჩატარდა. ქალბატონები   ანკეტირების ჩასატარებლად მოემზადდნენ.

ზუგდიდის მუნიციპალიტეტში სხვადასხვა კოლექტიურ ცენტრებში მცხოვრები, სხვადასხვა სტატუსის მქონე 40 ქალბატონო გამოიკითხება.

გამოკითხვა მიზნად ისახავს დევნილთა კოლექტიური ცენტრების და პრივატიზებული ობიექტების სოციალური პროფილის შექმნას.

ა.წ . 17 მარტს ჩატარდა შეხვედრა-კონსულტაცია პროექტის "ქალები და ახალგაზრდები ქალების მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის"  ფარგლებში,(UNWOMEN) ქუთაისის მუნიციპალიტეტის სამუშაო ჯგუფის წევრებთან, რომელშიც 12 წევრმა მიიღო მონაწილეობა.

შეხვედრის დღის წესრიგის თანახმად, მონაწილეებთან განხილულ იქნა „კითხვარი“, რომელიც შემუშავებულია და ითვალისწინებს კოლექტიურ ცენტრებში მცხოვრებ პირთა საჭიროებების შესწავლას, შემდგომ ამ საკითხების ადვოკატირების მიზნით.

ამავე შეხვედრაზე განაწილდა პერსონალურად დავალებები და ყველა ტექნიკურ კითხვაზე იქნა მიღებული გადაწყვეტილება.

#UNWOMEN

#წყალტუბოსსაინიციატივოჯგუფი

პროექტი: "ქალები და ახალგაზრდები ქალების მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის" ფარგლებში, წყალტუბოს მუნიციპალიტეტში, ქალთა საინიციატივო ჯგუფის წევრების მიერ, დევნილთა კოლექტიურ დასახლებებში, სოციალური საჭიროებების და პრობლემების იდენტიფიცირებისათვის გამოკითხვის პროცესი დაიწყო.

ანკეტირება მიზნად ისახავს, დევნილთა ჩასახლებებში არსებული პრობლემური საკითხების წარმოჩენას და შემდგომში მის ადვოკატირებას პრიორიტეტულობის მიხედვით ადგილობრივ თვითმართველობასთან თანამშრომლობით.