გარემოსდაცვითი ზედამხედველობის დასავლეთის რეგიონული სამმართველოს თანამშრომლებმა იმერეთში უკანონო თევზჭერის 2 ფაქტი გამოავლინეს. 

ნამახვანჰესის საწინააღმდეგო აქციაზე დაკავებული 8 პირი ქუთაისის საქალაქო  სასამართლომ დარბაზიდან გაათავისუფლა.სხდომათა დარბაზიდან გამოსული  ადვოკატის,დალი სულაქველიძის თქმით, ბრალდებულები 173-ე მუხლით,რომელიც სამართალდამცავი ორგანოს მუშაკის ან სამხედრო მოსამსახურის და სახელმწიფო დაცვის სპეციალური სამსახურის თანამშრომლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს, გაამართლეს,ხოლო 166-ე მუხლის მიხედვით ,რომელიც ხულიგნობას გულისხმობს,მათ მოსამართლემ შენიშვნა მისცა,რის გასაჩივრებასაც ადვოკატი გეგმავს.

8 დაკავებულს სასამართლოსთან მხარდამჭერები ელოდნენ,რომლებიც მიმდებარე ტეტიტორიაზე  აქციას  მართავდნენ.

მმართველობის მონიტორინგის ცენტრის იმერეთის ბიუროს ხელმძღვანელი სოფელ შუქრუთის მაცხოვრებლებთან დაკავშირებით ინფორმაციას ავრცელებს.ნოდარ ჩაჩანიძე ფეისბუქგვერდზე წერს,რომ გუშინ საღამოს "ჯორჯიანმანგანეზის"ხელმძღვანელობამ და კომპანიის სახელმწიფო მმართველმა ახალი პირობებით მოლაპარაკებების სურვილი გამოთქვეს.შედეგად კი სოფლის მოსახლეობამ მშრალ შიმშილობაზე უარი თქვეს და წყლის მიღება განაახლეს.კომპანია"ჯორჯიანმანგანეზთან" მოლაპარაკებებში შუქრუთელების მხრიდან ჩართულია მაღალკვალიფიციური იურისტი-მედიატორი.ნოდარ ჩაჩანიძე იმედოვნებს,რომ მოლაპარაკებები უმოკლეს დრო ში  წარმატებით დასრულდება.

შუქრუთის მაცხოვრებლებმა რამდენიმე დღეა მშრალი შიმშილობა დაიწყეს.ისინი თბილისში,ამერიკის საელჩოსთან იმყოფებიან.ითხოვენ,რომ კომპანია "ჯორჯიანმანგანეზმა" მარგანეცის მოპოვების შედეგად მიყენებული ზიანი სრულად აუნაზღაუროთ

ამ წუთებში ,,რიონის ხეობის მცველები,, და მათი მხარდამჭერები ქუთაისის საქალაქო სასამრთლოსთან იკრიბებიან, სადაც დღეს 17:00 საათზე ნამახვანჰესის საქმეზე დაკავებულების განაჩენი უნდა გამოცხადდეს.აქციის მონაწილეები ადგილზე პროტესტს საყვირებით გამოხატავენ.

,,რიონის ხეობის მცველებმა,, კომპანია ,,ენკას,, ოფისთან აქცია გამართაეს.შეფერხებული იყო  ავტომანქანების მოძრაობა, ადგილზე იმყოფებოდნენ სამართალდამცველები.

ოფისთან იმყოფებოდნენ მოძრაობა ,,რიონის ხეობის გადარჩენისთვის,, ლიდერები.   ოფისის შესასვლელზე წებოვანი  თეთრი ლენტიც გააკრეს.   მონაწილეები  პროტესტს საყვირებით გამოხატავდენ. ისინი ნამოხვანჰესის მშენებლობის შეჩერებას მოითხოვენ.

ლიდერების  თქმით, დღეს გამაფრთხილებელი აქცია იმართება და თუ მათი მოთხოვნები არ შესრულდება, მოხდება სხვადასხვა ობიექტის რეალური პიკეტირება. აქტივისტების მოთხოვნაა, რომ ,,ენკამ,, ადგილზე ყოველგვარი სამუშაოები შეაჩეროს.

,,რიონის ხეობის მცველები,, და მათი მხარდამჭერები დღეს მსვლელობას გამართავენ.გუმათიდან ისინი კომპანია ,,ენკას,, ოფისისკენ ფეხით დაიძვრებიან, ხოლო მოგვიანებით შეკრებას ქუთაისის საქალაქო სასამართლოსთან გეგმავენ, სადაც დღეს 5 საათზე ნამახვანჰესის საქმეზე დაკავებულების განაჩენი უნდა გამოცხადდეს.მსვლელობა გუმათიდან 14:00 საათზე დაიწყება.

,,რიონის ხეობის მცველებმა,, კარვებში 223-ე ღამე გაათიეს.