ქალაქის ცენტრალური ნაძვის ხე ,სიმბოლური სახელწოდებით ,,ყინულის დედოფალი,,  დღეს 8 საათზე აინთება . დიზაინერები ბოლო დეტალებზე მუშაობენ .

წელს ნაძვის ხე თეთრად განათდება და ბაგრატის ტაძრის არქიტექტურული ორნამენტებით იქნება დამშვენებული . 

 ქუთაისის საახალწლო მორთულობის ბიუჯეტი140 ათასი ლარით განისაზღვრა. აქედან ქალაქის მთავარი ნაძვის ხისთვის 15 ათასი დაიხარჯა.

სამტრედიის მუნიციპალიტეტში ქმარმა ცოლი მოკლა. ბრალდებული უკვე დააკავეს. ინფორმაციას შინაგან საქმეთა სამინისტრო ავრცელებს.

 1988 წელს დაბადებული მ.მ., ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით, სამტრედიაში დააკავეს.

დანაშაული 13-დან 17 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მამაკაცმა, ოჯახური კონფლიქტის ნიადაგზე, ცივი იარაღით ყელის არეში ჭრილობა მიაყენა მეუღლეს - 1973 წელს დაბადებულ ე.კ.-ს და მიიმალა. დაჭრილი ქალი შემთხვევის ადგილზევე გარდაიცვალა.

სამართალდამცველებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, ბრალდებული მამაკაცი მომხდარიდან რამდენიმე საათში, საკუთარ სახლთან ახლოს, მიტოვებულ სახლში დააკავეს.

პოლიციამ დანაშაულის ჩადენის იარაღი - დანა ნივთმტკიცების სახით ამოიღო.

დაკავებული დანაშაულს აღიარებს.

გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის „ვ“ ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

დღეს ქუთაისში ჭავჭავაძის გამზირზე მდებარე შპს ,,იმერეთის,, მოვაჭრეებმა  აქცია გამართეს.ისინი მუშაობის უფლებას  და ბაზრობის გახსნას ითხოვენ.

,,ჩვენ ვართ ერთადერთი გამონაკლისი .ისეთი რაღაცეები არის გახსნილი და ჩვენ არ ვართ ღირსი? ამბობენ , რომ წერტილოვანი გახსნაა და ჩვენ რა დავაშავეთ? ყველაფერი მოწესრიგებული გვაქვს. ძალიან გაჭირვებულ დღეში ვართ. არჩევნებისთვის რომ ემზადებოდნენ , შემოდიოდნენ და ხმა მოგვეცითო,  და ახლა სად არიან?,,-აცხადებს ერთ-ერთი მოვაჭრე ნათელა გოცირიძე.

მერიის ხედამხედველობის სამსახურის ინფორმაციით, ისინი აფრთხილებენ მოვაჭრეებს, რომ დაიცვან რეგულაციები, სხვა საკითხები კი  მათ კომპეტენციაში არ შედის .

ადგილზე მობილიზებული იყო პოლიცია.

საკოორდინაციო საბჭოს გადაწყვეტილებით, დღეიდან არ გაიხსნა ბაზრობები.

დღეს მუშაობის განახლების უფლება არ მისცეს,, გვირაბი 95-ის,, მოვაჭრეებს. მათი თქმით, მიუხედავად იმისა, რომ მაღაზიები პატარა ზომისაა, დისტანციის დაცვას შეძლებენ.მოვაჭრეები ამბობენ, რომ მუშაობის უფლება თუ არ მიეცემათ, ულუკმაპუროდ რჩებიან.

,,ერთი თვეა სახლში ვარ, დიდი ოჯახი მაქვს, 7 სული ვართ, მეტი შემოსავალი არ მაქვს,ვვაჭრობ ზამთრის ფეხსაცმელით, რასაც ახლა თუ გავყიდი, თორე  იანვრის ბოლოს აღარვის ენდომება.გთხოვთ ნუ დაგვტოვებთ ულუკმაპუროდ.,, -აცხადებს ერთ-ერთი მოვაჭრე ხათუნა კაკაურიძე.

