ხვალ,21 დეკემბერს,ქუთაისელების მარშის პარალელურად,საპროტესტო აქცია ქუთაისშიც გაიმართება.

,,შაბათს, 21 დეკემბერს ბევრი ადამიანი ვაპირებდით წასვლას თბილისში "ქუთაისელების მარშზე", მაგრამ...ზუსტად მაგ დღეს, ქუთაისის მერიამ გადაწყვიტა ნაძვის ხის საზეიმოდ ანთება. 

2 საათიდან აპირებენ დაწყებას და ალბათ საღამოს" დაგვირგვინებას"-თუ კი მივცემთ მაგის საშუალებას.

ვინც ქალაქში რჩებით და ოდნავ მაინც გელახებათ თავმოყვარეობა ამ ფაქტით, ვიკრიბებით მერიის წინ დღის 12 საათზე. 

P.S. თუ რომელი "ლეგენდარული" ჯგუფები და მუსიკოს- შემსრულებლები მონაწილეობენ, ჯერჯერობით გასაიდუმლოებულია...,,-წერია ინფორმაციაში. 

ხვალ,19 :00 საათზე ქუთაისში ნაძვის ხის ანთება იგეგმება.მანამდე კი,14:00საათიდან საახალწლო ღონისძიებები გაიმართება. 

ხვალ თბილისში ქუთაისელების მარში გაიმართება. მარში 15:00  საათზე დაიწყება.

ქუთაისიდან დედაქალაქისკენ მანქანების კოლონა დილის 10:00 საათიდან დაიძვრება.

შეკრება ცენტრალურ მოედანზეა დაგეგმილი.

 იმერეთის სამხარეო ადმინისტრაცია 4  მუნიციპალიტეტში საახალწლო ღონისძიებების განრიგს ავრცელებს. 

ხარაგაულში საახალწლო აქტივობები  22 დეკემბერს, კულტურისა და დასვენების პარკში 13:00 საათიდან დაიწყება. 

წყალტუბოში ნაძვის ხე 23 დეკემბერს  აინთება, საახალწლო ღონისძიებები კი 14:00 საათიდან,ცენტრალური პარკის მიმდებარედ  გაიმართება. 

23 დეკემბერს, ბაღდათის კულტურის ცენტრის მიმდინარე ტერიტორიაზე საახალწლო აქტივობები 14 საათიდან დაიწყება. აინთება ნაძვის ხეც.

24 დეკემბერეს აინთება ნაძვის ხე ზესტაფონში. საახალწლო ღონისძიებებს ცენტრალური მოედანი 13:00 საათიდან უმასპინძლებს. 

ქითაისში ნაძვის ხე 21 დეკემბერს,19:00 საათზე  აინთება.

ქუთაისის მერიის მიერ გავრცელებული ინფორმაციით, საზეიმო ღონისძიებები  ცენტრალურ მოედანზე 14:00 საათიდან დაიწყება.

უხვი ნალექის შედეგად თერჯოლის მუნიციპალიტეტის სოფელ თუზში მიწის მასა ჩამოიშალა. გადაადგილების პრობლემა შეიქმნა სოფელ თუზი -თავასას დამაკავშირებელ ცენტრალურ გზასა და ცინაძეები -რიჟამაძეების საუბნო გზაზე.

სოფელ ღვანკითში ადიდებული ღელედან გადმოსულმა წყალმა გავაშელაშვილი-ქურცაძეების საუბნო გზა დატბორა. 

 თერჯოლის მუნიციპალიტეტის მერიის ინფორმაციით მობილიზებულია ტექნიკა, იწმინდება გზები და სანიაღვრეები.

ამ დროისათვის ელექტრო ენერგია არ მიეწოდება ორი სოფლის 550 აბონენტს.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი წინასაახალწლო პერიოდში ხე-მცენარეების მოპოვებაზე, ტრანსპორტირებასა და რეალიზაციაზე კონტროლს ამკაცრებს. აღნიშნულ პერიოდში პრიორიტეტი იქნება წიწვოვანი ხე-მცენარეების უკანონოდ მოპოვების ფაქტების აღმოფხვრა. დეპარტამენტის თანამშრომლები გაძლიერებულ მონიტორინგს საქართველოს მასშტაბით 24 საათის განმავლობაში განახორციელებენ; განსაკუთრებული აქცენტი კეთდება იმ რეგიონებზე, სადაც წიწვოვანი ტყეებია. დედაქალაქში აქტიურად მოწმდება სპორტის სასახლის, ვაგზლის, მეტროსადგურების მიმდებარე ტერიტორიები, სადაც წინასაახალწლო პერიოდში წიწვოვანი ხე-მცენარეები ან ტოტები იყიდება.  

წიწვოვანი ხე-მცენარეების კანონიერად მოპოვება და რეალიზაცია დასაშვებია მხოლოდ იმ შემთხვევაში, თუ ის მოპოვებულია სანერგეებში, პლანტაციებში, საკარმიდამო ნაკვეთებში ან იმპორტირებულია. ამასთანავე, რეალიზატორს უნდა ჰქონდეს ხე-მცენარის კანონიერად ფლობის დამადასტურებელი სათანადო დოკუმენტი. თუ წიწვოვანი მცენარე მოპოვებულია კერძო საკუთრებაში არსებულ მიწის ნაკვეთზე ან ხელოვნურად გაშენებულ სანერგეში, ტრანსპორტირებისთვის სავალდებულოა ადგილწარმოშობის ცნობა, რომელსაც გასცემს ადგილობრივი მუნიციპალიტეტის გამგეობა. 

წიწვოვანების უკანონოდ მოპოვებაზე, ტრანსპორტირებასა და რეალიზაციის წესის დარღვევაზე ჯარიმა პირველ ჯერზე 2000 ლარამდე, ხოლო გამეორების შემთხვევაში 5000 ლარის ოდენობით განისაზღვრება, რასაც ემატება გარემოსთვის მიყენებული ზიანის თანხის ოდენობა. თუ ზიანის ოდენობა 1000 ლარს აჭარბებს, პირის მიმართ სისხლის სამართლის პასუხისმგებლობა დგება.