ქუთაისის საკრებულოს წევრმა "ერთიანი ნაციონალური მოძრაობიდან" გიგა შუშანიამ დღეს პროკუტარაში განცხადება შეიტანა და ქუთაისის მერიის იმ თანამდებობის პირების დასჯა მოითხოვა,რომელთა პასუხისმგებლობაც აუდიტის დასკვნის მიხედვით იკვეთება.
"მაშინ როდესაც , "ქართული ოცნება" ასამართლებს პრეზიდენტ სააკაშვილს 7 პიჯაკის შეძენისთვის,გვირგვინებისა და პრეზიდენტ იუშენკოს მასპინძლობისათვის,აი ამ დროს, ქუთაისის მერია , 2019 - 2020 წლებში მილიონობით ლარის გაფლანგვით იყო დაკავებული,საკუთარ თავებს სოციალურად დაუცველების სტატუსით 382 ათას ლარს უწერდნენ,22 მილიონიანი ახალი ავტობუსები შეძენიდან 9 თვის განმავლობაში 594-ჯერ გაფუჭდა. დასკნაში წერია,რომ მილიონობით ლარი არის გაფლანგული გზებზე,ინფრასტრუქტურაზე.აქ იკვეთება დიდი ოდენობით თანხების გაფლანგვა,თანამდებობის ბოროტად გამოყენება,გულგრილობა,ამიტომ მივმართავ პროკურატურას,დაიწყოს გამოძიება და დადგეს კონკრეტული თანამდებობის პირების პასუხისმგებლობის საკითხი."-განაცხადა გიგა შუშანიამ.
აუდიტის სამსახურის დასკვნაში წერია,რომ ქუთაისის ადგილობრივი თვითმმართველობის თანამშრომლები სოციალური შემწეობის მიმღებთა სიაში იყვნენ და ბიუჯეტიდან ჯამში 358 ათასი ლარი აქვთ დარიცხული.დასკვნის მიხედვით, საქმე ეხება 2019-2020 წლებს.
ასევე იგივე წლებში , საჯარო მოხელეებს დანამატის სახით მიღებული აქვთ 331 000 ლარი, ფულადი ჯილდოს სახით კი – 432 000 ათასი ლარი.
საქართველო 191 ქვეყანას შორის პირველ ადგილზეა უკრაინისთვის 400 ტონა ჰუმანიტარული ტვირთის მიწოდებით. შესაბამის ოფიციალურ მონაცემებს უკრაინის სახელმწიფო ფოსტა “Ukrposhta“ აქვეყნებს.
ამავე უწყების ცნობით, საქართველო იმ 14 ქვეყანას შორისაც დასახელდა, რომელიც ფიზიკურ და იურიდიულ პირებს აძლევს საშუალებას უფასოდ გააგზავნონ საფოსტო გზავნილები (ამანათები) უკრაინის მიმართულებით მათთვის სასურველ ადრესატებთან.
„უკრპოშტის“ მონაცემებით, მეორე ადგილზეა რუმინეთი - 80 ტონა ჰუმანიტარული ტვირთით, მესამეზე კი ბელგია 40 ტონა ტვირთით. უკრაინის ფოსტის მიერ გამოქვეყნებული ინფორმაცია 1-ლი აპრილის მონაცემებს ასახავს.
საქართველოს პრემიერ-მინისტრ ირაკლი ღარიბაშვილის გადაწყვეტილებით, უკრაინაში პირველი ჰუმანიტარული ტვირთი თებერვალში გაიგზავნა. ასევე საქართველოს პრემიერ-მინისტრის გადაწყვეტილებით, ქვეყნის ყველა რეგიონის სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, მთელი საქართველოს მასშტაბით, ჰუმანიტარული ტვირთი შეგროვდა და უკრაინაში გაიგზავნა რამდენიმე კვირის წინ.
უკრაინელთა დასახმარებლად ჰუმანიტარული ტვირთი შეაგროვა და უკრაინაში გააგზავნა საქართველოს პარლამენტმა, თბილისის მერიამ, საპატრიარქომ, სურსათის ეროვნულმა სააგენტომ.
გარდა ამისა, მთავრობის ინიციატივით, სააგენტომ „აწარმოე საქართველოში“ კამპანია „აწარმოე უკრაინისთვის“ წამოიწყო, რომლის ფარგლებშიც ქართული კომპანიების წარმოებული ან მათ მიერ შეძენილი სხვადასხვა საჭიროების პროდუქცია უკრაინაში სამ ეტაპად გაიგზავნა.
უკრაინაში ჰუმანიტარული ტვირთების გაგზავნა ლოგისტიკურად „საქართველოს ფოსტამ“ უზრუნველყო უკრაინის ფოსტასთან თანამშრომლობით. ამასთან, “საქართველოს ფოსტამ“ დაიწყო კამპანია და უკრაინელი ხალხის სოლიდარობის ნიშნად, საქართველოს მთავრობის გადაწყვეტილებით, ფიზიკური პირებისგან, უფასოდ აგზავნის ჰუმანიტარული დანიშნულების საფოსტო გზავნილებს უკრაინის მიმართულებით.
ასევე, “საქართველოს ფოსტის” თანამშრომლებმა, უკრაინის სახელმწიფო ფოსტის “Ukrposhta” თანამშრომლებს, სოლიდარობის ნიშნად, გაუგზავნეს ჰუმანიტარული დანიშნულების ამანათი.
უკრაინაში ომის დაწყებიდან დღემდე საქართველოდან უკრაინელი ხალხის დახმარების მიზნით, სხვადასხვა საჭიროების პროდუქცია, მათ შორის საკვები და სასმელი პროდუქცია, პირველადი მოხმარებისა და სამედიცინო დახმარების ნივთები გააგზავნა.