წყალტუბოს მუნიციპალიტეტის სოფელ უკანეთში, გამარჯვების პლატფორმის კამპანიის ფარგლებში ,,ერთიანი ნაციონალური მოძრაობის,, თავმჯდომარე ლევან ხაბეიშვილმა და სტრატეგია,, აღმაშენებლის ,, თავმჯდომარე გიორგი ვაშაძემ საქართველოს და ევროკავშირის დროშები აღმართეს.
ცერემონიალში ადგილობრივი მოსახლეობა, ,,ერთიანი ნაციონალური მოძრაობის,, იმერეთის პოლიტიკური საბჭოს თავმჯდომარე და წყალტუბოს ორგანიზაციის თავმჯდომარე მონაწილეობდნენ.
,,ევროკავშირი ხომ საქართველოსთვის და სოფლების გაძლიერებისთვის, სამუშაო ადგილებისთვის გვინდა. ჩვენ ჩავალთ ყველგან და ადამიანებს ვესაუბრებით მათი პრობლემების შესახებ. ამ სოფელში ,,ქართულ ოცნებას" არასდროს მოუგია." - განაცხადა გიორგი ვაშაძემ.
,,ეს არის კამპანიის ნაწილი და დროშები ეტაპობრივად სხვადასხვა სოფელში აღიმართება.როგორც იმერეთში, ასევე საქართველოს სხვა კუთხეებშიც,, - განაცხადა თემურ ცამციშვილმა.
პრემიერ-მინისტრის განცხადებით, შოვში და გურიაში მომხდარი სტიქიის შედეგად დაღუპულების ოჯახებს სახელმწიფო 20 000 ლარით დაეხმარება.
აღნიშნულის შესახებ ღარიბაშვილმა მთავრობის სხდომის დაწყებამდე განაცხადა.
როგორც პრემიერმა განმარტა, სახელმწიფო ასევე დაეხმარება გურიაში, სტიქიის შედეგად დაზიანებული, ან დანგრეული სახლის მფლობელებს.
„კიდევ ერთხელ მინდა შევეხო შოვში დატრიალებულ ტრაგედიას და რამდენიმე დღის წინ, გურიაში მომხდარ ტრაგედიას, რამაც 3 ადამიანის სიცოცხლე შეიწირა. შოვში 32 ჩვენი მოქალაქე შეეწირა ამ დიდ ტრაგედიას, დიდ სტიქიას. ჩვენ გვქონდა ამის თაობაზე მსჯელობა და მივიღეთ გადაწყვეტილება, რომ გაიცეს ერთჯერადი ფულადი დახმარება გარდაცვლილთა ოჯახებისთვის, თითოეულ გარდაცვლილზე 20 000 ლარის ოდენობით. ასევე მინდა ვთქვა, რომ გურიაში ძალიან ბევრ ჩვენს თანამოქალაქეს დაუზიანდა სახლები, ბევრს დაენგრა, იმ სახლებში გაჩერება შეუძლებელია, არ შეიძლება იქ ცხოვრება, ჩვენ ამ საკითხზე გვქონდა მსჯელობა ეკონომიკურ საბჭოზე და მივიღეთ გადაწყვეტილება, ყველა ის მოქალაქე, ვისაც სახლი დაენგრა, ან ვისი სახლიც გამოუსადეგარი გახდება, ყველას განსახლება მოხდება და ამ ოჯახებს ან ახალი სახლი მიეცემათ, ან ჩვენ შევუძენთ, ან ავაშენებთ, ან თანხას გადავცემთ და თავად შეიძენენ სახლებს. ესეც მინდოდა მეთქვა ჩვენი გურულებისთვის, არავითარი სანერვიულო მათ არ აქვთ, ჩვენ ყველაფერში დავეხმარებით და მოვაგვარებთ მათ პრობლემებს. დანარჩენი სამუშაოები აქტიურად მიმდინარეობს, რეგიონებში სტიქიის შედეგების აღმოფხვრა მიმდინარეობს. აქვე მინდა შემთხვევით ვისარგებლო და საზოგადოებას ვაცნობო, ძალიან ბევრი ქართული კომპანია დაეხმარა სახელმწიფოს შოვში, სალიკვიდაციო სამუშაოებში და არც ერთი თეთრი, მათ არ აუღიათ ბიუჯეტიდან, ეს იყო მათი გადაწყვეტილება, საუბარია მილიონობით ლარზე, მათ თავად გაიღეს აღნიშნული კონტრიბუცია. მინდა, გულწრფელი მადლობა გადავუხადო ყველა იმ კომპანიას, ვინც ეს კონტრიბუცია გააკეთა და ჩვენ დეტალურად გავავრცელებთ, ყველა იმ კომპანიის სახელს, ვინც მონაწილეობა მიიღო შოვში მომხდარი სტიქიის შედეგების სალიკვიდაციო სამუშაოებში“, - განაცხადა ღარიბაშვილმა.
