გარემოს ეროვნული სააგენტო უახლოესი დღეების ამინდის პროგნოზს ავრცელებს.

20 აპრილს, დღის მეორე ნახევრიდან 23 აპრილამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა,  ძლიერი ქარი, ზღვაზე 3-4 ბალიანი ღელვა. 

ამ დრომდე რიონის ხეობისკენ მიმავალი გზა ისევ გადაკეტილია. სამართალდამცველებმა რკინის ჯებირის ნაწილი მოხსნეს, თუმცა აქციის მონაწილეებს სოფელ ნამოხვანისკენ, სადაც მათი პროტესტის ძირითადი ადგილია, ისევ არ უშვებენ.შემცირებულია  პოლიციელთა რაოდენობაც. გუმათჰესთან ,,რიონის ხეობის მცველები,, ისევ რჩებიან, ადგილზე კარვებია გაშლილი. როგორც მოძრაობა ,,რიონის ხეობის გადარჩენისთვის,, წარმომადგენელი ვარლამ გოლეთიანი ამბობს, ჯერჯერობით ხელისუფლებას შემხვედრი ნაბიჯები არ გადაუდგამს.ისინი ამ დრომდე მოლოდინის რეჟიმში რჩებიან.

,,ველოდებით ისევ კონკრეტულ ნაბიჯებს. შეთანხმება გულისხმობდა, რომ შეესრულებინათ პირობები და აქამდე ეს პირობები შესრულებელი არ არის. მოვუწოდებთ, რომ დროულად გადმოდგან ნაბიჯები.საზოგადოებაც ისე აღიქვამს, რომ თითქოს არაფერის შესრულებას არ აპირებენ და წელავენ დროს. იმისთვის, რომ კიდევ უფრო არ დაიძაბოს სიტუაცია, ვფიქრობ, დროულად უნდა გადმოდგან ნაბიჯები. რკინის ბარიკადების მოხსნა არ ცვლის არაფერს. ჩვენ ვითხოვთ გადადგილების უფლებას პროტესტის ძირითად ადგილზე და ეს უფლება არ გვეძლევა. სანახევროდ შესრულებულ ვითომ პირობებს არ შევეგუებით.სამომავლო გეგმა არ შესრულების შემთხვევაში უკავშირდება ფართომასშტაბიან აქციებს.,,-განაცხადა ვარლამ გოლეთიანმა

 როგორც საგანგებო სიტუაციების მართვის სამსახურში განაცხადეს, სამძებრო სამუშაოები ამ დრომდე მიმდინარეობს.,თუმცა დაკარგულის პოვნა ვერ ხერხდება. სოფელ ნამოხვანში, იქ სადაც რამდენიმე თვეა ,,ნამახვანჰესის“ მოწინააღმდეგეთა აქცია მიმდინარეობს, ახალგაზრდა მამაკაცი მდინარეში გადახტა. თვითმხილველების თქმით, ის რიონის ხეობაში შემთხვევამდე 2 დღით ადრე ჩავიდა.

18 აპრილიდან, სამთვიანი პაუზის შემდეგ, ევროპის ყველაზე სწრაფად მზარდი დაბალბიუჯეტიანი ავიაკომპანია Wizz Air ქუთაისის განახლებულ და გაფართოებულ საერთაშორისო აეროპორტში ევროპის მიმართულებით პირდაპირ რეგულარულ რეისებს ანახლებს. 18 აპრილს, 01:20 საათზე ვილნიუსიდან ქუთაისის მიმართულებით პანდემიის შემდეგ პირველი რეგულარული რეისი შესრულდა, ვარშავიდან კი 20:45 საათზე.

ქუთაისის საქალაქო სასამართლომ ძალადობაში ბრალდებული სპორტსმენები წინასწარ პატიმრობაში დატოვა. მოსამართლე ქეთევან თხელიძემ დაცვის შუამდგომლობა არ დააკმაყოფილა და 6-ვე პირს წინასწარი პატიმრობა შეუფარდა.  საკითხზე სასამართლო რვა საათზე მეტი ხნის   განმავლობაში მსჯელობდა. თავად ბრალდებულებმა და მათმა ადვოკატებმა  სხდომა პროტესტის ნიშნად დატოვეს, ამის შემდეგ კი  საქმეში საზოგადოებრივი ადვოკატები ჩაერთნენ.  ბრალდებულები წარდგენილ ბრალს არ აღიარებენ .

დაპირისპირება, რომლის გამოც სამართალდამცავებმა  6 პირი დააკავეს, 12 აპრილს გუმათში, ნამახვანჰესების კასკადის მშენებლობის საწინააღმდეგო აქციაზე მოხდა. დაზარალებულების განცხადებით,  30-მდე პირმა 3 პირი კასტეტებისა და ქვების გამოყენებით სცემა. 

დაცვის მხარე საქალაქო სასამართლოს გადაწყვეტილების გასაჩივრებას  სააპელაციო სასამართლოში აპირებს.

შეგახსენებთ, 6 ადამიანი პოლიციამ ბათუმში 15 აპრილს დააკავა.წარდგენილი ბრალი  -ჯგუფური ძალადობა 4-დან 6 წლამდე ვადით თავისუფლების აღკვეთას ითვალისწინებს.

დღეს დილით  გუმათჰესთან  მოწყობილი რკინის კედელი სამართალდამცავებმა დაშალეს. ჯებირი გამთენიას აიღეს. ჯერჯერობისთ  ადგილზე მხოლოდ რკინის მცირე ჯებირები რჩება. რკინის კედელი გუმათში რამდენიმე დღის წინ, აქციების პარალელურად მოეწყო,რასაც საპროტესტო ტალღის გაძლიერება მოყვა.

აქციის მონაწილეები, რომლებიც უკვე 173 დღეა ღამეს კარვებში ათენებენ და „ნამოხვანჰესის“ კასკადის მშენებლობას ეწინააღმდეგებიან, ხელისუფლების გადაწყვეტილების მოლოდინში არიან. მათ მიერ დასახელებული სამი პირობიდან ერთი - ,რომელიც რიონის ხეობისკენ მიმავალ გზაზე რკინის კედლის აღებას გულისხმობდა, უკვე შესრულდა.

პროტესტის მონაწილეები კიდევ ორ პირობს აყენებენ-  ხეობიდან პოლიციის გაყვანას და სოფელ ნამოხვანისკენ, სადაც ჰესის ასაშენებლად მოსამზადებელი სამუშაოები მიმდინარეობს, თავისუფლად გადააადგილებას მოითხოვენ.უცვლელი რჩება ძირითადი მოთხოვნები-არ აშენდეს ჰესი,ხეობა დატოვოს "ენკამ" და გადადგეს ეკონომიკის მინისტრი.

პ.ს ფოტო არქივიდან.