საზოგადოება

: საზოგადოება; 22 მაისი 2021; გადასვლები: 970

იმერეთსა და რაჭაში უკანონო ნადირობის 2 ფაქტი გამოვლინდა

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა იმერეთსა და რაჭაში უკანონო ნადირობის 2 ფაქტი გამოავლინეს.

მოქალაქეები, ზესტაფონის მუნიციპალიტეტის სოფელ შროშასა და ონის მუნიციპალიტეტის სოფელ სორიში, ტყეების მიმდებარედ, აკრძალულ პერიოდში, არარეგისტრირებული იარაღებით ნადირობდნენ.

გარემოსდაცვითი ზედამხედველობის დეპარტამენტის თანამშრომლებმა სამართალდამრღვევებს იარაღები ჩამოართვეს და შესაბამისი ოქმები შეადგინეს.

ჩამორთმეული იარაღები, ასევე მასალები შემდგომი რეაგირების მიზნით, შესაბამის უწყებებში გადაიგზავნება.

: საზოგადოება; 22 მაისი 2021; გადასვლები: 994

იმერეთში ხე-ტყის მოპოვების 2 უკანონო ფაქტი გამოვლინდა

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა იმერეთში ხე-ტყის უკანონო მოპოვების 2 ფაქტი გამოავლინეს.

საჩხერის მუნიციპალიტეტის სოფელ სარეკის მიმდებარედ, მოქალაქემ უკანონოდ მოჭრა 2 ერთეული აკაციის სახეობის ხე-მცენარე, ხონის მუნიციპალიტეტის სოფელ გორდში კი, მოქალაქემ უკანონოდ მოიპოვა აკაციის სახეობის 5 ერთეული ხე-მცენარე.

დეპარტამენტის თანამშრომლებმა სამართალდამრღვევების მიმართ ადმინისტრაციულ სამართალდარღვევათა შესახებ ოქმები შეადგინეს. მასალები, შემდგომი რეაგირების მიზნით, შესაბამის სასამართლოში გადაიგზავნება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2021 წლის 01 აპრილიდან 30 აპრილის ჩათვლით, ხე-ტყის უკანონო მოპოვებისა და ტრანსპორტირების 210 ფაქტი გამოავლინეს, მათ შორის 12 ფაქტი სისხლის სამართლის დანაშაულის ნიშნებს შეიცავს.

: საზოგადოება; 21 მაისი 2021; გადასვლები: 1076

დასავლეთ საქართველოში ტემპერატურა მკვეთრად დაიკლებს

22 მაისს დღის მეორე ნახევრიდან 23 მაისის დღის ბოლომდე საქართველოში მოსალოდნელია წვიმა ელჭექით (აღმოსავლეთ საქართველოში და დასავლეთ საქართველოს მთიან რეგიონებში ზოგან ძლიერი), დროგამოშვებით ძლიერი ქარი, შესაძლებელია სეტყვა და ზღვაზე 2-3 ბალიანი ღელვა. დასავლეთ საქართველოს დაბლობში ჰაერის ტემპერატურა მკვეთრად (10-15 გრადუსით) დაიკლებს. მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს. ინფორმაციას გარემოს ეროვნული სააგენტო ავრცელებს.

: საზოგადოება; 21 მაისი 2021; გადასვლები: 1145

მღვიმეები და კანიონები სტუმრებს 26 მაისიდან მიიღებს

დაცული ტერიტორიების სააგენტოს ინფორმაციით, მარტვილის კანიონი, ოკაცეს კანიონი, ოკაცეს ჩანჩქერი(სოფ.კინჩხა), პრომეთეს მღვიმე და სათაფლია ვიზიტორებისთვის იხსნება. 26 მაისიდა, დილის 10 საათიდან 18:00 საათამდე ობიექტები რეგულაციების დაცვით იმუშავებს.

დაცული ტერიტორიების სააგენტოს მიერ გავრცელებული ინფორმაციით, აუცილებელია პირბადე და სოციალური დისტანცია,ვიზიტორთა ცენტრში მხოლოდ 5 ვიზიტორის ყოფნაა დაშვებული და რეკომენდებულია თანხის გადახდა უკონტაქტო გზით ან ბილეთების დისტანციურად შეძენა.

: საზოგადოება; 21 მაისი 2021; გადასვლები: 1053

დევნილი ვეტერანებისთვის ქუთაისში 60 ბინა განაწილდება

დევნილთა საკითხების შემსწავლელმა კომისიამ დევნილ ვეტერანთა ოჯახებისთვის ბინების გადაცემის საკითხზე მუშაობა დაიწყო.

დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორის ბესარიონ სიმონიშვილის განცხადებით, ამ ეტაპზე, 120 ბინა ნაწილდება.

„დევნილი ვეტერანებისთვის ღირსეული საცხოვრებელი პირობების შექმნის მიზნით სპეციალურ პროექტს ვახორციელებთ. ამ ეტაპზე, კომისია 120 ბინის განაწილების საკითხს განიხილავს, საიდანაც 60 ზუგდიდში, 60 კი ქუთაისში მდებარეობს. ჩვენთვის განსაკუთრებით მნიშვნელოვანია, რომ განსახლების პროცესი ღიად და გამჭვირვალედ მიმდინარეობს“, - განაცხადა ბესარიონ სიმონიშვილმა.

კომისიის პირველ სხდომას ვეტერანების საქმეთა სახელმწიფო სამსახურის დირექტორი კობა კობალაძე ესწრებოდა. კომისია მუშაობას 2 კვირის ვადაში დაასრულებს, რის შემდგომაც იმ ოჯახების სია, რომლებსაც ბინები გადაეცემათ დევნილთა სააგენტოს ვებგვერდზე გამოქვეყნდება.

: საზოგადოება; 21 მაისი 2021; გადასვლები: 1124

საბინაო სამსახურის უფროსის განცხადებით, გუგუნავას 12 ნომერში მცხოვრებ დევნილებს ღია ცის ქვეშ დარჩენა არ ემუქრებათ

ქუთაისის მერიის საბინაო სამსახურის უფროსი ადასტურებს, რომ გუგუნავას ქუჩაზე, იმ შენობაში, სადაც დევნილები ცხოვრობენ, სოციალური საცხოვრისი უნდა გაკეთდეს,თუმცა ჯონი არაბიძე ამბობს, რომ რებილიტაციის შემდეგ, თუ დევნილები ბინებს სახელმწიფოსგან ვერ მიიღებენ, მათ საცხოვრისში დააბუნებენ და ქუჩაში დარჩენა არ ემუქრებათ.

,,ლტოლვილთა ოჯახებს ვთავაზობთ ქირით დაკმაყოფილებას, ვიდრე არ დასრულდება რებილიტაცია სოციალური საცხოვრისის. ამის შემდგომ, თუკი მათი ბინებით დაკმაყოფილება ვერ უზრუნველყო დევნილთა სააგენტომ, კვლავაც ვთავაზობთ და ვაძლევთ პირობას, რომ დაბრუნდებიან რეაბილიტირებულ ბინებში და გააგრძელებენ ცხოვრებას, ვიდრე არ დაკმაყოფილდებიან ბინებით,,-ამბობს ჯორი არაბიძე

დღის სიახლეები

საზოგადოება

Search