დღეს დილიდან ქუთაისის სააღმზრდელო დაწესებულებებში ნობათების  დარიგება დაიწყო, 9 დასახელების პროდუქტს ქალაქის ოცდაჩვიდმეტივე  ბაგა-ბაღის 7 643  აღსაზრდელი მიიღებს.

აიპ ბაგა-ბაღების გაერთიანების ხელმძვანელის, დავით წიტაიშვილი ინფორმაციით, ნობათებისთვის დაახლოებით ორას ოცი ათასი ლარი დაიხარჯა, რაც შეეხება სააღმზრდელო პროცესის დაწყებას, აღნიშნული ეპიდ ვითარებასა და საკოორდინაციო საბჭოს გადაწყვეტილებაზეა დამოკიდებული .

სამხედრო დაპირისპირება აფხაზეთში 1992 წლის 14 აგვისტოს დაიწყო. სოჭი-ინგირის სარკინიგზო მონაკვეთის დასაცავად აფხაზეთის ტერიტორიაზე შესულ საქართველოს თავდაცვის სამინისტროს ეროვნულ გვარდიას აფხაზეთის უმაღლესი საბჭოს თავმჯდომარის, ვლადისლავ არძინბას განკარგულებით შექმნილმა „აფხაზურმა გვარდიამ“, ოჩამჩირის რაიონის სოფელ ოხურეისთან ცეცხლი გაუხსნა.

სახელმწიფო საბჭომ სოჭი-ინგირის რკინიგზის მონაკვეთის დასაცავად აფხაზეთში ეროვნული გვარდიის შეყვანა 11 აგვისტოს, ვლადისლავ არძინბასთან შეთანხმების შემდეგ გადაწყვიტა. შეთანხმების მიუხედავად, „აფხაზურმა გვარდიამ“ საქართველოს ეროვნულ გვარდიას აფხაზეთის ტერიტორიაზე გადაადგილებისას წინააღმდეგობა ოჩამჩირისა და გულრიფშის რაიონებში და ქალაქ სოხუმში გაუწია, რასაც აფხაზეთში საომარი მოქმედებების დაწყება მოჰყვა.

აფხაზეთში სამხედრო დაპირისპირება 13 თვეს და 13 დღეს გაგრძელდა და 1993 წლის 27 სექტემბერს, სოხუმის დაცემით და საქართველოს შეიარაღებული ძალების მარცხით დასრულდა.

1993 წლის 16 სექტემრებს აფხაზურმა მხარემ დაარღვია 27 ივლისის სოჭის შეთანხმება „ცეცხლის შეწყვეტისა და ძალთა დაშორიშორების შესახებ“ და დაიწყო შტურმი სოხუმის ასაღებად. სოხუმისთვის ბრძოლა 11 დღის განმავლობაში მიმდინარეობდა. აფხაზურ-რუსულმა, ჩრდილოეთ კავკასიელთა და კაზაკთა შენაერთებმა აფხაზეთის მინისტრთა საბჭოს შენობაზე შტურმი 27 სექტემბერს დილიდანვე დაიწყეს და ტყვედ აიყვანეს აფხაზეთის მინისტრთა საბჭოს თავმჯდომარე ჟიული შარტავა, ქალაქ სოხუმის მერი გურამ გაბესკირია და მინისტრთა საბჭოს 27 თანამშრომელი და შემდეგ ყველა მათგანი დახვრიტეს.

რუსულ-აფხაზურმა შენაერთებმა მდინარე ენგურის გასწვრივ პოზიციები 1993 წლის 30 სექტემბერს დაიკავეს. აფხაზეთის თვითგამოცხადებული რესპუბლიკის ხელისუფლება „საქართველოზე გამარჯვებისა და აფხაზეთის დამოუკიდებლობის დღეს“ ყოველი წლის 30 სექტემბერს აღნიშნავს.

ქართული მხარის ამ დრომდე დაუზუსტებელი მონაცემებით, აფხაზეთში 1992-1993 წლებში მიმდინარე სამხედრო დაპირისპირებისას, ქართული მხრიდან 10 ათასზე მეტი ჯარისკაცი და მშვიდობიანი მოქალაქე დაიღუპა. 300 ათასი აფხაზეთიდან დევნილი ქართველი კი უსახლკაროდ დარჩა. აფხაზური მხარის მონაცემებით კი, დაიღუპა 3 500 და დაიჭრა 2 ათასამდე აფხაზი

დღეს  სამოქალაქო მოძრაობამ " დატოვე პარლამენტი ქუთაისში" აქცია გამართა.მოძრაობის წევრებმა ფლაერები დაარიგეს და პოსტერები გააკრეს.

 ამ აქციით მათ  მოუწოდეს ქუთაისელებს, 2 ოქტომბრის არჩევნებში ხმა იმ პოლიტიკურ ძალას და მერობის მხოლოდ იმ კანდიდატს მისცენ, რომელიც ქუთაისისთვის საპარლამენტო ქალაქის სტატუსის დაბრუნებას მხარს საჯაროდ დაუჭერს.

ქუთაისში, ჯავახიშვილის ქუჩაზე, იმერეთის სამხარეო პოლიციის წინ, მაღაზიათა ქსელ “დეილის” ფილიალი გაქურდეს. წაღებულია პროდუქტი.

სახელმწიფო ენის სწავლებისა და ინტეგრაციის პროგრამის ფარგლებში საქართველოს განათლებისა და მეცნიერების სამინისტროს სსიპ ზურაბ ჟვანიას სახელობის სახელმწიფო ადმინისტრირების სკოლამ პროექტის „დისკუსიები COVID-19-ის შესახებ“  მორიგი შეხვედრა გამართა

სეისმური მონიტორინგის ეროვნული ცენტრის დირექტორი, თეა გოდოლაძე,რომელიც თავიდანვე კომპანია ,,ენკას,, საქმიანობის წინააღმდეგი იყო და მიიჩნევდა, რომ ნამახვანჰესის პროექტი არ იყო სეისმურ რისკებზე გათვლილი და  არ უნდა განხორცილებულიყო, საინფორმაციო სააგენტო ,,აქტორთან,, კომპანიის , ქვეყნიდან გასვლის ფაქტს  და ჰესის მშენებლობის შეჩერებას ეხმაურება.

,,ეს პროექტი საერთოდ არ ვარგა-გააკეთებს ამას რომელიმე კომპანია, ,,ენკა,, იქნება ეს თუ სხვა, პროექტი არის უვარგისი. ენერგოდამოუკიდებლობა ქვეყნისთვის არის უმნიშვნელოვანესი, მაგრამ პროექტი უნდა იყოს გამართული, სეისმური მდგრადობა უნდა იყოს გათვალისწინებული, რაც ამ პროექტში არ იყო.,,ენკას,, არ ქონდა კაშხლური ტიპის ჰესების მშებლობის გამოცდილება.მით უფრო ისეთ პრობლემურ რეგიონში,როგორიც საქართველოა.შესაბამისად, ვიყავი წინააღმდეგი მშენებლობის. თუ ,,ენკა,, ტოვებს ხეობას და ქვეყანას, კარგია, მთავარია არ გაგრძელდეს მშენებლობა,,-განაცხადა თეა გოდოლაძემ.