გუმათჰესთან,საიდანაც რიონის ხეობის გზა იწყება,პოლიცია ისევ დგას და გადაადგილება შეზღუდულია."მთის ამბების"ინფორმაციით, რიონის ხეობის შესასვლელში პოლიციას წყლის ჭავლის მანქანაც მობილიზებული ჰყავს. ნამახვანჰესის მშენებლობი წინააღმდეგ 12 საათზე სოფელ გუმათში, გუმათჰესთან აქციაა დაგეგმილი.

 ქუთაისში ავარიის შედეგად 21 წლის ბიჭი გარდაიცვალა .  როგორც შინაგან საქმეთა სამინისტროში  განაცხადეს, შემთხვევა გუშინ მოხდა. გამოძიება სსსკ-ის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. 

 სავარაუდოდ მსუბუქი ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა და ჯებირს შეეჯახა, რის შედეგადაც 21 წლის მგზავრი ადგილზე გარდაიცვალა.

ხვალ ,4 აპრილს, თბილისში პოლიტიკოს გოგი წულაიას მხარდასაჭერი მორიგი აქცია გაიმართება.

ამჯერად აქცია ორთაჭალაში,პროკურატურასთან არის დაგეგმილი.მხარდამჭერების შეკრება 14:30 წუთიდან დაიწყება.

თარიღი 2007 წლის 18 დეკემბრის გაეროს გენერალური ასამბლეის გადაწყვეტილებით დაწესდა. აუტიზმის ცნობადობის ამაღლების მსოფლიო დღე რეაბილიტაციის ცენტრის ნაიოს მიერ ორგანიზებული ღონისძიებით აღინიშნა, აუტისტური სპექტრის მქონე პატარებისთვის გასართობი აქტივობები მოეწყო, ღონისძიებას ადგილობრივი თვითმმართელობის წარმომადგენლებიც დაესწრნენ.

გარემოს ეროვნული სააგენტო უახლოესი დღეების ამინდის პროგნოზს ავრცელებს.

3 აპრილის დილამდე საქართველოში მოსალოდნელია დროგამოშვებით ნალექიანი ამინდი. ზოგან იქროლებს დასავლეთის მიმართულების ქარი. ჰაერის ტემპერატურა დასავლეთ საქართველოში +10, +15, აღმოსავლეთ საქართველოში კი +13, +18 გრადუსია მოსალოდნელი.

პოლიტიკოსი გოგი წულაია შიმშილობას წყვეტს.  ინფორმაცია ადვოკატმა ვალერი გელბახიანმა დაადასტურა.ადვოკატი ამბობს, რომ პოლიტიკოსისგან აქვს პირობა, რომ კვებას დაიწყებს და შიმშილობას აღარ გააგრძელებს. წულაია კვლავ ციხის საავადმყოფოში იმყოფება, ამჟამად მისი მდგომარეობა სტაბილურია და  გადასხმები უკეთდება. .

რაც შეეხება საქმის სამართლებრივ ნაწილს, ადვოკატის განცხადებით, მათ სახელმწიფო ინსპექტორის და ასვე სახალხო დამცველის აპარატს მიმართეს, რომ შეფასდეს,  თუ რა დარღვევებს ქონდა ადგილი პოლიტიკოსის დაკავებისას.