სოფელ დიმში ჯ.ღვინჯილიას სახელობის საჯარო სკოლიდან, სოფელ პირველი ობჩის დამაკავშირებელი 1300 მ. საავტომობილო გზის სარეაბილიტაციო სამუშაოები მიმდინარეობს. აღნიშნულ გზის მონაკვეთზე რკინა-ბეტონის საფარი იგება, ეწყობა სანიაღვრეები და ცხაურები. სამუშაოებს ტენდერში გამარჯვებული სამშენებლო კომპანია შ.პ.ს „გეორგიან ბუილდი“ ასრულებს და მისი ღირებულება 489. 623. 00 ლარს შეადგენს. სარეაბილიტაციო სამუშაოები რეგიონებში განსახორციელებელი პროექტების ფონდიდან ფინანსდება. მიმდინარე სამუშაოებს ბაღდათის მუნიციპალიტეტის მერიის ინფრასტრუქტურის სამსახურის წარმომადგენლები გაეცნენ.

ინფორმაცია შინაგან საქმეთა სამინისტროში დაადასტურეს. როგორც უწყებაში განაცხადეს დაკავებულებს ბრალად ადმინისტრაციული სამართალდარღვევა ედებათ.

 შეგახსენებთ,  წუხელ რიონის ხეობაში სიტუაცია რამდენჯერმე დაიძაბა. აქციის მონაწილეები სოფელ გუმათში, პოლიციის მიერ აღმართულ ჯებირებს ხელებს ურტყამდნენ და პროტესტს ამ ფორმით გამოხატავდნენ.

ნაგან საქმეთა სამინისტრო, გუმათში შეკრებილ ნამახვანჰესის მშენებლობის მოწინააღმდეგე მოქალაქეებს მოუწოდებს, დაიცვან კანონის მოთხოვნები და შეინარჩუნონ სიმშვიდე. პოლიცია იმოქმედებს მისთვის მინიჭებული მანდატის ფარგლებში და რეაგირებას მოახდენს კანონდარღვევის ნებისმიერ ფაქტზე.

შინაგან საქმეთა სამინისტროს თანამშრომლები უსაფრთხოების ზომებიდან გამომდინარე და მოვლენების ხელოვნურად ესკალაციის თავიდან არიდების მიზნით, რიონის ხეობაში მობილიზებული არიან და საზოგადოებრივ წესრიგს იცავენ.

შინაგან საქმეთა სამინისტრო კიდევ ერთხელ მოუწოდებს შეკრებილებს, დაემორჩილონ პოლიციის კანონიერ მოთხოვნებს და არ გასცდნენ გამოხატვის თავისუფლების კანონით დასაშვებ ფარგლებს.

" აღარ  ვაპირებ ვინმეს ვეხვეწო ,გამიშვთ  ჩემს სახლში.ეს ჩემი ქვეყანაა , ჩემი მიწაა,რატო უნდა ვეხვეწო ვინმეს?კომპანიას უქმნიან სასათბურე პირობებს.ჩვენ კი თავზე გვახევენ კონსტიტუციას."-განაცხადა "რიონის ხეობის მცველმა " მაკა სულაძემ.

სოფელ გუმათში, სადაც რკინის ბარიკადებია აღმართული, აქციის მონაწილეებსა და პოლიციას შორის ვითარება დაძაბულია. აქციის მონაწილეებმა ხელების აწევით ბარიკადების მიღმა შესვლა სცადეს,პოლიცია კი  ხალხის მასას მოაწვა და ბარიკადების მეორე მხარეს გადმოვიდა. ამის შემდეგ აქტივისტებმა ისევ ხელების აწევის ჟესტით კიდევ ერთხელ მიმართეს სამართალდამცველებს, რომ მიეცათ ბარიკადებს მიღმა შესვლის უფლება, თუმცა ამის უფლება მათ პოლიციამ არ მისცა.

აქტივისტების ცნობით,2 პირია დაკავებული.

,,რკინის ჯებირის დაზიანების რა გითხრათ, მაგრამ ჩვენს თანამებრძოლებს ნამდვილად აქვთ დაზიანებები ხელზე,,- ასე აფასებს „რიონის ხეობის მცველი“ ვარლამ გოლეთიანი შსს-ს მიერ სოფელ გუმათში სხვისი ნივთის დაზიანების ან განადგურების ფაქტზე გამოძიების დაწყებას.

,,კინის ჯებირის დაზიანების რა გითხრათ, მაგრამ ჩვენს თანამებრძოლებს ნამდვილად აქვთ დაზიანებები ხელზე, შეგიძლიათ ნახოთ, ქვას არავინ არ ურტყამდა. მთელი ღამის განმავლობაში არ გაჩერებულა კედლებზე ხელების ბრახუნი, მართლა მიადგათ ადამიანებს თავად დაზიანებები. ზოგადად, რკინის ჯებირი იმისთვის არსებობს, რომ მსგავს წინააღმდეგობას გაუძლოს, მისი ფუნქციაც ეს არის. როდესაც ხელს ურტყამს ადამიანი, ვერ დააზიანებს. ხმაური აწუხებთ, სინამდვილეში ეს არის ამის საფუძველი, ხმაური აუცილებლად გაგრძელდება, ამიტომ მოიგონეს აბსურდული და უსაფუძვლო ბრალდება, თითქოს, დაზიანდა რკინის ჯებირი. ,,-ამბობს გოლეთიანი.

შსს-მ სოფელ გუმათში სხვისი ნივთის დაზიანების ან განადგურების ფაქტზე გამოძიება საქართველოს სისხლის სამართლის კოდექსის 187-ე მუხლით დაიწყო. როგორც უწყებაში აღნიშნავენ, დაზიანებულია პოლიციის მიერ გუმათჰესთან უსაფრთხოების მიზნით განთავსებული რკინის ჯებირები.