,,ჩვენც გვეშინია ეპიდემიის, შეგვიძლია დავიცვათ რეგულაციები, ნუ გაგვაკოტრებთ,,-ამბობს ნანა კვიცარიძე, ,,გვირაბი 95-ის,, თანამშრომელი.

,,მერიიდან ვერავინ ვერ გამცა პასუხი, ვერც ზედამხედველობის სამსახურმა, თუ რატომ არ ვიხსნებით .გახსნილია ობიექტები, რომელთა მაღაზიები 10 ან 15 კვადრატია, სწორედ ამან წარმოქმნა უკმაყოფილება.,, -ამბობს ,,გვირაბი 95 -ის,, დირექტორი ბონდო ბრეგაძე.

კითხვეით რატომ არ გაიხსნა ,,გვირაბი 95,, ჩვენ ჯანდაცვის სამინისტროს მივმართეთ,სადაც განგვიმარტეს,რომ სავაჭრო დაწესებულება მოთხოვნებს ვერ აკმაყოფილებს.

დღეიდან სავაჭრო ცენტრები და მოლები გაიხსნა,თუმცა არ გახსნილა ბაზრობები.სავაჭრო ცენტრები გარკვეული წესების დაცვით იმუშავებენ.

საკოორდინაციო საბჭო ინფორმაციას ავრცელებს.

1.ბაზრობები არ გაიხსნება. მუშაობას ისევ გააგრძელებენ აგრარული ბაზრები, წესების სრული დაცვის პირობით;

2 . 24 დეკემბრიდან- 2 იანვრის ჩათვლით  კოვიდ-უსაფრთხოების ყველა წესის დაცვის შემთხვევაში მუშაობას განაახლებენ სავაჭრო ობიექტები;

3. მეტიც, გათვალისწინებულია დამატებითი რეგულაციები, რომელზეც წინასწარ გაიმართა კონსულტაციები ბიზნესთან:

მაღაზიების სამუშაო საათები განისაზღვრება დილის 07:00დან 19:00 საათამდემომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც:

მაღაზიის ფართის ყოველ 20მ2 დაიშვება არაუმეტეს ერთი მომხმარებელიმაღაზიების როგორც შიდა, ასევე მაღაზიის გარე სივრცეში უნდა მოხდეს მომხმარებელთა რიგების მართვა;

ფასდაკლებების აქციები გამოცხადდეს ძირითადად დილის საათებში ან/და ონლაინ გაყიდვების შემთხვევაში;

ტანსაცმლის მაღაზიებში არ იმუშავებენ გასახდელები. ამასთან მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მომხდეს მხოლოდ 1 თებერვლის შემდეგსავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნებიაღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციასნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასევე საქმიანობის შეჩერება.

დღეიდან შეზღუდვების ნაწილი შემსუბუქდა, თუმცა არ შეეხო ტრანსპორტს ქუთაისსა და კიდევ 7 დიდ ქალაქში.საკოორდინაციო საბჭოს გადაწყვეტილებით, ძალაში რჩება მუნიციპალური ტრანსპორტის შეზღუდვა თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში.

 ასევე არ არის ნებადართული  საქალაქთაშორისო ტრანსპორტის გადაადგილება ,თუმცა კერძო ავტომანქანებით მოძრაობა დაშვებულია.

რაც შეეხება ღამით  გადაადგილებას,ძალაში რჩება გადაადგილების შეზღუდვა მთელი ქვეყნის მასშტაბით 21:00 საათიდან 05:00 საათამდე, როგორც ქვეითად, ისე ავტომობილით;

გამონაკლისი იქნება ახალი წლის ღამე - 31 დეკემბრის ღამე და ასევე შობის ღამე - 6 იანვრის ღამე;